| Register

Dear fans

Filed under: Features — admin at 6:04 pm on Saturday, June 6, 2009


Dear fans,

 

Salamat sa patuloy ninyong pagsuporta sa akin at sa inyong mga kani-kaniyang mga idols. Kayo ang dahilan kung bakit mas maningning ang showbiz. Mas masaya, mas maingay at mas exciting! 

 

Sa case ko, I’m sure kaunti lang kayo pero bonggang-bonggang pasasalamat naman ang balik ko sa inyo.  Minsan magpapa-fans day ako, sana um-attend kayo tutal tayo-tayo lang naman doon. Hahaha. At sa fans naman ng mga naglalakihang stars, kahit pa ang mga solid, liquid at gas, mapa-international, local, galactic, inter-galactic, fantastic, itik at walastik—narito ang aking paalala.

 

“Fan mo ako!” ang dapat na sinisigaw at hindi “fan kita!”

 

Ang idol mo ay dapat maging inspirasyon mo at hindi buhay mo.  May pamilya ka at sariling buhay.  Fan ka ni idol at hindi kamag-anak or jowa.  Tandaan: may sariling buhay din si idol na pribado at personal.  Dapat ikaw din, meron.  Kung sunod ka lang ng sunod sa kanya araw-araw ay magpakunsulta ka na sa doctor.  Masama na ‘yan.

 

Kung magpapapirma sa idol, siguraduhin sa maayos na papel, notebook or puwede na din ang T-shirt basta huwag nang labhan. Huwag naman sa tissue at lalo na sa kamay. Kasi matatapon mo lang ang tissue at mahuhugasan mo ang kamay. E, kala ko ba idol mo? Dapat sa isang bagay na puwede mong maitago or kolektahin.  Kung hindi ka naman collector ng signature ng mga artista or nakigaya ka lang sa iba, e, huwag ka ng magpapirma. Sayang lang ang effort mo at noong artista.

 

Kung hindi sigurado sa pangalan ng nakitang artista, huwag mo ng ilakas ang katagang, “Sino nga ba ‘yan? Ay, si ano…si ano…” Makakabuting magtanong sa katabi or mag-antay ng sisigaw ng pangalan noong artista. Kung hindi mo talaga kilala, e, huwag ka ng mag-aksaya ng oras mo at pumunta na sa pupuntahan mo at baka ma-late ka pa. Bilis!

 

Kung hindi nakatingin sa iyo ang isang artista pero hindi mo naman tinatawag, huwag naman lumitanya ng “Suplada!” Try mo tawagin at pag hindi pa din tumingin sa iyo, ‘tsaka mo sigawan ng“suplada” at haluan mo pa ng mura kung gusto mo. Kung idol mo talaga siya, nagkamali ka ng inidolo. Pahabol, may mga artista din na medyo bingi kaya huwag agad humusga.

 

Hindi lahat ng artista ay forever nakangiti kapag nasa public place. Pasensiya na po. Meron din kasi kaming mga iniisip na bagay or problema sa buhay na hindi makapagbibigay ng rason para kami ay ngumiti.  Ngayon, kung sa isang fan’s day or show kami nakasimangot, mag-iskandalo ka at sumigaw ng, “Ngumiti ka!  Pinapanood ka namin!  Mas madami kaming problema sa iyo!  My God!!!” ‘Tapos maghimatay-himatayan ka para mas effective at siguradong makukunsensiya yung nakasimangot na artista.  Hehehe.

 

Hindi porke naka-shades na ang isang artista sa isang public place, e, suplada na ito. Lalo na kapag umaga, marahil puyat kami at nasisilaw sa liwanag ng araw.  Minsan naman, wala kasing make-up. Madaming artista ang pangit kapag walang make-up.  As in. Intindihin niyo na lang. Ngayon, kung gabi na at naka-shades pa din ang isang artista, tatlong bagay lang ‘yan: baka may sore eyes, o bangag, o si Randy Santiago siya. 

 

Naalala ko last Holy Week. Kasama ko ang aking little Sister na si Vice Ganda papuntang Puerto Galera. Nasa Batangas Pier kami nang dumugin kami ng mga tindera. Yung iba, bilang fans pero yung iba, para pagbentahan lang ng pasalubong.  Sigaw ng isang Ale, “Ay si Sweet at si Vice Ganda!” Say ng isa, “Asan?” Sumagot yung unang Ale ng, “Ayan sa tabi mo!” Say ng katabi namin, Ala, e, hindi kasi nagpapakilala.” Hahaha.  Maryosep, Ale, ang pangit naman po na pagdating namin ng Pier, e, sisigaw kami ni Vice ng, “Nandito na kami! Sweet at Vice! Palakpakan!” Babala: May ibang mga artista na sadyang nag-iingay para mapansin lang. Kawawa.

 

Gusto mo ba na kinukurot ka? Masakit, di ba? Pwes, huwag gawin ‘yan sa idol mo or kahit kaninong artista. Please lang. Kapag nanggigil, kurutin muna ang sarili para malaman mo kung gaano kasakit. O, loko.

 

Eto pa, sa dami ng mikrobyo, germs at kung anu-anong virus na nagkalat ngayon, malaking tulong ang proper hygiene. Ugaliing maligo palagi (puwede twice a day to avoid heat stroke) at maghugas ng kamay. Mag-deodorant na din kasi bente pesos na lang or tawas para mas mura. Ang pagsipilyo ay dapat araw-araw.  Iwasan ang mahigpit at paulit-ulit na yakap at halik sa inyong mga idols.  Kawawa naman si idol dahil titiisin niya ang kung ano mang amoy mo or kawawa ka kasi baka si idol ang may dalang germs. Remember, madalas mag-abroad ang mga artista. Baka maiuwi mo pa sa pamilya mo. Kawawa naman sila.

 

Kapag magpapa-picture kay idol, i-ready na ang camera or make sure na may dala kang camera. May lakad pa si idol kaya huwag naman pag-antayin. Isang magandang close-up na agad ang kunin para sigurado.  Iwasan na ang shot na mula ulo hanggang paa kasi hindi na uso ‘yon.  Minsan kasi, hindi na kamukha ni idol ang nasa picture kapag full-body shot. May nagpa-picture sa akin ng gano’n, parang si Jet Pangan yung katabi niya. At puwede ba, tigilan na ang joke na kunwari yung artista ang magpi-picture sa inyo. Bukod sa corny, madalas na gamitin ng mga gag shows. Ang cheap!

 

Eto madalas mangyari.  Huwag naman na po umasa ng pagbati sa TV.  Minsan pa, magbibigay kayo ng listahan ng mga pangalan niyo na pagkadami-dami. Ang punch line, soap opera ang show na nagpapabati yung iba. Ang nakakaloka, nahu-hurt kayo pag hindi kayo nabati ni idol. Huwag naman po.  Ganito po kasi ‘yon, may staff or mga boss ang bawat TV show.  Sila ang naga-approve ng mga pabati.  May mga artista na dedma sa kanila pero napapagalitan naman pagkatapos. At kadalasan po, overtime ang mga live TV shows kaya hindi na pwede bumati. Ako, buong lugar na lang na pinuntahan ko ang binabati ko. At least lahat na sila nabati ko, from mayor to anak to apo at hanggang sa kapitbahay. Taray! Hello sa mga taga Cagayan de Oro na pinuntahan ko last Friday, Butuan City last Saturday at Tarlac City last Thursday para sa PCSO Charity Caravan. 

 

Naranasan mo na ba na may lumapit sa iyo na hindi mo kilala ‘tapos nag-a-apply sa iyo ng trabaho? Nakupo, madalas mangyari sa aming mga artista ‘yan.  Pasensiya na po pero sa panahon ngayon, nakakatakot po ‘yon.  May mga ahensiya ng gobyerno ang maaaring tumulong sa inyo. O kaya, lapitan niyo ang kahit sinong goverment official. Kapag hindi ka inasikaso, ipaalala mo na ikaw ang nagpapasuweldo sa kanya. 

 

Isa pa ito. Sa mga professional fans. Kayo yung mga binabayaran para maging fans. Taga-tili kapag may appearance si idol at taga-hawak ng tarpaulin at banner niya. Huwag naman kayo tumanggap ng dalawang labada. Nahahalata po kasi sa TV. Minsan, fan ka ni ganitong artista pero the next day, sa isa ka naman.  Sabagay, mahirap ang buhay ngayon.  Sayang ang pakimkim at pameryenda. O, ganito na lang, sa isang idol mo, dapat member ka lang kung officer ka na sa isa.  Or sa isa, taga-hawak ka ng banner, sa isa, taga-tili ka lang. Ok ba?

 

At puwede ba, huwag naman gawan ng banner at tarpaulin or tilian ng todo ang mga baguhan pa lang. Halata kasi na bayaran or kamag-anak kayo.  Wala pang achievement at hindi pa kilala ‘tapos may fans na?  Parang joke. Puwede ‘yon kung aaminin niyo na kamag-anak kayo or kabarkada. Kasi minsan nakakita ako ng tarpaulin ng isang baguhan, pucha, tinanong ko na lahat ng tao kung sino ‘yong nasa picture pero wala talagang nakakaalam. Pero may tumitili at sumisigaw ng name niya. Gusto ko tuloy sumigaw ng, “Sino ‘yon?” Kayo talaga.  Note:  Malaking motivating factor sa isang artista kung hindi siya kilala or hindi pinapansin kapag nagsisimula pa lamang. That will make the artist work harder. Sure ako diyan!

 

Sa mga professional fans, huwag magdamdam. Na-hire ko din naman kayo noong araw. In fairness, may pakimkim na ako, may pameryenda pa.  Umayos kasi kayo. 

 

Sa mga tunay na fans. Yung gumagastos talaga para sa idol nila. Nag-a-absent sa trabaho or school para lang suportahan si idol.  Pinagtatanggol ang idol nila kahit kailan at kahit kanino.  Mabuhay kayo!  Hinay-hinay lang at mahirap ang buhay ngayon.  Baka mapabayaan na ang trabaho, pag-aaral or ang pamilya.  Reminder lang po.

 

Hindi masama ang maging solid at die-hard fans ng mga idols niyo pero huwag naman kamuhian at okrayin ang rival niya. Huwag naman tarantaduhin ang show na katapat ng show niya.  Masama ‘yon.  I’m sure, maski ang idol mo, ayaw na gawin mo ‘yon.  Unless tarantado talaga yung idol mo at inuutusan kang siraan ang rival niya.  Katakot ‘yon!  Masama din ‘yon para sa health mo kasi nakakataas ng blood pressure at Nakaka-stress.

 

Dito sa PEP, naloloka ako sa ibang mga fans.  Naglalaitan ng idols, TV shows ng mga idols at networks ng mga idols. Mukhang mga tanga.  Sabagay, yung ibang nagko-comment dito, e, halata namang staff, empleyado, bayaran or kamag-anak ng ipinagtatanggol niya. Understandable naman. Yung mga pamangkin ko nga at kabarkada super pagtatanggol sa akin dito.  Eto ka, may isa akong nabuking na ARTISTA, siya mismo ang nagtatanggol ng sarili niya dito at ino-okray ang rival niya. Ang taray!  Hahaha. 

 

Last na, madalas ito mangyari sa akin pero I don’t mind kasi totoo naman.  Huwag na huwag niyo sasabihan ang isang artista ng, “Ang ganda mo pala sa personal.” Kasi ang ibig sabihin noon, e, pangit siya sa TV. E, di ba, yun ang work niya?  Parang sinabihan mo ang isang teacher ng, “Ang bobo mo pala sa labas ng classroom” Hindi lahat ng artista ay katulad ko na aamin sa katotohanan na hindi kami telegenicHindi lahat ng artista ay katulad ko na trabaho lang ang paglabas sa TV at hindi naman buong buhay.  Mas ok pa yung, “Mas maganda ka pala sa personal” At least, nasabi mo na nagagandahan ka talaga sa kanya maski sa TV.

 

Love,

 

Korek ka John!

 

P.S.  Bato-bato sa langit ang tamaan mag-ouch!