If not for his tipong pang-Ultimate Fighting Champion (UFC) built, hindi mo aakalaing politician—na ngayo’y immigration commissioner na—ang guitarist behind the Music from the Heart album, si Nonoy Libanan.­

Three-term congressman sa lone district ng Easter Samar ang co-Samareño nina Ricky Lo, Boy Abunda, at Aster Amoyo na si Nonoy. Nine years old siya when his dad gifted him with his first guitar. Kahit kinahibangan na niya ang pagtugtog ng gitara at pagkanta since then, nagtapos pa rin siya ng elementary with honors.

Nang mag-high school si Nonoy sa Seminario de Jesus Nazareno, mas na-nurture ang musicality niya sa almost monthly convocation kung saan kanya-kanyang pakitang gilas ng talento ang mga seminarista.

At nang mga panahong ‘yon ay unti-unti nang nagpaparamdam nationally ng kanyang kahenyuhan sa guitara si Nonoy. Nag-champion siya sa Classical Guitar Solo B category sa National Music Competition for Young Artists.

“Favorite contest piece ko yung Vera’s Theme, isa sa tinugtog ko sa CCP nung 1980. I consider this song as the story of my life, depicting my struggles, passion, failures, and successes in life.”

Struggle nga sa kanya na pagpiliin siya ng kursong kukunin niya pagka-graduate niya ng high school.

“Yung tatay ko who is a lawyer, hinahayaan niya ako sa hilig ko—di ba, binigyan pa nga ako ng gitara. But my uncle, sabi sa akin, ‘Ano ba talaga ang gusto mong mangyari sa buhay mo? Maging musikero o maging abugado?

“Isa lang daw ang i-concenterate ko dahil hindi raw pwedeng pagasabayin ang dalawa.”

Ganunpaman, B.S. Medical Technology ang in-enroll niya sa Divine Word University sa Tacloban City kung saan siya isang Leyte-Samar Diocesan scholar.

“Safe course pa rin. Puwedeng preparatory, both sa Medicine and Law na parehong service-oriented profession.”

Pero mas nanaig ang dugong-abogado ng kanyang ama, at pagkatapos ng apat na taon na pagiging 100% academic scholar sa DWU, he passed the Philippine Bar Exam nung 1988.

Pero sabi nga, once a musician, always a musician. At sa tuwing binabagabag siya ng mga matitinding emosyon, ang kanyang guitar ang kaagapay niya.

“’Pag lawyer ka, and much more ‘pag politician ka, ang tendency is to pin down your enemy at all cost. Pero ang music, always in harmony with everything. Everyone’s goal is to be harmonious with everybody, so gawin nating instrument ang music.”

Sa mga readers na magre-react ng ‘Sino siya?’, you are not alone, dahil ‘Who is Libanan?” ang first reaction namin nang tawagan kami for a presscon ng isang “Commissioner Libanan” na magku-concert umano sa Manila Hotel nitong Feb. 29.

Hindi naman siguro tayo masisisi ng kagaya ni Nonoy Libanan. Typical kasi ngayon kay Juan dela Cruz na dedma sa mga politiko at lingkod-bayan, lalo pa’t everytime na bubungad ang mga tabloidish TV reports ay mga di kaiga-igaya ang mga hini-headline tungkol sa mga nasa gobyerno.

Kay muli, pinatunayang instrumento nga ang musika para makilala ang lingkod-bayan na kagaya ni Nonoy, na main objective ang pagsisilbi at pagkakaroon ng harmony at understanding, hindi lang ng nasasakupan, kundi ng karamihan.

Nag-iilusyon nga kami na kung mas slim si Nonoy, who is only 45 years old, malay nating maging counterpart siya ng Pilipinas ni Barack Obama!

Eto, hindi na ilusyon: May tama sa amin ang ilang cuts ng Music from the Heart album ni Nonoy: “Fragile” (orig ni Sting), “Cavatina” (theme song ng The Deer Hunter), “The Prayer,” “Speak Softly Love” (theme song ng The Godfather), “Hatinggabi” (by Antonio Molina), and “Romance.”

Pero lahat ng cuts, tumatagos sa puso.

“Pang-SPA!” biro naman ng wife ni Nonoy.

Ang isa sa kinu-consider na “reyna” ng isang malaking network ay buntis! Tina-type ito’y nasa third week ng kabuntisan ang “reyna” na ayaw pang ipaalam ang kanyang kalagayan.

Kami mismo’y na-eavesdrop lang ito habang kausap ng kakilala naming “hari” habang kinu-confirm sa kanya ng “reyna” ang pagbubuntis nito.

Feeling namin, type ng “reyna” na gawing fabulosa ang pag-a-announce niya ng kanyang kalagayan, lalo pa’t kilala siya sa pagiging newsmaker.

Nirerespeto nga ng PEP (Philippine Entertainment Portal) ang kagustuhan ng “reyna” kaya blind item muna ito.

Na-surprise si Charlene Gonzalez na may message sa kanya si Aga Muhlach sa ipinakitang audio-visual presentation nang ipa-presscon siya as the new host ng Proudly Filipina ng QTV-11, kapalit ni Daphne Osena-Paez.

“Congratulations, Charlene. I know it’s your dream to host a show that will inspire people, and this is it. I was informed that this show will empower the viewers by sharing the remarkable journeys of Pinays who have made a difference. You’ve been telling me na ganung klase ng show ang gusto mo, and your wish is granted! Ang galing! I’m very proud of you, Charlene!” pagbati ni Aga sa misis.

“Wow! Kelan n’yo kinunan si Aga? Touched naman ako,” reaction ni Charlene, na matagal-tagal na ring walang regular TV show, pinakahuli yung weekend show sa ABS-CBN na At Home Ka Dito.

Bilang host lang ng Proudly Filipina, ang kontrata ni Charlene sa QTV-11, na subsidiary ng GMA Network. Kung may iba pang projects sa kanya ang GMA-7—katulad ng napapabalitang role niya sa forthcoming Dyesebel fantaserye; dati siyang gumanap na Dyesebel sa pelikula—ayaw munang mag-comment ang mommy nina Atasha and Andres.

“I’ll concentrate muna on Proudly Filipina, since I won’t only be hosting, I will also be actively involved in research and pre-production. Kaya medyo may pressure…inspiring pressure,” sabi ni Charlene.

Ngayong na-realize na ang dream niyang magkaroon ng show na makaka-inspire at makaka-empower sa viewers, ang isa pang dream niyang gustong-gusto niyang magkatotoo ay ang mawala na ang “network war” between the networks.

“In my 16 years in the industry, I’ve experienced yung I can juggle my schedules between TV stations without hassle. Puwede akong lumabas sa 7, pwede rin ako sa 2, may show pa ako sa channel 5, nagge-guest pa rin ako sa 9 and 13. Sana mabalik yung ganun. Wish namin ni Aga, mag-end na ang network war, para mas positive ang TV industry.”

Yun din ang wish ng karamihan, sigurado kami.

Di pa rin pala nakakalimutan ni Charlene ang kanyang pinagmulan bago siya nag-showbiz, ang pagiging beauty queen—she was Bb. Pilipinas-Universe 1994. Kaya on March 8, makiki-reunion siya sa Bb. Pilipinas Charities, Inc. bilang anchorperson ng 2008 Bb. Pilipinas Grand Finals, kasama sina Paolo Bediones at Raymond Gutierrez.

May susunod kaya sa apak nina Charlene Gonzalez, Miriam Quiambao, Melanie Marquez, at iba pang beauty queens and wannabes na nag-showbiz, among the 24 official candidates sa 2008 Binibining Pilipinas?

Sa sarili naming standard—nag-manage po kami ng isang Bb. Pilipinas beauty queen at isang Bb. Pilipinas semi-finalist—two candidates ang puwedeng-puwedeng maging artista at commercial endorser: sina Danielle Castano (pictured, right) at Toni Alyessa Hipolito (pictured, left), both 18 years old. Sila yung mga artistahing pambida.

Pero dahil beauty is in the eyes of the beholder, lahat silang 24, puwede rin naman talaga kung gusto nila. Dahil marami sa kanila, kahit nag-aambisyong maging beauty queen, ay may kanya-kanyang career na gustong ma-attain.

Tatlo sa kanila ay Law proper students. Dalawa ay nasa Medicine proper. Lima ang Nurse. Dalawa ang Accountant. Lima ang nasa Tourism. Tatlo sa Speech/Mass Communications. Mayroong Engineer. Etc.

Sa matagal-tagal na ring panahon, ngayon lang marami-raming 17 years old ang official candidates: lima sila. Na-inspire siguro sila kay Maggie Wison last year na 17 lang nang koronahang Bb. Pilipinas-World.

Limang kandidata rin ang edad 24.

Ang pinakamalaking grupo ay ang 21 years old—6 silang lahat.

Apat ang edad-22; dalawa ang 18; at tig-isa ang 23 at 25 years old.

Walang 19 at 20 years old.

Ang official candidates with their respective official number (they were chosen from more than 200 apllicants):

1—Eizza Rancesca Lim; 2—Patricia Fernandez; 3—Toni Alyessa Hipolito; 4—Karla Paula Henry; 5—Ma. Kristelle Lazaro; 6—Evangeline Mae Castillo; 7—Jenniffer Barrientos; 8—Danielle Castano;

9—Kathleen Phyllis Guerrero; 10—Arvin Gail Ariola; 11—Gianni Michelle Laudato; 12—Jaysel Arrozal; 13—Tabetha Jo Frick; 14—Karen Golar; 15—Janina San Miguel; 16—Margarita Gutierrez;

17—Lady Lou Garidan; 18—Elizabeth Jacqueline Nacuspag; 19—Patricia Fry Francisco; 20—Roxanne Tadique; 21—Karla Kristina Garcia; 22—Ma. Anne Labung; 23—Agatha Fontanilla; 24—Rizza Liza Catigan.

May choice kami kung sino ang kokoronahang Bb. Pilipinas-Universe, Bb. Pilipinas-World, at Bb. Pilipinas-International, pero sasarilinin muna namin. Basta isa sa kanila, twice naming na-mention ang name sa item na ito.

Photos: Noel Orsal

Mother Lily: “We need change”

Anim na lechon Cebu ang baon ni Annabelle Rama sa thanksgiving party last Sunday evening, February17, sa pinakamalaking function room ng Imperial Palace Suites ni Mother Lily Monteverde for the success of My Best Friend’s Girlfriend na pinagbidahan nina Richard Gutierrez at Marian Rivera. Bago dumating ang lechon Cebu ay nakalatag na ang 8 courses na inihanda ni Mother Lily, na earlier ay talaga namang hands on sa lahat ng aspeto ng pagtitipon, kasama na ang pag-imbita sa pari para sa Holy Mass.

Napaaga ang dating namin kaya naka-chikahan namin si Mother Lily. Bago pala siya dumiretso ng Imperial ay kasama niyang namasyal sa Gateway Mall ang apat sa kanyang mga apo. Napagod daw siya sa kahahabol sa mga bagets na de-gulong na umiilaw ang mga rubber shoes, pero nakayanan daw naman niya’t nag-enjoy pa siya.

“I’m glad that I do my two-hour jogging every day kaya nahahabol ko sila. Ha-ha-ha!”

Kinarinyo raw siya ng mga bata na ipag-shop sila ng shoes. “Very expensive!” complain niya sa mga ipinabiling Nike shoes ng mga apo.

Suot-suot din ni Mother Lily ang bagong bili niyang Adidas jacket na may logo ng Beijing Olympics. “Are you going to the Olympics?” tanong niya sa amin, sabay sabing, “I bought this because the weather is cold. Pero wish ko talagang makapunta sa Olympics.”

Napag-usapan din ang mga current issues, sa loob at labas ng Pilipinas. Ikinuwento niyang nang umagang yun ay um-attend siya sa holy mass sa La Salle Greenhills, bilang suporta sa tinatawag ni Korina Sanchez na “imperfect hero” na si Jun Lozada.

“The future generation has to have good role models. I was observing my grandchildren kanina at ang saya-saya nila; pure and innocent ang mukha and laughter nila. I was thinking, paano ‘pag napanood ng mga bata sa TV ang klase ng mga government leaders natin? What kind of values ang maiisip ng mga bata, not only my apos kundi lahat ng mga bata? Kawawa naman sila,” sabi ni Mother Lily.

At nabanggit niya na sana, magkaroon ng Barack Obama ang Pilipinas. Si Obama ay isa sa dalawang pinakamalakas na kandidato ng Democrats for the presidential elections, ang isa ay ang dating First Lady na si Hilary Clinton.

“We need change. Hindi na effective ang mga dati na paulit-ulit ang maling ginagawa nila,” ayon kay Mother Lily na inaming dismayado sa karamihan ng pulitikong sinuportahan niya sa mga nakaraang eleksiyon.

Meanwhile, nararapat lang na batiin ang pinagsanib na Regal at GMA Films dahil ang pinakaunang pinalabas na mainstream Pinoy film sa 2008—ang My Best Friend’s Girlfriend—ay isang mega blockbuster! Naka-P70-million ito sa first five days pa lang ng showing sa mahigit 100 theaters sa buong Pilipinas.

Mismong si Robbie Tan ng Seiko Films ay nagpapatunay kung gaano ka-blockbuster ang pelikula, at nakapag-comment pa nga tungkol sa bagong leading lady ni Richard Gutierrez: “I believe Marian Rivera will be a bigger star than Angel [Locsin].”

Na-late na nga lang sa pagdating si Marian sa thanksgiving mass/party para sa BFGF dahil sa pictorial niya para sa Dyesebel, ang susunod niyang telefantaserye. Sa cover story ng December 2007 issue ng YES! mag, na-mention ni Marian na willing siyang mag-topless kung mapupunta sa kanya ang role na Dyesebel.

Inumpisahan na kaya niyang mag-topless sa pictorial ng Dyesebel?

Kaabang-abang naman po talaga!

Luis Manzano: “Angel and I have a very special relationship.”

Speaking of Angel Locsin, very open na ngayon si Luis Manzano sa pagkukuwento ng magandang relasyon nila ni Angel. The last time daw kasing presscon niya, hindi siya nagsasalita about Angel kahit ano pa ang pagtatanong sa kanya. Ang resulta raw noon ay mga column items and writeups na binabansagan siyang “user.”

“That’s the worst accusation na patungkol sa akin,” seryosong banggit ni Luis. And so far daw, ang accusation na yun ang talagang matindi ang tama sa kanya.

Ang “user” na bansag sa kanya ay ang “panliligaw” niya sa mga girls na “iniiwan” umano niya sa ere. Na kaya di siya nagsalita sa presscon na yun about Angel ay dahil “iniwan na rin niya ito sa ere.”

Kaya nang ipa-presscon siya sa renewal ng contract niya bilang endorser ng Kremil-S, todo na kung sumagot si Luis tungkol sa leading lady ni Piolo Pascual sa Lobo.

“What I like about her is she’s very loving, hindi lang sa mga mahal niya sa buhay kundi sa lahat. I never realize that she’s the kind of person na ang dami-dami pala niyang tinutulungan, ang dami niyang beneficiaries dahil gusto niya talagang makatulong. Walang camera, walang funfare; basta tumutulong lang siya. I learned about this kasi kung minsan, she asks my opinion kung ano ang dapat at bagay na tulong doon sa mga nag-a-ask ng help niya. I’m sure pag nalaman niyang ikinuwento ko sa inyo ito, pangangaralan niya ako.”

Marami pang kuwento si Luis tungkol kay Angel—positive lahat siyempre—at lahat ng tanong tungkol sa samahan nila dalaga ay sinagot niya. Ang hindi lang niya inamin ay kung officially on na sila—na hindi na naman dapat pang tanungin kasi—perro nang may mangulit, ang sabi na lang niya, “Angel and I have a very special relationship.”

Personally, ang iniisip namin tungkol sa “special relationship” nina Luis at Angel ay ang loveteam nina Angel at Piolo sa Lobo, lalo pa’t hindi gaanong makaabante sa ratings ang show.

Sa maniwala man kayo o hindi sa ratings!

Concert ni Connie Francis sinugod ng golden agers at senior citizens

Naiiba ang event sa Araneta Coliseum nung February 14 dahil sa marami-raming first aid marshals and ambulances at the gate entrances ready for whatever emergency needs ng mga concertgoers, na karamihan, mga golden agers (50 years old) at mga senior citizens, kagaya rin ng nag-concert na si Ms. Connie Francis, who turned 69 last December 12.

May magilan-ngilang naka-wheel chair pa, at marami-rami rin sa mga gentlemen ang member ng toupee group of companies!

Ito ang kauna-unahang concert sa Pilipinas ng petite (4’11”) American-Italian music icon na si Ms. Francis, na nag-umpisang namayagpag nung 1958 nang mag-mega hit sa buong mundo ang ni-revive niyang 1923 composition, “Who’s Sorry Now.” By 1967, nakapagbenta na ng 35 million copies ng mga albums si Ms. Francis. And so far, naka-77 albums na siya.

Da-Who si Ms. Francis sa majority ng mga Pinoy na edad 35 and below, at manaka-nakang sounds-familiar and I-know-her sa mga 35-44 age bracket.

Pero sa audience na pumuno sa Araneta Coliseum, sing-along galore sila with Ms. Francis habang kinakanta nito ang “My Happiness” (1958), “Where the Boys Are” (1961), “Vacation” (1962), “Stupid Cupid” (1958), “Lipstick On Your Collar” (1959), “Among My Souvenirs” (1959), “Malaguena” (1960), “Never on Sunday” (1961), at iba pa.

Very candid si Ms. Francis na umaamin ‘pag nakakalimutan niya ang lyrics ng mga kinakanta niya, na sinusuklian naman ng masigabong palakpakan ng appreciative audience.

Ikinuwento rin ni Ms. Francis na kailangan pa niyang pag-aralang muli ang lyrics ng “Wishing It Was You” at “High Noon,” na nasa kontrata raw na kailangan niyang kantahin sa Pilipinas. “These songs became hit only in the Philippines,” sabi niya, at mahigit na raw 40 years na hindi niya nakakanta yung dalawang songs.

Naka-26 songs si Ms. Francis, na ang pinakauna ay ang “Let Me Try Again,” na tipong asking for understanding, at nagbabadya na rin ng katotohanang malaki na ang kaibhan ng isang Connie Francis nung ‘50s and ‘60s sa Connie Francis ngayon.

Natapos ang concert nang walang kahit isang pasyente ang mga first-aid marshals. Bumalik din ang mga ambulansiya sa mga hospital nang kakalog-kalog at hindi nagwawangwang.

Ikinuwento nga pala ni Ms. Francis na pinagtulungan nilang buuin ni Gloria Estefan ang screenplay ng buhay ng una, na pinamagatang Who’s Sorry Now. Si Ms. Estefan ang magpo-produce at gaganap na Connie Francis.

Siguradong kasali sa bioflick ang pagkaka-rape kay Ms. Francis noong November 8, 1977 sa isang motel sa New York pagkatapos niyang kumanta sa Westbury Music Fair, dahilan para huminto siyang mag-perform for 7 years.

“Puwede bang palitan ang costume? Shorts and T-shirt na lang?” sabi ng Golden Screen Best New Actress na si Maja Salvador nang malaman niyang “ipinapamana” sa kanya ni Vilma Santos ang role na nag-establish sa Star for All Seasons bilang de-kalibreng aktres, ang Burlesk Queen.

Natuwa siyempre si Maja na choice siya ni Ate Vi halimbawang i-remake ang pelikulang nagbigay kay Ate Vi ng nag-iisang acting award na ipinamahagi nung 1977 Metro Manila Film Festival.

Yun nga lang, nang malaman ni Maja na skimpy bikini ang costume ni Vilma bilang mananayaw na burles, nag-alangan ang young actress.

“Hindi ko pa kayang magsuot ng ganun,” sabi ng 18-year-old na si Maja.

Kaya nga nakabitin din pati ang mga men’s magazines na pumipila na para sa kanyang “oo” para mai-cover siya, kagaya ng FHM.

“Sa movie, payag na siya sa kissing scene, pero gagawin lang daw niya yun kung si John Lloyd Cruz ang leading man niya,” kuwento ng manager ni Maja na si Chit Ramos.

Dahil sa kapapanood namin ng mga singing contests sa TV—local at foreign—kung saan bini-verbalize ng board of judges ang kanilang mga komento tungkol sa performances ng mga contestants, medyo “nahawa” kami. Kaya sa mga concerts, at pati sa mga album launching, conscious na kami na kailangang clear ang bitaw ng mga lyrics ng singer na pwede mong i-jot down yung bawat words.

Kung minsan naman, a la-Simon Cowell kaming pinipikit namin ang aming mga mata para pakinggan kung talagang “recording-quality” yung boses ng artist.

Si Dennis Trillo, bago siya pumagitna sa stage nung launching ng kanyang self-titled debut album nung March 13 sa Virgin Café Tomas Morato, yung album niya ang pinapatugtog. Di na kailangang ipikit ang aming mga mata para maramdaman namin na yung itsura ni Dennis na uma-akting sa mga teleserye’t fantaserye ay parang ganun din siyang kumanta. (Read more… )

Na-vote out from the so-called Danger 8 ng StarStruck The Next Level sina Stef Prescott at Paulo Avelino, ang mga pinaka-telegenic at photogenic with their classic facial features (along with two others)—na kahit sa personal ay napaka-detalyado sa ganda ang mga mukha.

Dahil sa face value nina Stef at Paulo, di kataka-taka na bago pa man sila sumali sa StarStruck ay “winners” na sila sa mga product endorsements, dahil marami-rami na rin silang nagawang print and TV commercials.

Si Stef ay major lead sa TV ad ng Kitkat, lead din sa TV ad ng isang whitening product, at sa forthcoming TV ad ng Splash ay lead pa rin siya. Sa Pilipinas lang po ‘yan, dahil sa Thailand at Singapore ay nakagawa na rin si Stef ng commercials for Unilever, at meron din siyang ini-endorsong milk product sa Malaysia. Sa edad niyang 16, at ginawa niya yung commercials nung mas malusog pa siya, huh! (Read more… )

Little more than 30 hours pagkatapos itong i-type, may tatlo na namang Binibining Pilipinas beauties na kakatawan sa bansa sa Miss Universe 2007, Miss World 2007, and Miss International 2007.

Kung ilang taon na rin na hindi lumalampas sa dalawampu’t apat (24) ang official candidates, pero dahil marami raw outstanding beauties na nag-apply this year, 30 official candidates ang maglalaban-laban for the three major titles.

Originally, 32 ang nakalusot nung final screening, pero nag-back out ang isa, samantalang tinanggal ang isa dahil umano sa “fishy background” nito.

Sa umpisa pa lang, para sa mga pageant aficionados ay frontrunners na for major titles sina candidates No. 9 Anna Theresa Licaros at No.11. Margaret Wilson. Classy at elegante ang UP Comm Arts summa cum laude graduate and 2nd year Law student na si Licaros, 22; samantalang queenly ang pagka-rampadora ng GMA-7 talent na si Wilson, 17. (Read more… )

Iba talaga ang Pinoy! Sa kasagsagan ng intriga/iskandalong James Yap-Hope Centeno-Kris Aquino ay gumagana na naman ang kokoteng-dyok-dyok ni Juan de la Cruz. Magkasunod nga naming natanggap via text messages ang sumusunod na jokes inspired by… alam nyo na po!

Joke 1: Eh ano naman ngayon kung may HOPE si James? Mas una naman nagkaroon ng PHILLIP si KRIS? GOVERNMENT WARNING: Cigarette smoking is dangerous to your health!

Joke 2: NEWS FLASH! Matindi na raw pila sa lahat ng Belo clinics! Fully booked na ang ‘facial’ for the next 15 days! March 13 na ang available slot. Puro lalake ang nagpapa-appointment. Puro facial plus “the works” ang request ng customers. Same service given to James Yap daw! Ang tawag ay BELO JOB!

‘Eto, hindi na joke.

More than a year ago, nang una naming makita ang Bench billboard nina Kris Aquino at James Yap (di namin maalala ang product—pantalon ‘ata yun) along C3, bandang Taguig-Pasig-Pateros, naasiwa kami.

Ang dahilan? Ang posing ng mag-asawa sa billboard: Nakaupong almost pahiga si James sa isang monoblock, pa-side view, habang nakaupo naman sa lap niya (parang bandang crotch) si Kris paharap sa tao.

Medyo sexy ang dating sa aming malisyosong utak, pero ‘andun yung pagka-asiwang, “Bakit inupuan ni Kis si James?”

A few months later, sa EDSA corner Quezon Ave, Quezon City, may billboard na naman sina Kris at James na ang concept ay “inupuan” na naman ni Babae si Lalake. Para sa produktong body spray (Kris scent ba yun?) naman yung billboard na naka-red gown si Kris at hubad-pang-itaas naman si James.

Kung sa unang “inupuang” billboard ay tipong pantay lang sina Kris at James, na yung “position” lang ang nagpa-angat literally kay Kris over James; sa pangalawang billboard ay medyo “her kamahalan” ang effect ni Kris na nakaupo sa balikat ng kanyang “alipin” na si James.

Ang mga naniniwala sa pamahiin at kung anumang mystical-ek (ewan kung pati ang mga adherents ng feng shui) ay di kagandahan ang kutob sa posing na yun ng mag-asawa, na nalaman naming kuha ni Jun de Leon.
“We’ll take it off na,” banggit sa amin ng isa sa mga taga-Bench nang banggitin namin ang tungkol sa “inupuang James” billboard bago namin i-type ito.

Di na namin tinanong ang rason kung bakit tatanggalin na yung “inupuang” billboard. Posibleng epekto ng kasalukuyang kaguluhan sa marriage nina Kris at James—papaano nga naman magiging epektibong endorsers ang di nagkakasundo?—o kaya’y dahil papalapit na ang summer at papalitan na ng summer campaign billboards ng Bench yung pagtatanggalan ng “pinaupong” billboards nina Kris at James.