| Register
Jojo Gabinete: Cabinet Files

In Shock

Filed under: Features — CabsM0d at 12:01 am on Tuesday, December 11, 2012

Sold out ang tickets at all seats taken ang mga sinehan sa Gateway Mall at Ali Mall na nagtanghal ng laban nina Congressman Manny Pacquiao at Juan Manuel Marquez noong Linggo, December 9.

Humingi sa amin ng dispensa ang ticket seller dahil wala na siyang maibigay na upuan kaya napilitan kaming magpunta sa TriNoMa Cinema.

Luckily, may tatlong vacant seats sa Cinema 6 na punumpuno rin ng manonood.
*******

Mabilis na kumalat sa buong mundo ang balita tungkol sa resulta ng ika-apat na paghaharap nina Pacquiao at Marquez.

Natulala ang lahat ng tao sa Cinema 6 dahil hindi sila makapaniwala na napatulog ni Marquez ang Pambansang Kamao.

Nang makita namin na nahimasmasan si Pacquiao, lumabas na kami ng sinehan at nangako sa sarili na hindi panonoorin ang replays o mga television news tungkol sa laban nila ni Marquez na nakapagpalungkot sa amin. Iniwasan din namin na tingnan ang mga litrato niya na nakadapa siya sa boxing ring.

Katulad ng milyon-milyong mga Pilipino, naapektuhan kami sa nangyari kay Pacquiao.

Tanggap natin na may mga nananalo at natatalo sa lahat ng laban, maging sa pakikibaka sa buhay, pero para sa amin, hindi ‘yon ang paraan ng pagkatalo ng isang Pilipino na pinagkalooban ng title na Pound for Pound King at nagbigay ng mga karangalan sa ating bansa.

*******

Naging superhero si Pacquiao sa paningin ng milyon-milyong tao sa buong mundo dahil sa husay niya sa boxing kaya nahihirapan sila na tanggapin ang pagkatalo ng isang “superhero.”

Dahil sa kanyang superhero image, natulala ang buong bayan sa pagkatalo ni Pacquiao.

Pero maling-mali ito para sa aming pamangkin na nagkomento ng, “Sending an entire nation into shock,” referring to one guy knocked out cold and not the hundreds of dead/missing down south. “So. Many. Things. Wrong.”

Ang mga kababayan natin sa Mindanao na namatay dahil sa pananalanta ni typhoon Pablo ang tinutukoy ng aming pamangkin na environmentalist.

*******

Pinilit namin na kalimutan ang nangyari pero nang magsimba kami noong Linggo ng gabi, tungkol pa rin sa mga kaganapan sa Pacquiao-Marquez fight ang homily ng pari.

Iniwasan muna namin na basahin ang mga post sa Facebook at Twitter dahil tulad nang dati, naging boxing analysts ang lahat.

Umiral ang pagiging insensitive ng ilan sa ating mga kababayan dahil nagawa pa nila na paglaruan ang naging kapalaran ni Pacquiao.

*******

Babalik si Manny sa Pilipinas sa Miyerkules, December 12, para sa farewell episode ng kanyang game show sa GMA-7, ang Manny Many Prizes.

Si Manny ang humiling sa GMA-7 na magkaroon ng farewell show ang kanyang programa para mapasalamatan niya nang personal ang lahat ng mga tumangkilik sa Manny Many Prizes.

Live na mapapanood sa GMA-7 mula sa Mall of Asia ang farewell episode ng show. Isang public service program ang diumano’y next television project ni Manny sa Kapuso Network.

Showbiz angles

Filed under: Features — CabsM0d at 2:44 pm on Thursday, August 23, 2012

Nagkaroon ng showbiz angle ang debate tungkol sa Anti-RH Bill dahil showbiz personality si Senator Tito Sotto.

Umani ng simpatiya si Sotto dahil napaiyak ito habang binabasa ang kanyang privilege speech.

Pero mas matinding batikos ang inani ng senador nang mapatunayang kinopya ang kanyang speech mula sa blog ng American writer na si Sarah Pope.

Hindi si Sotto ang unang public official na nakita nating lumuha nitong mga nagdaan na araw.

Napaiyak din si Senator Franklin Drilon nang malaman nito na bumagsak sa karagatan ng Masbate ang eroplano na sinasakyan ni Department of Interior and Local Government (DILG) Secretary Jesse Robredo.

Pinigilan din ni Department of Transportation and Communications  (DOTC) Secretary Mar Roxas ang kanyang mga luha nang kumpirmahin niya na natagpuan ng mga diver ang labi ni Secretary Robredo.

*******
Nagkaroon ng showbiz angle ang pagmumura at pananakit ng isang Robert Carabuena kay MMDA Traffic Enforcer Saturnino Fabros dahil sa suporta na ibinigay ng mga showbiz personality.

Nanguna si Arnell Ignacio sa paglikom ng financial help para kay Fabros mula sa ibang mga artista.

Napaluha si Fabros nang tanggapin nito mula kay Arnell ang tulong sa kanya habang patuloy ang mga personal na batikos at pananakot kay Carabuena sa mga social media.

Napilitan si Carabuena na i-deactivate ang kanyang Twitter at Facebook accounts para magkaroon ng katahimikan ang buhay niya.

At dahil hindi masyadong busy ang ibang tao, isang Pinoy ang nagkaroon ng oras na gumawa ng bogus Facebook account ni Carabuena na sineryoso at pinatulan ng mga emotional and gullible netizens na agad nag-post ng kanilang abot sa langit na galit sa tormentor ni Fabros.

Pero hindi na kasalanan ni Carabuena kung nakabiktima uli siya ng mga tao na nagsayang ng panahon at emosyon sa isang fake Facebook account.

*******

Ang big news tungkol sa nangyari kay Secretary Robredo ang tumabon sa galit ng mamamayang Pilipino laban kay Carabuena at sa isyu ng plagiarism na ibinibintang kay Senator Tito Sotto.

Hindi sana naging malaking eskandalo ang alegasyong plagiarism laban kay Sotto kung humingi agad siya ng paumanhin, tulad ng mabilis na ginawa ni TV5 owner Manny V. Pangilinan nang malaman nito na kinopya ng kanyang speech writer mula sa speech nina Oprah Winfrey at J. K. Rowling ang commencement address niya sa graduates ng Ateneo de Manila University noong April 2010.

Instead, emosyonal na kinanta ni Senator Sotto ang “This Is The Moment” sa 33rd annivesrary presentation ng Eat Bulaga! noong Sabado, August 18.
*******

Marami ang kaso ng plagiarism na mabilis na nadidiskubre dahil sa imbensiyon ng Internet at tulong ng social media.

Sa mga pelikula at TV show, hindi naiiwasan ang pagkakapareho ng mga eksena at dialogue ng mga artista.

Sunud-sunod na “pakshet” ang pinakawalan ni Janice de Belen sa confrontation scene nila nina Agot Isidro at Iza Calzado sa Mga Mumunting Lihim.

“Pakshet!” din ang sigaw ni Dingdong Dantes sa aswang na kalaban niya sa kanyang forthcoming movie, ang Tiktik, The Aswang Chronicles.

Isa sa mga favorite scene namin sa I Do Bidoo Bidoo ng Unitel Productions ang pamamanhikan ng pamilya ni Sam Concepcion sa pamilya ni Tippy Dos Santos dahil nairaos ang eksena na nag-uusap ang lahat, gamit ang mga salawikain na Pilipino.

Pero bago pa namin napanood sa I Do Bidoo Bidoo ang linya na “Ang lumalakad nang matulin, kung matinik ay malalim,” sinabi na ito ni Elmo Magalona sa isang eksena sa Just One Summer.

At ang matindi? Last August 5, ipinagtapat ni Eula Valdes sa The Buzz ang pagkakaroon niya ng third eye. Kinagabihan, palabas sa TV5 ang second week ng Third Eye na pinagbibidahan ni Eula Caballero. A case of life imitating art?

Habagat chronicles

Filed under: Features — CabsM0d at 6:47 pm on Thursday, August 9, 2012

Kabilang kami sa iilan na nakaramdam ng lindol noong Martes, August 7, dahil nakatutok ang atensiyon ng lahat sa malakas na ulan at baha na nanalanta sa Metro Manila at mga karatig probinsya.

Nakaupo kami sa silya at mino-monitor sa laptop computer ang nagaganap na pagbaha nang biglang gumalaw ang aming kinauupuan, bandang ala-una ng hapon.

Nakatira kami sa 12th floor ng isang condo building sa Quezon City kaya naramdaman namin ang paggalaw ng paligid.

*******

Maghapon at magdamag kami na nakatutok sa mga news program dahil sa kagustuhan namin na malaman ang kalagayan ng ating mga kababayan na biktima ng malakas na ulan at baha.

Nakakabilib si Paolo Bediones dahil pagkatapos ng kanyang hosting stint sa Good Morning Club, ang early morning show ng TV5, tumuloy siya sa Araneta Avenue , Quezon City dahil tinulungan niya na iligtas ang mga tao na na-trap sa lagpas tao na baha.

Kasama ni Paolo sa pagliligtas ang Rescue5, ang rescue team ng TV5 Network.

Hindi natapos sa Araneta Avenue ang misyon ni Paolo dahil bumalik siya sa studio para ihatid sa televiewers ang latest updates tungkol sa kalamidad na kumitil ng maraming buhay at sumira sa maraming ari-arian.

*******

Bukod sa pagtutok sa mga news program noong Martes, nag-monitor din kami sa Twitter at Facebook, ang mga social media na bahagi na ng ating araw-araw na pamumuhay.

Ginagamit na ngayon ang Twitter at Facebook hindi lamang sa paghahanap ng mga bagong kaibigan at koneksyon sa buong mundo, kundi pati na rin sa pagbibigay ng tulong sa mga nangangailangan.

Tulad ng cellphone, necessity at hindi na luxury ang pagkakatoon ng Twitter at Facebook accounts.

*******

Nag-post ng mga mensahe sa mga social media ang mga tao na hindi pabor at nilalabanan ang Reproductive Health Bill.

Sa pananaw nila, parusa sa mga tao na nagsusulong sa RH Bill ang kalamidad na dumapo sa ating bansa noong Martes.

Mabilis na umiral ang fertile imagination ng iba nating mga kababayan na nilagyan ng connect ang baha noong August 7, 2012 sa Genesis 8:7:12 ng Holy Bible na tumatalakay sa Noah’s Ark.

Dala na rin siguro sa tensiyon na dulot ng baha, kung ano-ano na lang ang naiisip ng mga Pinoy na hindi namin kokontrahin, lalo na kung may kinalaman sa relihiyon ang kanilang mga opinyon.

After all, guilty din kami sa pagkakaroon ng fertile imagination at paglalagay ng koneksiyon sa mga eksena na nakikita namin sa paligid at napapanood sa TV.

Halimbawa, ang paglalagay kay Baby Moses sa isang basket at pagpapaanod sa kanya sa ilog ng Nile ang pumasok sa aming isip nang makita namin sa Facebook ang litrato ng isang babae at sanggol na nakalagay sa batya habang nasa gitna sila ng baha noong Martes.

Pangingilabot ang aming naramdaman nang mapanood namin sa TV Patrol ang buhay pero mistulang bangkay na lalake na namamangka sa baha pero kabaong ang sinasakyan niya, hindi bangka.

Saan kinuha ng buhay na bangkay ang kanyang kakaibang bangka? Bago o luma ba ang kabaong at kung nagamit na ito, nasaan ang original resident?

Pinarentahan din ba gaya ng kuwento ng indie movie na Oros?

*******

Nakakapag-init ng ulo ang mga kababayan natin na biktima ng baha na nagrereklamo at sinisisi ang gobyerno dahil wala raw silang makain.

Sila ang mga informal settler na napanood natin sa TV na nagagalit sa pamahalaan dahil binigyan daw sila ng libreng pabahay na lumubog sa baha.

Wala silang ipinagkaiba kay Whitney Tyson at sa mga kapit-bahay nito na illegal na nga ang paninirahan sa ilalim ng Nagtahan Bridge pero sila pa ang malalakas ang loob na mag-demand sa gobyerno ng tulong at libreng tahanan.

Malayong-malayo sa kanila si JC Baylon, ang ama na nawalan ng asawa at mga anak dahil natabunan ng lupa ang kanilang tahanan sa Barangay Commonwealth habang hinahagupit ng walang pangalan na habagat ang Luzon.

Siyam sa miyembro ng pamilya ni JC ang namatay dahil sa landslide pero sa interview sa kanya ng TV Patrol, walang sinisi ang ama na nagluluksa.

Hindi sinisi ni JC ang gobyerno at hindi siya nagtanong sa Diyos.
Nakakaantig ng damdamin ang kanyang pahayag na, “Bahala na ang Diyos… Hindi ko pa alam ang gagawin kasi…”

*******

Habagat na resulta ng isang malakas na bagyo sa China ang naghatid sa ating bayan ng malakas na ulan at baha noong Martes.

Nakakainis isipin na pilit na inaangkin ng China ang mga isla ng Pilipinas, pati ba naman sa pagdadala ng kalamidad, sinasakop at idinadamay nila ang ating bansa?

Dolphy’s Death: sidelights

Filed under: Features — CabsM0d at 3:04 pm on Tuesday, July 17, 2012

Bago pa man sumakabilang-buhay si Mang Dolphy, ipina-tattoo na ng kanyang mga apo ang mukha niya sa kanilang mga braso at bisig.

Nagpa-tattoo sina Rowell, John, at Niccolo Quizon, dalawang linggo bago sumakabilang sa Makati Medical Center ang kanilang Lolo Dolphy.
*******

Hindi naigawad kay Mang Dolphy ang National Artist Award na isinusulong ng mga kongresista at ng kanyang mga tagahanga.
Iba ang opinyon ni Salud “Sahlee” Quizon, ang panganay na babae ni Mang Dolphy.

Sinabi ni Salud na hindi nila kailangan ang National Artist Award dahil ang pagbuhos ng pagmamahal at mga dasal para sa kanilang ama ang pagpapatunay na National Artist si Mang Dolphy sa puso ng mga tao.
*******

At dahil naihatid na si Mang Dolphy sa huling hantungan niya, asahan natin ang paglitaw ng mga kuwento ng kanyang “pagpapakita” at “pagpaparamdam.”

In fact, isang araw matapos mamatay ang King of Comedy, isang fan ang nagkuwento na “pinagmultuhan ” siya ng kanyang idolo.

Kusa raw bumukas ang television set niya at ang lumang pelikula ni Mang Dolphy ang bumulaga sa kanya kaya kinilabutan siya.

Sa dami ng mga anak ni Mang Dolphy, inuna pa niya na magparamdam sa isang fan? Pray, tell me.
*******

Hindi lamang ang mga tagahanga ni Mang Dolphy ang dumagsa sa The Heritage Park dahil naging tambayan din ito ng mga “professional gatecrasher.”

Kilala namin sa mukha ang mga professional gatecrasher dahil nakikita namin sila sa mga presscon, birthday parties, at pabinyag ng mga artista.

Trabaho ng mga professional gatecrasher ang magbasa ng mga diyaryo para alamin ang mga showbiz event na pupuntahan nila.

Nakita namin ang mga professional gatecrasher sa binyag ng anak ni Quezon City Councilor Alfred Vargas, sa 10th year anniversary celebration ng YES! Magazine sa NBC Tent noong 2010, at sa mga presscon ng mga pelikula na kasali sa 2011 Metro Manila Film Festival.

Nakunan pa sila ng mga litrato habang nagbabalot ng pagkain sa mga showbiz function na kanilang pinuntahan.

Muling namataan ang mga professional gatecrasher sa dining area ng The Heritage Park nang iburol dito ang labi ni Mang Dolphy at narororoon sila mula umaga hanggang gabi. Hindi sila mapaalis ng mga security guard dahil sa akala na mga kamag-anak din sila ni Mang Dolphy.
*******

Ang burol ni Mang Dolphy ang unang public appearance ni Lolit Solis pagkatapos ng stem cell therapy nito sa Edenkoben, Germany.

Bumisita si Lolit sa burol ni Mang Dolphy noong Biyernes nang hapon pero bago siya nagpunta sa The Heritage Park, nagpakulay muna siya ng buhok sa beauty salon ni Bambbi Fuentes.

Nang dumating si Lolit sa The Heritage Park, ang stem cell therapy ang inusisa sa kanya ng mga kausap niya.

May mga pumansin sa kakaibang aura niya at may mga nagsabi na effective pala talaga ang stem cell therapy dahil umitim ang kulay ng kanyang buhok.

A sketch for Tony De Zuniga

Filed under: Features — CabsM0d at 12:40 pm on Wednesday, May 16, 2012

Ang pagkamatay ng veteran comic book artist na si Tony De Zuniga ang headline ng ng mga television news program at ng mga diyaryo nitong mga nakaraan na araw.

Nanonood kami noong May 14, 2012, ng isang TV news program, at hindi sana namin papansinin ang balita pero narinig namin ang sinabi ng newscaster na si De Zuniga ang first Filipino comic book artist na nagtrabaho sa DC Comics at co-creator ng mga fictional character nina Jonah Hex at Black Orchid, biglang naalala namin ang matandang lalake na aming nakilala sa Anaheim, California noong November 2009.

PHOTOS courtesy of Alan Guilan of The Philippine Comics Art Museum

Nagpunta kami sa U.S. para panoorin ang laban nina Manny Pacquiao at Miguel Cotto sa MGM Grand Las Vegas noong November 14, 2009.

Kasama namin sa U.S. trip ang mga kaibigan na sina Lhar Santiago at Joe Barrameda.

Mula sa Pilipinas at bago kami pumunta sa Las Vegas, nag-check in kami sa Anaheim Luxury Suites na pag-aari ng kapatid ng aming kaibigan na si Rey Lim.

Si Rey ang nagkuwento sa amin na isang popular Filipino comic book artist at ang asawa nito ang nakatira sa kuwarto na katabi ng aming hotel room.

Nakilala namin ang mag-asawa na nakakasabay pa namin sa breakfast. Nasisilip din namin sa kanyang hotel room ang matandang lalake na walang ginawa kundi ang mag-drawing.

Three days ang itinagal ng pamamalagi namin sa Las Vegas para sa laban ni Pacquiao, na hindi pa congressman noon, at ni Miguel Cotto.

Mula sa Las Vegas, bumalik kami sa Anaheim Luxury Suites at dito ibinigay sa amin ng asawa ng matandang lalake ang sketch ng dalawang nude women.

Na-appreciate namin nang husto ang kabutihan na ipinakita sa amin ng matandang lalake. Kahit hindi niya kami gaanong kakilala, nagbigay siya sa amin ng sample ng kanyang likha.

Nang bumalik kami sa Pilipinas, ipina-frame namin agad sa isang gallery shop ang sketch.

*******

Nalimutan na namin ang kuwento ng nude sketch hanggang mapanood namin sa TV ang news tungkol sa pagpanaw noong May 11 ng isang Tony De Zuniga.

Nang sabihin ng newscaster na popular na popular si Tony sa comics lovers at siya ang unang Pilipino na nagtrabaho sa DC Comics, naalala namin bigla ang matandang lalake na nagbigay sa amin ng nude sketch.

Tiningnan namin ang framed sketch na nasa aming pag-iingat at nang makita namin ang initials na ADZ ( for Antonio DeZuniga ) saka namin na-realize na iisang tao ang matandang lalake at si Tony DeZuniga.

Para makatiyak, itinanong namin kay Joe Barrameda ang pangalan ng matandang lalake na nakilala namin sa Anaheim, California, at dahil hindi rin niya matandaan, nagtanong siya sa isang kaibigan na sumagot ng “Tony De Zuniga. ”

Out of curiosity, nag-research kami sa Internet at dito namin napatunayan na isang legendary comics artist si Mang Tony. Nalaman namin na iginagalang siya sa kanilang mundo at propesyon.

Headline din ng mga TV news program at mga diyaryo ang kanyang pagpanaw.

Napakasuwerte namin dahil nagkaroon kami ng art work ni Mang Tony na maituturing na collectors item at siya pa mismo ang personal na nagbigay sa amin.

Ito ang mga impormasyon tungkol kay Mang Tony mula sa website ni Alan Guilan (www.alanguilan.com) ng Philippine Comics Art Museum.

“Tony De Zuniga was born in the Philippines in 1941. An avid comics reader as a child, Tony’s favorites included Jack Kirby and Alex Toth, and he loved Alex Raymond’s Rip Kirby and Flash Gordon.

“His love for comics inspired him to do comics on his own. He began his career as a letterer when he was 16 for a weekly magazine where he met Alfredo Alcala and Nestor Redondo, artists who he counts as those who have inspired and encouraged him, and became his friends.

“Tony moved to the US in 1962 to study an advanced course in Graphic Design and went back home to the Philippines to work in the advertising industry while at the same time drawing for comics like Hiwaga Komiks, Caravana Klasiks, and Romansa Komiks.

“At the end of the ’60s, Tony moved back to New York and met with DC Editor Joe Orlando and immediately he was given an assignment inking Ric Estrada on a romance story for Girl’s Love Stories #153.

“His first story he penciled and inked on his own was most likely a Dr. Thirteen story for Phantom Stranger, published in April, 1971, and work soon followed regularly.

“He was soon given the chance to co-create a new character with writer John Albano, which eventually became Jonah Hex, one of the more enduring modern day characters in the DC Universe.

“Tony then paved the way for other Filipino comics artists to enter the US industry when he convinced DC Editor in Chief Carmine Infantino and Joe Orlando to visit the Philippines in 1971.

“Artists like Alex Niño, Alfredo Alcala, Nestor Redondo, Fred Carrillo, Vicatan, Gerry Talaoc and so many more found a lot of work on DC’s stable of Mystery and War titles as a result.

“Tony went on to draw Black Orchid, X-Men, Punisher, etc. Retired, Tony spends his time painting in oil, watercolor, acrylic, charcoal and entering competitions.

“He also does many portrait commissions and teaches portrait, drawing and a how to draw superheroes class at the Lodi Arts Commission.”

“Missed” Universe?

Filed under: Features — CabsM0d at 11:54 am on Thursday, April 12, 2012

Pumayag na ang Miss Universe Organization na sumali ang mga transgender sa Miss Universe contest sa susunod na taon bilang pagkilala nila sa pantay-pantay na karapatan at pagtrato sa mga kababaihan.

May pakiramdam kami na naging safe ang Miss Universe Organization para hindi sila umani ng batikos mula sa maraming grupo na nagtatanggol at nakikipaglaban para sa karapatan ng third sex.

Kahit baguhin ng Miss Universe Organization ang mga batas nila sa pagtanggap sa mga transgender bilang mga kandidata, nakasalalay pa rin sa local franchisee ang final decision.

Sa Pilipinas, ang Bb. Pilipinas Charities Inc. ang may hawak ng Miss Universe franchise.

Ang BPCI ang pumipili sa deserving candidate na ipadadala sa Miss Universe contest at mahigpit ang proseso na pinagdaraanan ng mga aspiring beauty queen.

May mga official candidate ng Bb. Pilipinas Contest ang na-disqualify dahil nadiskubre ng BPCI na nagkaroon sila ng mga sexy pictorial.

Binawi ang Bb. Pilipinas-Universe crown nina Anjanette Abayari (1992), Tisha Silang (1998 ), Janelle Bautista (1999) dahil sa residency at citizenship issue.

Na-dethrone si Daisy Reyes noong 1996 dahil sa bintang na hindi niya natutupad ang kanyang mga responsibilidad bilang Bb. Pilipinas-World title holder.

Ibinalik ang beauty title ni Daisy nang magkausap ang pageant organizer at ang lawyer na tumulong sa kanya noon, ang yumaong senador na si Rene Cayetano.

Hindi nagkakalayo ang kapalaran nina Daisy at Ma. Venus Raj na muntik nang hindi makasali sa Miss Universe contest noong 2010 dahil hindi magkatugma ang personal birth account niya sa kanyang birth certificate.

Ang mga nabanggit na pangyayari ang ilan lamang sa mga dahilan kaya malabo na makalusot sa mahigpit na pamamalakad ng BPCI ang mga transgender na nangangarap na sumali sa Bb. Pilipinas contest.

Puwedeng-puwedeng sabihin ng pageant organizer na ibang-iba ang batas na ipinatutupad nila sa pagpili ng mga kandidata sa desisyon ng Miss Universe Organization na tumanggap ng mga transgender candidate.

*******
Naging maingat ang former beauty queen na si Lorraine Schuck sa pagsagot tungkol sa isyu ng pagpayag ng Miss Universe Organization na payagan ang mga transgender na sumali sa Miss Universe contest.

Si Lorraine ang CEO ng Carousel Production, ang organizer ng Miss Philippines Earth.

Sa interview sa kanya ni Anthony Taberna ng Umagang Kay Ganda, halatang-halata ang kanyang maingat na pagsasalita tungkol sa isyu para hindi ma-offend ang mga transgender.

Pero malinaw at may finality ang statement ni Lorraine na iginagalang niya ang mga transgender pero hindi sila maaaring sumali sa Miss Philippines Earth dahil beauty contest pa rin ito para sa mga tunay na babae.
*******

Pareho ang opinyon nina Lorraine at Miriam Quiambao na umani ng mga batikos dahil sa kanyang paniniwala na “for real women” lamang ang Miss Universe contest.

Hindi nag-iisa sina Lorraine at Miriam dahil marami sa ating mga kababayan ang pro-third sex pero hindi pabor na sumali sa Miss Universe contest ang mga transgender.

Kahit ipagpilitan ng mga transgender na mga babae sila na na-trap sa katawan ng lalake, lalake pa rin ang kanilang kasarian nang isilang.

Kumplikado ang issue dahil tiyak na may opinyon ang Catholic Church sa kontrobersiya.

Siguradong magkakaroon din ng mga debate.

Kung papayagan ang mga transgender na sumali sa Miss Universe contest, puwede na ring sumali sa Mr. Universe contest ang mga tomboy na nagdeklara na mga lalake sila na na-trap sa katawan ng babae.

May mga nagsasabi na hindi kailangan ng mga transgender na sumali sa Miss Universe contest dahil may may mga beauty pageant na sadyang nilikha para sa kanila tulad ng Miss Tiffany Universe, The World’s Most Beautiful Transsexual Contest, at Miss International Queen Pageant na paboritong salihan ng mga transsexual mula sa Pilipinas.

To date, mailap sa mga Filipino transgender ang Miss International Queen title dahil kung hindi runner-up, ang mga special award na Miss Photogenic, Miss Congeniality at Miss Ripley’s Popular Vote ang kanilang mga napapanalunan.

Old wounds

Filed under: Features — CabsM0d at 10:29 am on Tuesday, March 20, 2012

Hindi kami nagtaka nang maglabas ng sama ng loob si Helen Gamboa tungkol sa two-year old feud nila ng kanyang pamangkin na si Sharon Cuneta.

Open secret sa showbiz na  nagkaroon ng hidwaan ang mag-tiya dahil sa pulitika at muli itong naungkat nang tawagan ni Helen Gamboa ang Philippine Star entertainment editor na si Ricky Lo para magpa-interbyu dahil nasaktan siya sa mga pahayag ni Sharon nang makausap ito ni Wilson Lee Flores and we quote:

“In a free-wheeling interview published in The STAR’s Life section last Sunday, Wilson Lee Flores asked Sharon as his last question: When you say politics divides people, were you referring also to your uncle Senator Tito Sotto’s past rift with your husband [Sen.] Kiko [Pangilinan]?

Sharon’s answer: Yes, politics does divide families, like when my uncle says something bad about Kiko, you don’t understand why…”

Dahil naging open si Helen sa pagsasabi na nasaktan siya sa sinabi ni Sharon, naalala namin ang eksena nang makasabay namin sila ng kanyang asawa, si Senator Tito Sotto, sa birthday dinner ni Eddie Gutierrez sa newly-renovated house nito sa White Plains, Quezon City.

Naki-table sa amin  sina Helen at Senator Tito kaya dinig na dinig namin ang pakikipagkuwentuhan nila sa ibang mga bisita.

Kasabay ng birthday dinner ni Eddie ang pre-Valentine concert nina Martin Nievera at Sharon sa Smart Araneta Coliseum.

Isang bisita na hindi aware na may tampuhan sina Helen at Sharon ang nagtanong sa veteran actress-singer ng, “Hindi ba kayo manonood ng concert ni Sharon? Ngayon ‘yon ah?”

“Ah ngayon ba?” ang malamig at patanong na sagot ni Helen na naintindihan namin agad dahil hindi nga sila nag-uusap ng kanyang pamangkin. Kung alam lang ng nagtanong na may hidwaan ang mag-tiya, baka umiwas na siya sa pagtatanong tulad ng pag-iwas ni Helen na huwag nang masundan ang mga tanong tungkol kay Sharon.

*******

Kung naging mailap si Helen na mapag-usapan si Sharon, sinagot ni Rhian Ramos ang lahat ng mga tanong tungkol sa mga pagsubok na pinagdaanan niya noong December 2012.

Nagawa ni Rhian na makipagbiruan sa mga kausap na entertainment writer kaya naging komportable sa kanya ang mga kaharap.

Isang reporter ang pabiro na nagtanong kay Rhian ng, ” Pupunta ka pa ba Singapore?”

Kami ang nag-alala para kay Rhian pero imbes na magpaapekto, sinagot  niya nang matapat at diretso  ang “forbidden question. ”

“Gets ko na. Enough na. Huwag n’yo nang ipagdiinan,” ang diretsong sagot ni Rhian sa paraan na hindi na-offend ang kanyang mga kausap.

*******

Wala nang sakit na nararamdaman si Tess Relucio dahil kasundo na niya ang mag-inang Raquel at Charice Pempengco.

Si Tess ang ina ni Raquel at lola ni Charice. Pinag-usapan noong nakaraang taon ang kanilang alitan dahil naging prangka si Tess sa pagkukuwento sa media ng galit niya sa mag-ina.

Iba na ngayon ang tono ng pananalita ni Tess dahil magkasundo na sila ng kanyang anak at apo.

Ikinatuwa ni Tess ang desisyon ni Raquel na hiwalayan nito ang boyfriend. Tutol na tutol sina Tess at Charice sa pakikipagrelasyon ni Raquel sa nasabing lalake  kaya natuwa sila nang magkahiwalay ang dalawa.

Maligayang-maligaya si Tess dahil maganda na ang relasyon nila ng kanyang anak at apo. Ipinagmamalaki niya sa mga nakakausap ang van at ang damit na ibinigay ng mag-inang Raquel at Charice.

Ipinakita pa ni Tess ang damit na binili pa raw ni Charice mula sa Amerika, ang kanyang ” Kevin Kline” dress.

Yes, Kevin Kline ang sabi ni Tess.

Kontrahin ba ang sarili?

Filed under: Features — CabsM0d at 9:39 pm on Thursday, February 9, 2012

Kinontra ni Grace Lee ang sarili nang hilingin nito sa media na bigyan siya ng privacy tungkol sa namumuong relasyon nila ni President Noynoy Aquino.

Ang sarili ang dapat awatin ni Grace dahil mula nang aminin ni PNoy ang kanilang pagde-date, kaliwa’t-kanan ang pagpapa-interbyu niya sa mga news program at showbiz talk show.

Inconsistent ang Korean TV host sa pagbibigay ng mga statement dahil siya ang hindi nagbibigay ng privacy sa kung anuman ang namamagitan sa kanila ng pangulo ng Pilipinos.

Napailing si ang dating Philippine Vice President at TV Patrol anchor Noli De Castro nang mapanood nito kahapon, February 6, sa TV ang apela na privacy ni Grace.

Hindi napigilan ni Noli ang sarili na magkomento na paano magkakaroon ng privacy si Grace kung ito ang pa-interbyu nang painterbyu.

Unlike Shalani Soledad (Noynoy’s ex-girlfriend), walang karisma si Grace sa masa at marami ang intimidated sa pagiging Inglesera niya.

Kaya, hindi pabor sa kanya ang opinyon ng mga tao tungkol sa madalas na pagpapa-interbyu ng Korean TV host tungkol kay PNoy.

*******

Kinontra rin ni Atty. Lorna Kapunan ang statement niya na lumabas kahapon, February 6, sa Philippine Daily Inquirer.

Nabigo si Atty. Kapunan at ang kanyang kliyente na si Mrs. Aleli Arroyo na iuwi mula sa London ang bangkay ni Congressman Iggy Arroyo dahil ang “common law wife ” na si Grace Ibuna ang pinaboran ng korte sa United Kingdom.

Sinabi ni Atty. Kapunan na nakakuha si Grace ng court order na nagdedeklara na siya ang next of kin ni Congressman Arroyo kaya siya ang may karapatan sa labi ng namayapa na kongresista.

May paghuhusga kay Grace ang statement ni Atty. Kapunan sa Inquirer. Aniya, ” “We don’t know if they [Mike and Bianca] know that there is a court order unless they are working together with Ibuna. They should just say it straight out. I don’t think Grace Ibuna is intelligent enough to make these maneuvers.”

Si Bianca ang anak ni Congressman Arroyo sa unang asawa nito na si Marilyn Jacinto at si Mike ay si former First Gentleman Mike Arroyo.

Nabigo si Atty. Kapunan at ang legal wife ni Congressman Arroyo na iuwi sa Pilipinas ang labi ng yumao at ito ang malinaw na ebidensya na na-under estimate niya ang kakayahan at talino ni Grace.

Isang tao na nagkaroon ng pagkakataon na makausap si Grace ang nagsabi sa amin tungkol sa salita na diumano’y binitiwan ng grieving common law wife:  “Sa akin ang huling halakhak!”
*******

Kinontra ni Ai-Ai Delas Alas ang paniniwala ni Mommy Elvie Villasanta nang magkita sila.

Big fan ni Ai-Ai ang ina ni Ariel (ng Ariel & Maverick tandem) at ang makilala nang personal ang sikat na comedienne ang isa sa kanyang mga bucket list.

Ipinagpaliban ni Ariel ang breast operation ni Mommy Elvie nang malaman niya na pumayag si Ai-Ai na tuparin ang wish ng kanyang ina.

Natulala si Mommy Elvie nang makaharap si Ai-Ai pero nang mahimasmasan, sinabi niya na naging fan siya ni Ai-Ai nang mapanood ito sa pelikulang Starzan.

Kasama sa cast ng Starzan si Ariel at ayon kay Mommy Elvie, paulit-ulit ang panonood niya noon sa nabanggit na pelikula dahil kay Ai-Ai.

Natawa si Ai-Ai sa kuwento ni Mommy Elvie at sa kanyang malambing na boses, kinontra niya ang sinabi ng karakter na ina ni Ariel: “Mommy, hindi po ako kasali sa Starzan. Sa Romeo Loves Juliet po kami nagkasama ng anak n’yo…”

What the camera didn’t capture at the wedding of Shalani and Roman

Filed under: Features — CabsM0d at 11:18 am on Wednesday, January 25, 2012

Nakatutok kina Valenzuela City Councilor Shalani Soledad at Pasig House Representative Roman Romulo ang atensiyon ng lahat ng mga dumalo sa kasal nila sa St. Benedict Church, Ayala Westgrove, Sta. Rosa, Laguna, noong Linggo, January 22.

Itinutok naman namin ang atensiyon sa mga bisita at sa mga kaganapan sa wedding ceremony na tumagal lamang ng halos isang oras.

Apple green at lavender ang color motiff ng well-publicized wedding nina Shalani at Roman kaya literal na green apples ang ginamit sa offertory.

Umiral ang pagiging fan ng ilan sa mga bisita dahil nilapitan nila si Richard Gomez, na present din sa wedding, para sa photo op.

Tahimik na nakatayo sa isang sulok ng simbahan si former House Representative Ronald Singson pero dahil siya ay kontrobersiyal na personalidad, napansin pa rin ng mga tao ang kanyang presence.

Classic ang kuwento tungkol sa wedding organizer staff member na lumapit kay Adolfo Aguirre, ang biological father ni Shalani.

“Are you part of the entourage?” ang tanong ng staff member na ikinainsulto ng ama ni Shalani.

May report na nakunan ng isang TV network ang eksena sa simbahan ni Mrs. Evelyn Yumul, ang ina ni Shalani, pero bilang respeto, hindi inilabas ng TV station ang controversial scene na may koneksiyon sa naging trato ng tauhan ng wedding organizer sa ama ng bride.
*******

Magkakasama kami nina Karen Pagsolingan ( PEP managing editor ),
Anna Pingol ( YES! managing editor ) at ang photographer na si Melo Balingit na nagpunta sa St. Benedict Church para sa coverage ng kasal nina Shalani at Roman.


CLICK HERE TO VIEW GALLERY

Five p.m. ang oras ng kasal pero dumating kami sa simbahan nang maaga (before four p.m. ) para makakuha ng magandang puwesto ng upuan.

Naabutan namin sa simbahan ang mga crew ng ABS-CBN, GMA-7 at TV5 na maagang nag-set up ng kanilang mga kamera.

Ang upuan sa right side at malapit sa church entrance ang pinili namin ni Karen.

Bakante pa ang silya nang dumating kami ni Karen kaya malinaw na kami ang naunang naupo.

Dalawang lalake ang tumabi sa amin pero umalis din dahil nagmagandang-loob sila na paupuin ang isang babae na nakasuot ng powder blue gown.  Maya-maya, tumabi sa hindi kilalang babae ang kanyang dalawang kasama.

Nang magsimula ang wedding march, nagtayuan ang lahat ng mga bisita para makita ang pagpasok ng entourage.

Kabilang kami ni Karen sa mga tumayo at sandaling umalis ng upuan para makunan ng litrato ang pagpasok ni Shalani sa loob ng simbahan.

Nang bumalik kami sa aming upuan, sinita kami ng babae na nakasuot ng powder blue gown na buong ningning na nagsabi na, ” Somebody’s sitting there…”

Kahit nasa loob ng simbahan, medyo nawala ang aming pasensiya sa paninita ng babae na sinagot namin na una kaming dumating at naupo sa silya na kanyang inaangkin.

Sigurado kami na naramdaman ng babae ang aming pagkairita pero siya pa ang may gana na magsalita ng, ” Ok, relax. Chill…there’s no problem.”

At sa lagay, kami pa ang may problema?

Action speaks louder than words. Hindi na namin sinagot ang babae pero tiniyak namin na titigan siya nang matalim, isang tingin na parang nakamamatay at sapat para mapahiya siya sa kanyang ginawa.

Bigla itong nawala at lumipat ng upuan.

*******

Dahil sa dami ng mga tao sa loob ng St. Benedict Church, kinulang ang mga silya kaya nagdagdag ng plastic stools ang wedding organizer.

Nakapuwesto sa left side namin nina Anna at Karen ang apat na babae na well-dressed pero hindi iginalang ang misa at ang wedding ceremony dahil habang ongoing ito, panay ang kuwentuhan nila.

Tinandaan namin ang mga mukha ng apat na babae na hindi nagbigay ng respeto sa exchange of vows nina Shalani at Roman.

Muli naming nakita ang apat na babae sa wedding reception.

Panay ang pa-picture nila sa bagong kasal at very polite naman sa kanila sina Roman at Shalani.

Really, you can’t buy breeding and class.

*******

Malinaw ang instruction ng isa sa mga wedding coordinator na sumalubong sa mga bisita sa wedding reception venue.

Kung bisita ng Soledad family, pumunta sa left table para makuha nila ang kanilang mga seat assignment, at kapag mga guest ng Romulo family, mag-register sila sa coordinator na nakapuwesto sa right table.

May mga bisita na pinili na umuwi na lamang dahil wala ang kanilang pangalan sa listahan ng invited guests ng mga Romulo.

Itinuro sila ng coordinator na i-check ang kanilang pangalan sa listahan ng mga bisita ng Soledad family pero hindi rin sila nakalista.

To avoid further embarrassments, umuwi na lamang ang mga bisita.

*******

Imbitado kami ni Shalani sa kasal nila ni Roman.

Nagpadala siya sa amin ng text message at nakatanggap din kami ng text message mula sa kanyang tauhan na nagtanong ng aming address para sa imbitasyon na ipadadala nila.

Wala kaming natanggap na wedding invite pero nagpunta pa rin kami dahil sa pagmamahal namin kay Shalani.

Luckily for us, nakapasok kami sa wedding reception at ang aming mga kasama na imbitado kahit na hindi nakalagay ang mga pangalan namin sa guest list. Ito ay dahil na rin sa tulong ng competent staff ni Shalani.

Hindi namin masasabi na competent ang ilang tauhan ng wedding organizer tulad ng nagtanong sa tunay na ama ni Shalani kung part ito ng wedding entourage at ang babae sa St. Benedict Church na in charge sa media registration na nagtanong kay Anna Pingol ng, “Are you invited?”

Ang sagot ni Anna: ” Ang layo-layo nito. Hindi kami pupunta rito nang nakabihis kung hindi kami invited!”

Different Women

Filed under: Features — CabsM0d at 5:59 pm on Thursday, November 24, 2011

Kasama ni Miss World First Princess Gwendoline Ruais ang mga runner up niya sa Miss World Philippines noong naganap ang welcome press con para sa kanya  sa Midas Hotel, ang official hotel ng nasabing local pageant.

Isa-isang tinanong ng mga miyembro ng media ang mga runner up ni Gwendoline tungkol sa tagumpay ng huli sa international beauty pageant na sinalihan.

Ipinaalaala ni Miss World Philippines 2nd Princess Martha Chloe McCulley kay Gwen ang pangako nito na blow out sa buffet ng Spiral Cafe ng Hotel Sofitel.

Nag-react ang mga tauhan ng Midas Hotel na present sa press con sa sinabi ni Martha pero hindi nito binawi ang kanyang sinabi.

Walang pagsisisi si Martha nang makausap namin dahil hindi naman daw siya binibigyan ng libreng buffet ng mga tauhan ng Midas Hotel.

*******

Hindi lamang financial help ang kailangan ng dating aktres na si Susan Henson, kailangan din niya ng professional help, base sa panggugulo na ginawa niya sa GMA-7 compound noong Linggo, November 19.

Sumugod si Susan sa GMA- 7 dahil gusto niyang maging host ng Showbiz Central.


Hindi pinapasok si Susan ng mga alert na security guard ng network dahil nagduda sila sa mga kilos at pananalita ng former actress.

Hindi lamang ang mga security guard ang inaway ni Susan. Napagbuntunan din ng kanyang galit ang mga tao na naki-usyoso sa kanyang pagwawala.

Sa sobrang galit, natanggal ang plaster na nakatakip sa mata ni Susan kaya nabuko na walang diprensya ang kanyang paningin.

Marami ang naawa kay Susan dahil wala ito sa sarili. Malayong-malayo sa Susan na naging leading lady noon sa mga pelikula ng mga sikat na action star.

Ang Showbiz Central ang nakaalam sa current plight ni Susan sa Baguio City. Natagpuan siya na nagtitinda ng mga prutas sa Baguio at sa interbyu sa kanya, ipinahayag niya ang kagustuhan na magbalik sa showbiz.

Naaawa kay Susan ang mga kaibigan niya sa Baguio City dahil hindi na maayos ang kanyang pag-iisip at walang direksyon ang mga sinasabi niya.

Dahil sa feature sa kanya ng Showbiz Central, marami ang naghahanap kay Susan para tulungan ito.

Pero imbes na magpasalamat, inaakusahan niya ang program staff na kumita ng isang milyong piso sa interview sa kanya na ipinalabas sa TV.

*******

Milyong piso ang utang kay Nina ng kanyang ex-boyfriend na si Nyoy Volante.

Nagkausap na ang magkabilang panig, nagkaroon ng amicable settlement, unti-unti nang binabayaran ni Nyoy ang pagkakautang pero may kasunduan na hindi sila magsasalita tungkol sa isyu.

Pero sa presscon para sa bago niyang album na Stay Alive sa Universal Records, pahapyaw na ikinuwento ni Nina sa entertainment press ang naging solusyon sa paniningil niya sa utang sa kanya ni Nyoy.

Ni-reinvent ni Nina ang sarili para sa bago niyang album dahil ito raw ang magpapatunay na walang katotohanan na out na siya sa music scene.

Seksing-seksi si Nina sa kanyang publicity photos. Ipinagmalaki niya na resulta ng matinding work out sa gym ang magandang pangangatawan kaya wala siyang dapat ipagpasalamat sa doktor.

*******

Mula nang umalis ng bansa si BB Gandanghari, marami ang curious na makita ang kanyang itsura ngayon.

Nakahanap kami ng very recent photos ni BB, na hanggang ngayon ay New York-based pa rin. Mahaba pa rin ang buhok ni BB pero medyo ahit na ang kanyang mga kilay.

Ayon sa isang kaibigan, komportable ang pamumuhay ni BB sa New York at wala pa itong plano na bumalik sa Pilipinas.

*******

Naghahanap pa rin ng wedding venue sina Congressman Roman Romulo at Valenzuela City Councilor Shalani Soledad pero tiyak na ang pagpapakasal nila sa January 22, 2012.

Ayaw ni Shalani na magsalita tungkol sa kanyang kasal hangga’t hindi pa kumpleto ang detalye.

May mga balita na magaganap ito sa Tagaytay City ang pero sa pagkakaalam namin, mangyayari ito sa isang bayan na malapit sa nabanggit na lugar.

Marami ang nagulat sa announcement na ikakasal na sina Roman at Shalani dahil walang balita noon na nagliligawan sila.

Kami man ay nagulat sa ” whirlwind romance ” ng dalawa pero nakikita namin sa mukha ni Shalani na maligaya siya sa piling ni Roman.

Nang ipakilala sa amin ni Shalani si Roman, binigyan namin siya ng dalawang libro na puwede niyang basahin habang naghihintay sa kanilang altar date, ang Girl, Get Your Mind Right at We All Married The Wrong Person.

Next Page »