| Register
Jojo Gabinete: Cabinet Files

Hula, hula, hoy!

Filed under: Opinion — CabsM0d at 5:20 pm on Thursday, January 3, 2013

Pinatulan ng isang television news program ang hula ng isang lalake na tatagal pa ng 20-years ang pamamayagpag ni Willie Revillame sa telebisyon.

Sa darating na January 27, 52 years old na si Willie. Twenty years from now, 72 years old na ito.

Siguro naman, mahihiya na siya na sumayaw ng “Boom Tarat Tarat” sa ganoong edad.

May prediction din ang manghuhula na magkakaroon ng anak sina Mariel Rodriguez at Robin Padilla in two or three years.

Natural na magbuntis si Mariel dahil mag-asawa sila ni Robin. Mas nakakagulantang ang hula kung matitiyak ng manghuhula ang eksaktong araw at taon ng pagbubuntis ni Mariel.

Higit sa lahat, nakakabobo ang isang hula ng uso ngayong 2013 ang ahasan dahil Year of the Snake. Gawin bang literal? Ano ba?!!!!
*******

Hindi mortal na kasalanan ang magpahula o maniwala sa mga hula. Kung positive ang mga hula, gamitin natin ito na inspirasyon para matupad. Pero kung negative, huwag seryosohin para hindi makaapekto sa ating pamumuhay at pagkatao.

Naging cycle at recycle na ang mga hula dahil kahit sino, puwedeng manghula base sa mga paulit-ulit na mga balita at pangyayari sa ating bansa.

Hindi na bago ang hula na makararanas ng matinding kalamidad ang Pilipinas dahil taon-taon, dinadalaw ng malalakas na bagyo ang bayan natin.

Lahat tayo ay may katangian na manghula dahil nasasabi natin kung papatak ang ulan o magiging matindi ang sikat ng araw.

Nahuhulaan natin na magkakaroon ng dayaan sa 2013 elections. Na malaki ang tsansa ni Joseph Estrada na manalo sa mayoralty race sa Maynila dahil kung hindi kumandidatong Presidente si PNoy noong 2010, si Erap uli ang pangulo ng ating bansa.

Hindi natin kailangan na magkaroon ng third eye para masabi natin na hindi matutuloy sa 2013 ang balak na concert ni Nora Aunor dahil hindi pa sumasailalim sa operasyon ang kanyang lalamunan.

Hindi na mawawalan ng mga pelikula na kasali sa Metro Manila Film Festival si Kris Aquino dahil mula pa noong 2010, napatunayan niya na pinipilahan at kumikita sa box office ang kanyang mga entry.

Malabo nang balikan ni Dennis Trillo si Bianca King dahil sa kanyang track record: walang binabalikan na ex-girlfriend ang aktor.

Mabubuhay ang rivalry ng Eat Bulaga! at ni Willie Revillame dahil ilalagay sa noontime slot ang game show ng huli sa TV5.

May mabubuntis na young actress dahil hindi siya gumamit ng contraceptives.

Aat lalong iigting ang network war sa pagitan ng GMA-7 at ABS-CBN.
*******

Nakaw-eksena na naman ang mga manghuhula sa pagpasok ng 2013. Kanya-kanya sila ng mga hula na hindi kapani-paniwala at kung magkatotoo man, tsambahan lang.

Tumigil na kami sa pagtatanong sa mga manghuhula tungkol sa kanilang mga prediction sa showbiz dahil taun-taon, pare-pareho ang mga sinasabi nila.

May mabubuntis na young actress na normal na nangyayari sa mga artista at ordinaryong tao.

May veteran actor daw na mamamatay. Kaya nga veteran, di ba?

Dati-rati, tumatawag sa amin si Madam Auring para i-publish namin ang kanyang mga hula. Huminto na kami sa pakikipag-usap kay Madam Auring dahil sa tuwing tatawag siya sa aming cellphone, magtatanong siya ng, ” Si Jojo ba ito?”

Imagine, hindi niya mahulaan kung sino ang kanyang tinatawagan? Maniniwala kami sa mga hula ni Madam Auring para sa 2013 kung mahuhulaan niya ang aming bagong contact number.

*******

Muling pumasok sa aming kamalayan si Madam Auring dahil napanood namin ang interview sa kanya sa isang news program.

Without batting an eyelash, sinabi ni Madam Auring na magkakahiwalay sa 2013 sina Dingdong Dantes… at Meriam Rivera.

Malabo na magkatotoo ang hula ni Madam Auring dahil Marian ang pangalan ng girlfriend ni Dingdong, hindi Meriam.

Abuso

Filed under: Opinion — CabsM0d at 3:31 pm on Wednesday, October 10, 2012

Nalaman namin na biktima ng hacking ang Twitter account ng www.pep.ph nang mag-check kami ng PEP Alerts kahapon, October 8, ng umaga.

Isang popular entertainment website ang www.pep.ph kaya hindi nakakagulat na maging biktima ito ng hacking.

Kung nagawa ng mga hacker na hindi pabor sa Cybercrime Preventive Law na i-hack ang mga government website, bakit hindi ang PEP.

Last week, inilabas namin sa Abante ang aming opinyon tungkol sa pagpapatupad ng gobyerno sa Cybercrime Preventive Law at gusto namign itong ibahagi sa mga PEPster.

Bayolente ang reaksiyon ng karamihan sa Netizens sa Cybercrime Preventive Law na nilagdaan ni President Noynoy Aquino at sinimulan na ipinatupad noong October 3.

Social media user din kami pero hindi kami nagpaapekto sa sentimiyento ng mga tao na bumabatikos sa Cybercrime Preventive Law dahil alam namin ang limitasyon ng paggamit sa social media. Hindi rin namin inaabuso ang gasgas na gasgas na paggamit sa freedom of speech.

Naiintindihan at iniintindi namin ang posisyon ng mga social media user na halos abot langit ang protesta laban sa Cybercrime Law pero hindi makatarungan na i-hack nila ang mga goverment website para ipakita at iparamdam ang kanilang galit at kapangyarihan.

Dahil sa kanilang ginawa, ang mga website hacker ang nagbigay ng rason sa pamahalaan para lalong ipatupad ang Cybercrime Preventive Law.

Gamit na gamit ng ibang tao ang salita na freedom of speech pero ang karamihan sa kanila ang umaabuso sa kalayaan sa pamamahayag. Maraming tao ang nasira ang kinabukasan at nagbuwis ng buhay dahil mga biktima sila ng iresponisble Netizens na ginamit ang social media sa paninira.

May kasalanan ang Netizens (hindi lahat) kaya isinilang ang Cybercrime Preventive Law. Kung hindi inabuso ang “freedom of speech,” hindi magkakaroon ng batas para maprotektahan ang karapatan ng mga inosenteng biktima ng iresponsableng paggamit ng social media. Kung responsible social media user tayo, walang dapat ikatakot sa Cybercrime Preventive Law ang sinuman sa atin.

*******

Isa sa mga natabunan ng kontrobersiya ng Cybercrime Preventive Law ang kaso ng pangongotong ni Quezon City Senior Police Officer 4 Jose dela Pena.

Natanggal sa trabaho si dela Pena dahil sa mga reklamo ng pangongotong at kabilang sa biktima niya ang anak ni National Capital Region Police Office (NCRPO) Chief Supt. Leonardo Espina.

Nangyari ang insidente noong nakaraang buwan sa Dona Hemady Street, New Manila, Quezon City. Nakaparada ang sasakyan ng anak ni General Espina sa nabanggit na kalye dahil may kausap siya sa cellphone.

Hinuli ni dela Pena at ng kasama nito ang anak ni General Espina na inakusahan nila ng pakikipag-phone sex sa loob ng sasakyan.

Hiningan nila ng 20,000 ang anak ni Espina para hindi ito masampahan ng kaso. Sinamahan nila ang biktima sa Metrobank para mag-withdraw sa ATM booth. Hindi nagtagumpay ang pangongotong ng dalawang pulis dahil tinawagan ng biktima ang kanyang ama.

Walang kinalaman sa showbiz ang mga karakter sa well-publicized case pero may similar incident na nangyari sa Morato area noong 2000 na kinasangkutan ng isang aktres.

Parehong-pareho ang modus operandi ng humuli sa aktres at sa lalake na kasama niya sa loob ng kanyang sasakyan na nakaparada sa Morato area.

Tinakot ng mga pulis ang aktres na malalaman ng media ang pag-aresto sa kanya, kapag hindi siya nagbigay ng P20,000.00.

Nang sabihin ng aktres na wala itong cash na dala, tinanong ng mga pulis kung may ATM card siya.

Nang sumagot ng “oo” ang aktres, sinamahan pa siya ng mga pulis sa ATM booth ng Metrobank sa Timog Avenue para mag-withdraw.

Bukod sa pangongotong sa aktres, nilait-lait ng mga pulis ang itsura ng lalake na kasama niya.

Hindi sigurado kung iisang tao si dela Pena at ang pulis na nanakot at nangotong sa aktres pero base sa kanilang modus operandi noong 2000 hanggang sa kasalukuyan, malinaw na matagal nang umiiral ang katiwalian sa hanay ng mga pulis na sumisira sa organisasyon ng Philippine National Police.

*******

Umani ng mga batikos at panglalait sa social media si dela Pena dahil sa mga kaso na kinasasangkutan niya.

Para sa mga sympathizer ni dela Pena, biktima ito ng cyberbullying pero hindi nila inisip na kung hindi niya inabuso ang kanyang tungkulin, hindi siya huhusgahan ng mga tao.

Tutok Tulfo!

Filed under: Opinion — CabsM0d at 1:21 pm on Tuesday, May 8, 2012

Nagaganap pa ang insidente sa Terminal 3 ng Ninoy Aquino International Airport (NAIA) na kinasasangkutan ni Mon Tulfo at ng mag-asawang Claudine Barretto at Raymart Santiago nang matanggap namin ang impormasyon mula sa kaibigan ng isang eyewitness.

Mula noon, tinutukan na namin ang mga sumunod na kaganapan.

Halos lumabo na ang aming mga mata dahil sa panonood sa mga interview ng mga sangkot sa gulo, at memoryado na namin ang kanilang mga statement dahil sa paulit-ulit na pakikinig sa mga sinasabi nila.
*******

Bilang miyembro ng media, naintindihan namin ang pahayag ni Mon Tulfo na umiral ang kanyang journalist’s instinct kaya kinunan niya ng litrato ang “pagwawala” ni Claudine Barretto sa counter ng Cebu Pacific Airlines.

Ang pagkakamali  ni Mon, hindi palihim ang pagkuha niya ng litrato mula sa kanyang cellphone camera  kaya lalong nadagdagan ang tensiyon at galit na nararamdaman nina Claudine at Raymart.

Kahit sino ang tao na nasa lugar ng mag-asawang Santiago, talagang magagalit kung makikita nilang may camera na nakatutok sa kanila habang nagagalit.

Pero kung kinunan ni Mon ng litrato si Claudine na hindi mainit ang ulo nito at wala sa isang compromising situation, hindi mangyayari ang eskandalo na may magandang epekto dahil lumabas ang katotohanan na ill-equipped ang  NAIA 3, base na rin sa pahayag ni MIAA General Manager Jose Angel Honrado na hindi gumagana ang mga CCTV camera kaya walang ebidensiya na magpapatunay sa claim ng Santiago couple na si Mon ang unang nanuntok.

******

Naintindihan at hinangaan  ang katuwiran ni Raymart Santiago na bilang asawa at ama, prinotektahan lamang niya ang kanyang pamilya dahil na-trauma at nag-iyakan ang mga anak nila ni Claudine nang masaksihan ang kaguluhan na naganap.

Ang eksena na unang nanuntok si Tulfo, tinadyakan nito si Claudine, at ang gulong sumunod ang tinutukoy ni Raymart na ikina-traumatize ng mga bata na kasama nila.

Sana lang, hindi na-trauma ang mga anak ng mag-asawa habang pinapanood nila si Claudine na tinatalakan ang  ground crew ng Cebu Pacific na sina  Cid Charisse Bocboc and Kristina Anne Ilagan,  na na-trauma at nagreklamo na biktima sila ng verbal abuse ng aktres.
******

Nakatikim ng mga batikos si Mon mula sa mga tao na nagsasabi na mali ang ginawa niya na pagkuha ng litrato kay Claudine.

Inakusahan nila si Mon ng invasion of privacy at pang-aabuso sa kanyang trabaho bilang broadcast journalist.

Pero kasama rin sila sa mga tao na na-curious at pinanood ang video ng bakbakan sa NAIA.

Samantala, may mga nanawagan sa Movie and Television Review and Classification Board (MTRCB) na patawan ng parusa ang magkakapatid na Erwin, Ben at Raff Tulfo dahil sa pananakot nila sa mag-asawang Santiago sa T3, ang kanilang programa sa TV5.

Para sa mga nanawagan, hindi tama ang ginawa na pagbabanta ng Tulfo brothers.

Pinanood namin ang T3 pero imbes na seryosohin ang banta ng mga Tulfo, napangiti na lang kami dahil walang binatbat ang mga pahayag nila sa mga eksena na napapanood namin sa Face to Face.

Nagkataon lang na mga popular broadcast journalist at may image na palaban ang Tulfo brothers kaya matindi ang reaksyon ng publiko sa mga banta nila sa Santiago couple.

May titindi pa ba sa mga eksena ng aktuwal na barilan, saksakan, suntukan, at murahan ng mga ordinary people na regular na napapanood sa mga local news program.
******

Humingi ng paumanhin si Erwin Tulfo sa publiko dahil sa mga naging pahayag at pagbabanta nila ng kanyang mga kapatid sa T3 noong Lunes nang hapon.

Inamin ni Erwin na nagkamali sila at maging ang kanilang ina ay hindi natuwa sa mga sinabi nila laban sa mag-asawang Raymart at Claudine.

Kahit humingi ng paumanhin si Erwin, matatagalan o baka hindi na mabura sa isip ng publiko ang kanilang very strong statement  at mahirap nang mawala ang takot na nararamdaman ng Santiago couple dahil sa pagbabanta ng Tulfo Brothers.
*******

Iba’t-iba ang reaksiyon ng mga tao sa gulo na kinasasangkutan nina Mon, Claudine at Raymart.

Kanya-kanya sila ng opinyon at dahil sa pag-uunahan na makapagsalita, may mga sawsawero na tinawag na Raymond si Raymart. May mga nagkomento na epekto ng Supermoon ang kakaibang behavior ng mga sangkot sa  NAIA 3 fiasco.

Hindi dapat paniwalaan na may kinalaman ang Supermoon sa naganap na kaguluhan sa airport. It’s a lie…It’s a lie from the devil…

*******

Nervous moments at the Bb. Pilipinas pageant

Filed under: Opinion — CabsM0d at 7:32 pm on Tuesday, April 17, 2012

Ang attendance ng maraming “transgender ” ang aming napansin nang panoorin namin ang coronation ng Bb. Pilipinas 2012 winners.

Masasabing possible effect ito ng kontrobersiya ng desisyon ng Miss Uinverse Organization na payagan ang mga transsexual na sumali sa Miss Universe contest sa susunod na taon.

Mapagkakamalan na mga tunay na babae ang mga transgender na aming nakita dahil magaganda ang kanilang mga mukha at mga seksi sila.

Magaganda rin ang 30 official candidates ng Bb. Pilipinas 2012 pero may mga kandidata na mapagkakamalan na transgender, kahit mga natural-born women, dahil sa kanilang mga itsura.

Kung may mga mukhang transgender na kandidata, hindi na kailangan ng totoong transgender sa mga beauty pageant para sa mga kababaihan.

Narinig namin ang wild rumor na isa sa mga beauty aspirant ang gumastos ng milyong piso para iparetoke ang kanyang physical appearance pero sa kasamaang-palad, thank-you girl siya.

Hindi nakatulong ang pagpaparetoke ng babae dahil nagmukha itong lalake kaya sumidhi ang pagnanais ng mga transgender na subukan ang kapalaran nila sa Bb. Pilipinas contest sa 2013.

*******

Sagana sa sidelights ang Bb. Pilipinas 2012 na hindi napanood sa delayed at edited telecast ng ABS-CBN.

Hindi kami sigurado kung in-edit ang question and answer portion bilang proteksyon sa mga kandidata na kinabahan kaya hindi kaagad nakasagot at nagkamali ng pandinig sa mga katanungan sa kanila.

“How do you define happiness?” ang tanong ng judge na si Oliver Gourgeon kay candidate number 16 Liezl Alcantara.

Dahil walang letter “H” ang pronunciation ng foreign judge na hindi naman Kapampangan, “Philippines” ang intindi ng kandidata na buong ningning na sumagot ng, “It’s more fun in the Philippines…”

Hindi rin naintindihan ni Xian Lim ang tanong ng judge at kung hindi pa nag-react ang audience sa Big Dome at ang mga pageant official, kampante na magtutuloy-tuloy ang aktor.

Napilitan ang foreign judge na ulitin ang kanyang tanong.

Nagpakitang-gilas si candidate number 29 Annalie Forbes dahil kumanta muna ito bago niya hinarap ang tanong ng judge.

Nag-concentrate yata si Annalie sa pagkanta kaya matagal bago niya nasagot ang tanong tungkol sa advantage ng social media.

Dahil sumablay sa question and answer segment, nag-akala ang lahat na katapusan na ng pangarap ni Annalie na manalo kaya nagulat ang audience nang siya ang ideklara bilang 2nd runner up.

Licensed physician si candidate number 27 Golda Soller.

At kung may may Golda, may kandidata naman na Goldy ang pangalan, si candidate number 23 Goldy Baroa na nilagyan ng drama ang kanyang pagrampa sa swimsuit competition.

May hawak na puting tela na iwinawagayway ang mga kandidata sa swimsuit competition pero imbes na iwagayway, ibinalot ni Goldy ang white piece of cloth sa kanyang katawan. Ang ending, muntik na siyang madapa.

Registered nurse ang ilan sa mga aspiring beauty queen. Hindi na puwedeng sabihin na nagtatrabaho sa ibang bansa ang mga Filipina nurses to seek greener pastures dahil isa na sa options nila ang pagsali sa mga beauty contest.
*******

Sina Iza Calzado at Xian Lim ang main hosts ng Bb. Pilipinas 2012 Coronation Night at anchors sina Venus Raj at Georgina Wilson.

Si Iza Calzado ang saving grace ng pageant night dahil pinaghandaan at pinag-aralan niya ang responsibilidad na ipinagkatiwala sa kanya.

Alam din ni Venus Raj ang kanyang kapasidad at mga limitasyon bilang host. Nagustuhan namin ang pagiging natural ni Venus at ang madalas na paggamit niya sa wikang Pilipino.

Angelina Jolie clone si Georgina Wilson na kinabahan at tila nag-concentrate sa impersonation niya sa sikat na Hollywood actress kaya maraming beses siyang nagkaroon ng “buckle moments. ”

Telesarya ang basa niya sa teleserye noong ini-introduce niya si Richard Gomez na isa sa mga celebrity judge. Bb. PilipiHas din ang kanyang nasambit.

Distracting din ang pagbabasa ni Georgina sa hawak na cue cards, kahit puwedeng i-memorize ang kanyang mga sasabihin.

At si Xian?

Sinubukan ni Xian na mag-set ng trend dahil imbes na sabihin nang buo ang Bb. Pilipinas, BBP ang kanyang sinabi kaya naman, abbreviated “HE” Harry Thomas at hindi “HIS EXCELLENCY” ang pagpapakilala niya sa current US ambassador sa Pilipinas.

HE for what? Home Edition or Home Economics?

Classic din ang statement ni Xian na Bb. Pilipinas “Twenty thousand and twelve!”

Hindi ba puwede na Two Thousand Twelve muna?


*******

Personally, na-bother kami sa mga feedback ng audience tungkol sa hosting ability at personality ni Xian.

May mga sumigaw ng “Ikaw! ” nang magtanong si Xian ng, “Who are you guys rooting for?”

Pangalan talaga niya ang isinigaw ng sutil na audience nang tanungin din ni Iza kung sino ang pinapaboran nila na manalo ng Bb. Pilipinas-Tourism title.

First time ni Xian na mag-host ng isang malaking beauty pageant. Understandable na kabadong-kabado siya at sa kabila nito, complete effort ang kanyang ibinigay.

Sad to say, hindi mawawalan ng mga opinyon ang mga tao na nakapuna sa mga kilos niya sa kanyang unguarded moments.

Pagkatapos ng kanyang Bb. Pilpinas stint, mas makabubuti na pagpahingahin muna si Xian sa mga hosting job at hayaan na lamang siya na umarte sa mga teleserye dahil dito, puwedeng-puwede niya na makontrol ang sarili, sa tulong ng kanyang mga direktor.

Homeless…and hopeless?

Filed under: Opinion — CabsM0d at 5:59 pm on Monday, November 28, 2011

Homeless ang dating aktres na si Bobbie Mercado at ang kanyang dalawang anak na lalake na parehong menor de edad.

Homeless dahil sa gabi, natutulog sila sa harap ng building sa isang busy street sa Maynila at sa umaga, paikot-ikot ang mag-iina sa nasabing lugar.

Kahit papaano, kumikita ng pera si Bobbie at ang kanyang mga anak.

Sa gabi, pumapasok si Bobbie sa mga casino at naghihintay na mabigyan ng balato ng mga nananalo sa sugal.

Watch-your-car boy naman ang kanyang panganay at pedicab driver ang bunsong anak.

Dala ng sobrang kahirapan, hindi makapag-aral ang mga anak ni Bobbie. Nakaabot lamang sa Grade 3 ang panganay at Grade 1 ang bunso.

*******

Artista si Bobbie noong dekada ‘80 at naging madali sa kanya ang pagpasok sa showbiz dahil anak siya ng sikat at namayapang TV host na si Eddie Mercado.

First cousin ni Bobbie si Snooky Serna dahil magkapatid ang kanilang mga ina.

Ang Experience, To Mama With Love at Santa Claus Is Coming To Town ang ilan sa mga pelikula na ginawa noon ni Bobbie sa Regal Films.

Napangasawa noon ni Bobbie ang aktor na si Lito Pimentel pero hindi nagtagal ang kanilang pagsasama. Hindi man sila nagkaroon ng anak, nag-adopt ng baby boy ang dating mag-asawa.

Eventually, ibinigay ni Bobbie ang adopted son nila ni Lito kay Mila Ocampo, ang ina ni Snooky. Si Mila ang nagpalaki sa bata at siya rin ang nakagisnang ina.

*******

Nag-aral si Bobbie sa mga exclusive school at nakatapos siya ng college sa University of San Francisco sa Amerika kaya pinanghihinayangan ang nangyari sa kanyang buhay.

Nagkaroon kami ng pagkakataon na makausap si Bobbie sa isang restaurant sa Maynila noong Huwebes, November 24, ng gabi.

Contrary to some reports, hindi totoo na parang taong grasa na si Bobbie. Maayos ang kanyang pananamit, naka-make up siya, at may well-manicured nails.

Forty-five years old na ngayon si Bobbie at kahit naghihirap ito, hindi maitatanggi na kolehiyala siya at nagkaroon ng magandang buhay noong kabataan niya.

Inglisera at mahusay magsalita si Bobbie kaya nakapagtataka na naging homeless siya at nabubuhay sa panghihingi ng pera mula sa mga taong hindi niya kilala.

“My life is miserable. I am pathetic. I am lower than rock bottom, ” ang paulit-ulit na sabi ni Bobbie habang nag-uusap kami.

Kahit walang pera, kailangan daw niya na maging presentable sa paningin ng mga tao para makapasok siya sa mga hotel. Otherwise, ipagtatabuyan siya ng mga security guard.

*******

June 2011 nang maging homeless si Bobbie at ang kanyang mga anak.

Sa kuwento ni Bobbie, nagdesisyon ang hotel management na kumpiskahin ang personal belongings niya at ng mga bata nang hindi sila makabayad sa upa. Mula noon, naging homeless ang mag-iina.

Natutulog sila sa isang busy street sa Maynila tuwing alas-dose ng gabi at gumigising ng 4:30 a.m. para hindi makasuhan ng bagansiya ng mga pulis na nagroronda.

*******

Sa tuwing tumutulo ang luha ni Bobbie habang nagkukuwento tungkol sa hirap ng kanilang buhay, iniiba namin ang topic para hindi maapektuhan ang dalawang anak na kasama.

Tatlo at hindi lamang dalawa ang anak ni Bobbie. Babae ang anak niya sa isang lalake na mula sa isang mayamang angkan at pamilya ng pulitiko. Wala nang communication si Bobbie sa anak na nag-aaral sa De La Salle University.

May staff ng isang TV show na kumausap kay Bobbie at gustong i-feature sa TV ang kanilang buhay pero tumanggi siya.

Aniya, ayaw niyang makita sa TV ang kanilang miserableng pamumuhay bilang proteksiyon sa mga anak at sa mga tao sa busy street ng Maynila na naging mga kaibigan nila.

“May mangyayari ba kung sakaling ma-feature ang buhay namin sa TV? May mga tutulong ba sa amin?” ang tanong ni Bobbie sa staff member ng TV show na nakipag-usap sa kanya.

Nang sumagot ang staff member na posibleng may mga tumulong kapag napanood sa TV ang current situation ni Bobbie, tumanggi pa rin ito na magpa-interbyu.

*******

Ipinaalaala namin kay Bobbie na may mga government agency tulad ng DSWD (Department of Social Welfare and Development) na puwedeng tumulong sa kanyang mga menor de edad na anak.

Sinabi namin kay Bobbie na may pagkakataon pa para makaahon sila ng mga bata sa hirap.

At puwede namin siyang ilapit sa mga kaibigan niya sa showbiz at na puwedeng siyang matulungan.

Hindi na kami nag-attempt na kunan siya ng litrato dahil naghihirap man ang isang tao, karapatan niya na igalang siya at bigyan ng dignidad.

Pero wala na nga ba siyang choice para makaalpas mula sa sinasabi niyang “pathetic at miserable” na buhay.

*******

Kinabukasan, isang malapit na kaibigan ang aming tinawagan sa telepono at kinuwentuhan tungkol sa kalagayan ni Bobbie at ng mga anak nito.

Kilala ng aming kaibigan si Bobbie dahil taga-showbiz din siya.

Nang malaman niya ang miserableng kalagayan ng dating aktres, nangako ang aming kaibigan na tatawagan ang mga kakilala niya sa Manila City Hall para matulungan si Bobbie.

Makalipas ang isang oras, binalikan kami ng aming kaibigan dahil nakausap na niya ang kakilala na nagtatrabaho sa Manila City Hall na hindi nagulat sa kanyang kuwento tungkol kay Bobbie.

Sinabi rin nitong permanent fixture noon si Bobbie sa Manila City Hall at nakatanggap na siya ng mga financial help mula sa mga konsehal, vice-mayor, at mayor ng Maynila.

Fifty thousand pesos daw ang ibinigay kay Bobbie ng alkalde para makahanap sila ng kanyang anak ng bahay na mauupahan. Nangako rin ang alkalde na pag-aaralin ang mga anak ni Bobbie pero tinanggihan daw nito ang magandang alok.

Ang kuwento pa ng aming kaibigan, hindi lamang ang mga officials ng Maynila ang tumulong kay Bobbie. Nagbigay na rin daw ng financial help ang mga senador na pinuntahan niya sa senado.

Pero hanggang ngayon, ayon na rin kay Bobbie, isa pa rin siyang homeless at tila hopeless.

Sad plight

Filed under: Opinion — CabsM0d at 11:39 am on Monday, October 17, 2011

Iniwasan namin na dumaan kahapon, Biyernes, sa Roces Avenue dahil sa radio report na trapik sa nabanggit na lugar.

Ayon sa balita, halos sarado ang kahabaan ng Roces Avenue dahil sa dami ng mga tao na nagpunta sa Amoranto Stadium para sa anniversary show tickets ng Wil Time Bigtime na gaganapin sa Smart Araneta Coliseum sa susunod na Sabado, October 22.

Pero umiral ang aming curiosity kaya dalawang beses kami na sumaglit sa Amoranto Stadium—kagabi, 9:30 pm at kaninang madaling-araw, 12:30 am.

Hindi na kami nagulat sa mga eksena na nasaksihan namin sa Roces Avenue.

Ang mga kababayan natin na natutulog sa center island, ang makalat na kalsada, ang mga ambulansiya at police cars na nakapaligid sa Amoranto Stadium, ang mga medics, ang mga tao na may mga bitbit na kaldero, at ang mga ina na may mga bitbit na sanggol na matitigas ang ulo dahil pauli-ulit ang advise ng Wil Time Big Time staff na huwag nang magsama ng mga bata sa pagpila.

Sa estimate ng mga pulis, mga 20,000 ang bilang ng mga tao na pumunta at pumila sa Amoranto Stadium.

May mga nagsabi naman na mahigit sa 20,000 ang bilang dahil umapaw ang mga tao hanggang sa kanto ng Roces Avenue at Quezon Avenue.

Hindi nagpabaya sa kanilang mga tungkulin ang Quezon City Police at ang paramedics pero kulang na kulang sila kung ikukumpara sa mga kababayan natin na nanggaling mula sa malalayong probinsya at nangangarap na makapasok sa Araneta Coliseum sa October 22 at mapanood ang 1st anniversary presentation ng game show ni Willie Revillame sa TV5.

*******

Nang bumalik kami kaninang madaling-araw sa Roces Avenue, halos hindi nagbago ang sitwasyon.

Natutulog pa rin sa center island ng Roces Avenue ang mga tao habang nagkukuwentuhan ang iba.

Na-tempt kami na kunan sila ng litrato pero inawat namin ang sarili bilang respeto sa kanila.

Hindi namin sila nakitaan ng pagkainip dahil tila nakakundisyon na ang kanilang mga isip na nakareserba ang buong araw nila sa pagkuha ng tickets para sa anniversary show ng programa na nagbibigay sa kanila ng pag-asa.

Sa unang tingin, nakakaawa ang mga tao na nagpupuyat at naghihintay sa isang bagay na walang katiyakan, pero sila mismo ang nagsasabi na masaya sila sa kanilang mga ginagawa.

*******

May nagpadala sa Cabinet Files ng leaked video ng dalawang teen-age boy na sangkot sa shooting incident sa Pampanga branch ng SM Mall.

Hindi kami nag-abala na panoorin ang video.dahil sa awa sa mga biktima. Napanood na lang namin sa mga news program ang impormasyon na buhay pa ang isa sa mga biktima sa video na kumalat sa Internet at naka-post sa YouTube.

Nakakakalungkot ang pangyayari.

Nakakaawa ang 13-year old boy at ang 16-year old friend na pinatay niya sa loob ng SM Mall, pero mas nakakaawa ang tao na naglabas sa isang website ng tunay na pangalan at mga litrato ng mga menor de edad na biktima.

Nakakaawa dahil tumanda siya ng walang konsyensya. Hindi niya iginalang ang alaala ng mga biktima na pilit na pinrotektahan ng kanilang respective families.

Hindi inilabas ng mga naulilang pamilya ang pangalan at litrato ng mga biktima. Iginalang din ng media ang kanilang pakiusap na magkaroon sila ng pribadong pagluluksa.

*******

Nakakaawa rin ang dating aktres na si Susan Henson dahil kailangan nito ng professional help.

Sikat na artista si Susan noong kapanahunan niya at isa siya sa mga aktres na may magandang mukha sa showbiz noong dekada ‘70 at ‘80.

Nagtitinda si Susan ng prutas sa Baguio City. Normal na normal ang kanyang physical appearance pero hindi maipagkakaila na may karamdaman siya dahil sa mga salita na walang direksyon na lumalabas mula sa bibig niya.

Naaawa kay Susan ang mga tao na nakakausap at nakakahalubilo niya pero walang kumikilos para matulungan o magamot ang kanyang sakit.

Rapunsarah, Hindi na Munting Prinsesa

Filed under: Opinion — CabsM0d at 7:16 pm on Wednesday, March 2, 2011

Pinag-uusapan ang 39-page article sa March 2011 edition ng YES! Magazine tungkol sa unang heartbreak ni Sarah Geronimo.

Iba’t-iba ang reaksyon ng mga nakabasa sa well-written at well-researched story na pinagpuyatan, pinagpaguran at nagbigay ng matinding stress sa staff ng YES!

Kung may mga pumupuri sa pag-aalaga kay Sarah ng kanyang mga magulang, may mga nagsasabi rin na hindi na tama ang sobrang proteksyon na ibinibigay nila sa kanilang anak.

May mga nagkukumpara sa mag-inang Divine at Sarah kina Rapunzel at Mother Gothel ng Tangled, ang endearing movie ng Walt Disney Productions.

Si Mother Gothel ang main antagonist sa Tangled. Ninakaw niya si Rapunzel mula sa mga magulang nito, pinalaki at ikinulong sa isang tore, at pinaniwala si Rapunzel na siya ang tunay na ina. May sariling kanta si Mother Gothel sa Tangled, ang Mother Knows Best.

Si Sarah ang kinikilala sa ating bansa bilang Pop Princess kaya may mga tumatawag sa kanya na Princess Sarah.

Tulad ni Rapunzel, marami nang gustong madiskubre si Sarah tungkol sa mundo. Kung pagbabasehan ang accounts ng YES!, handa nang magmahal si Sarah pero hindi pa handa ang kanyang mga magulang na makipagrelasyon siya, lalo na si Divine.

Tunay na ina ni Sarah si Divine kaya malaki ang karapatan nito na gabayan ang kanyang anak. Tulad ni Mother Gothel, buo ang paniniwala ni Divine na “mother knows best.”

*******

Si Mark Herras ang pumasok sa aming isip nang mabasa namin ang kuwento ni Rayver Cruz na si Sarah ang unang gumawa ng paraan na maging magkaibigan sila.

“Ako naman talaga ‘yong unang nakatanggap ng email na galing sa kanya,” the young actor said. ” So, nagulat ako, kasi hindi ko alam kung siya talaga. Tsinek ko kung si Sarah ba talaga ‘to, ganyan, ganyan. Tapos oo.

“Siya naman talaga ‘yong nauna na nakipagkaibigan. So, natuwa ako.”

Sa page 86, nabanggit pa na, “Sarah’s email message was cute and seemingly going nowhere: ‘Hi.’ The greeting was followed, Rayver recalls, by a smiley, the ’smiling face’ icon used in electronic communication.”

Naalaala namin si Mark dahil nakatanggap din siya ng online message mula kay Sarah sa kanyang Facebook account. “Hi” din ang message na ipinagtaka at ikinagulat ni Mark dahil hindi nito inaasahan na makakatanggap siya ng message mula kay Sarah.

At that time, nagsasalita na si Sarah sa press tungkol sa secret crush niya at isang clue ang ibinigay ng Pop Princess, mahusay sumayaw ang kanyang lihim na crush.

For a while, naghinala ang mga tao sa paligid ni Mark na siya ang tinutukoy na secret crush ni Sarah.

*******

May mga mga miyembro ng entertainment press na na-disappoint nang mabasa nila na walang reporter na pinapayagan ang mga magulang na maging malapit sa kanilang anak. Na dini-discourage nila ang personal relationship sa pagitan ni Sarah at ng entertainment writers…

May mga na-offend na entertaintment writers dahil kaibigan ang turing nila sa Geronimo family. Sila ang entertainment reporters na nagtatanggol kay Sarah kapag nasasangkot ito sa mga kontrobersiya. Sila ang mga reporter na walang hinihintay na kapalit o pasasalamat mula kay Sarah at sa mga magulang nito.

Sila ang mga reporter na hindi natatandaan ni Sarah at ng mga mga magulang nito ang mga pangalan at mukha kahit maraming beses na silang nagkikita sa mga presscon at showbiz event.

*******

Para kay Divine, mother knows best pero kung maririnig niya ang mga komento ng mga tao, posible na masaktan siya.

Marami ang naaawa kay Sarah dahil sa kanilang opinyon, wala sa lugar ang paghihigpit ng kanyang mga magulang. May mga nagsasabi na matatakot na ang mga lalake na manligaw kay Sarah at may nag-aalala na baka dumating ang araw na magrebelde si Sarah, tulad nang ginawa ni Rapunzel kay Mother Gothel.

“Gabi Ng Parangal” behind the scenes and boo-boos

Filed under: Opinion — CabsM0d at 2:50 pm on Monday, December 27, 2010

Kapani-paniwala na walang leakage sa mga mananalo sa Gabi ng Parangal ng 36th Metro Manila Film Festival dahil walang maisagot ang mga tinanong namin, ilang minuto bago nag-umpisa kagabi, ika-26 ng Disyembre, ang programa na ginanap sa Meralco Theater.

Maraming taon na naging casting director kami ng mga awards night at base sa aming karanasan, nalalaman agad namin ang mga mananalo. Pero kakaiba kagabi dahil clueless maging ang board of jurors na nadagdagan ng isang bus driver, teacher, OFW at housewife.

Si Ai-Ai Delas Alas ang best actress ng 36th Metro Manila Film Festival.

Iilan ang nakakaalam na tensiyonadang-tensiyonada si Ai-Ai habang nagaganap ang awarding ceremony.

Maraming beses na nagplano si Ai-Ai na umuwi na lang ng bahay dahil sa sobrang tensiyon, lalo na nang magsimulang manalo ng sunud-sunod na award ang kanyang pelikula, Ang Tanging Ina Mo.

Ang sobrang nerbiyos ang dahilan kaya pagkatapos ipakilala ang mga pelikula na kalahok sa MMFF, hindi na umalis sa backstage si Ai-Ai, kahit ipinareserba ni Kris Aquino ang isang hilera ng upuan sa audience gallery para magkatabi sila.

Nakadagdag din sa tensiyon ni Ai-Ai ang sinabi sa kanya ni Kris na ” Asa ka pa?” dahil malakas ang balita na malaki ang tsansa ni Jennylyn Mercado na manalo sa best actress category.

*******

Isang beses na nagpatawag ng presscon ang Star Cinema para sa Ang Tanging Ina Mo pero hanggang ngayon, patuloy ang paglabas ng maraming publicity tungkol sa filmfest movie ni Ai-Ai.

Unknown to Star Cinema people, personal na nilapitan at hiningi ni Ai-Ai ang suporta ng kanyang mga kaibigan sa media para sa continous publicity ng kanyang multi-awarded movie.

Hindi nasayang ang pagod ni Ai-Ai dahil ang Ang Tanging Ina Mo ang big winner sa MMFF awards night dahil nakuha ng kanyang pelikula ang major awards.

Dahil siya ang best actress winner, hindi na matutuloy ang plano ni Ai-Ai na magbakasyon sa ibang bansa kung sakaling natalo siya.

*******

Sina Jennylyn Mercado at Dennis Trillo ang mga nanalo ng special award na best-dressed actors.

Ang cosmetologist na si Ellen Lising ang sponsor ng special awards na napanalunan nina Jennylyn at Dennis.

Marami sa mga artista ang higit at karapat-dapat na manalo pero hindi qualified dahil mga endorser sila ng mga kalaban ng beauty clinic ni Ellen.

Na-take two ang pagtanggap nina Dennis at Jennylyn ng kanilang mga special award dahil hindi kaagad nakaakyat sa stage si Ellen.

Apektado rin  ang pagtanggap ni Albert Martinez sa best supporting actor award ni Dolphy dahil masisira ang continuity kung hindi uulitin ang eksena.

*******

Nabahiran ng pulitika ang awards night ng MMFF dahil sa mga babaeng kongresista na binigyan ng special participation bilang mga award presenter.

Take two o dalawang beses na ipinaulit kay House Representative Monique Lagdameo ang announcement niya sa top three nominees sa best supporting actor category pero hindi naituwid ng production staff ang kanyang pagkakamali.

“And the top THREE  best supporting actor nominees are Alwin Uytingco, Roy Alvarez, Sid Lucero and Dolphy!”

Three? Apat kaya sila?

*******

Hindi nagpatalo kay House Representative Monique Lagdameo si House Representative Tricia Bonoan.

With full confidence ang announcement  ni House Representative Bonoan na si MR. Mel del Rosario ang nanalo ng best story award!

“Babae po si Mel!” ang maagap na pagtutuwid ng direktor na si Wenn Deramas nang tanggapin niya ang best story trophy ni Mel.

Inconsistencies

Filed under: Opinion — CabsM0d at 2:34 pm on Tuesday, September 28, 2010

Parang nadaya ang aming pakiramdam dahil naniwala kami sa mga press release na makikita sa bagong issue ng StarStudio magazine ang wedding photos sa India nina Mariel Rodriguez at Robin Padilla.

Pero ang inilabas ay mga travel photos lamang at wala itong kuwento tungkol sa claim nina Robin at Mariel na nagpakasal sila noong August 19 sa Taj Mahal, Agra, India.

Nagmistulang nagpakasal ang dalawa nang pumasok sila sa loob ng Taj Mahal dahil sa yellow sari outfit (ang traditional dress ng mga babae sa India ) ni Mariel.

Nang aminin ni Robin sa The World Tonight na ikinasal sila ni Mariel sa Taj Mahal, sinabi niya na ipapadala sa Pilipinas ng Imam ang kasulatan ng kanilang Muslim wedding. Ang Imam ang lawful temporal leader ng Islamic community.

Sa litrato na inilabas ng StarStudio, si Sareem Raza at hindi ang Imam ang kasama nina Robin at Mariel. Si Sareem ang spiritual adviser ni Robin.
Para masagot ang aming mga katanungan, tumawag kami ngayon (September 27, 3:20 p.m.) sa Embassy of India (Telephone number: 843-01-01).

Isang male Indian national ang sumagot sa aming tawag pero tumanggi siya na ipabanggit ang kanyang pangalan.

Malinaw ang sagot ng aming kausap. Hindi pinapayagan ang mga foreigner, lalo na ang mga turista na magpakasal sa Taj Mahal. Wala raw wedding ceremony, Catholic man o Muslim na idinaros sa loob ng Taj Mahal.

Nang sabihin namin ang claim ni Robin na ikinasal sila ni Mariel sa Taj Mahal, diretso ang pahayag ng aming kausap: “Anybody can claim that they own the Malacañang Palace. Are weddings permitted in Rizal Park? Tell me…”

Sapat na ang sinabi ng nasa kabilang linya para pasalamatan namin siya at tapusin ang aming pag-uusap.

*******

Introducing si Jillian Ward sa Agimat ni Enteng, ang 2010 Metro Manila Film Festival entry nina Vic Sotto at Senator Bong Revilla.

Nag-celebrate si Bong ng kanyang 44th birthday sa Grand Ballroom ng Manila Diamond Hotel noong Sabado ng gabi at kabilang si Jillian sa kanyang mga invited guest.

Sa interview kay Bong, tinanong siya tungkol sa participation ni Jillian sa pelikula nila ni Vic. “Hinarness si Jillian…Kaya niya…kaya niya..Magugulat kayo, kakaiba ang pelikula,” ang sagot ni Bong.

Dahil sa mga papuri ni Bong sa child star na gumaganap bilang Trudis Liit, ito naman ang tinanong namin tungkol sa kanyang harness experience.
Jillian, totoo ba na ibinitin ka sa harness?

” Opo…” ang tila nahihiya na sagot ni Jillian.

Sabi ni Senator Bong, nakaya mo raw na i-harness ka?

“Natakot po ako..Umiyak ako kaya ginamitan na lang ako ng double.”

*******

Natuwa kami nang malaman namin na residente ng Laguna si Barbie Forteza.

Ibig sabihin nito, magkababayan kami.

Kulang sa tulog si Barbie nang dumating ito noon sa presscon ng GMA Artist Center para sa kanila ni Joshua Dionisio, dahil late na nang natapos ang taping ng kanilang primetime show.

Nakatira pa noon si Barbie sa Biñan, Laguna, kaya kami ang nag-alala sa layo ng biyahe niya. Kung umaga na nung na-pack up ang taping niya at maaga siyang dumating sa presscon, nangangahulugang wala pa siyang tulog.

May sagot si Barbie sa aming concern: “Sa hotel po kami natutulog. Hindi na po kami umuuwi sa Laguna.”

Saang hotel kayo natutulog?

Nag-isip si Barbie nang malalim bago ito sumagot ng, “Hindi ko po alam kasi tulog na ako…”

A week later, nakausap namin ang production staff member ng show ni Barbie at siya ang sumagot sa aming tanong na hindi sinagot ng batang aktres.

“Ay, madalas silang matulog ng kanyang mga magulang sa Sogo Hotel. Lahat yata ng branch ng Sogo, natulugan na nila…Kami rin ang bumibili ng mga damit niya sa Baclaran para makatipid siya sa kanyang mga ginagamit sa taping.”

To Robin and Mariel: Look before you leap…

Filed under: Opinion — CabsM0d at 1:31 am on Thursday, September 23, 2010

Inamin kagabi ni Robin Padilla sa live interview sa kanya ni Tina Monzon-Palma sa The World Tonight na nagpakasal sila ni Mariel Rodriguez sa India noong August 19, 2010.

Ikinuwento ni Robin na ikinasal sila sa isang Muslim rites at ipapadala ng Imam ( lawful temporal leader of the Islamic community ) ang papel na magpapatunay sa kanilang pagpapakasal.

Ang pag-amin nina Mariel at Robin sa kanilang August 19 wedding sa India ang malinaw na attempt para matuldukan na ang mga batikos tungkol sa pagpapakasal nila sa Baguio City sa pamamagitan ng traditional Ibaloi wedding ceremony at para mabawasan ang pagtatampo ng mga miyembro ng Islam.

Pero sa kabila ng pag-amin nina Mariel at Robin, lalong nadagdagan ang mga isyu na dapat sagutin.

*******

Nagpahayag ng pagkadismaya si Jimmy Ong sa mga statement ni Robin tungkol sa ritwal na idinaos sa Baguio City noong September 13, 2010.

Si Jimmy ang mamburong o Ibaloi priest na umamin na legal ang pagkakasal niya kina Robin at Mariel.

Umani ng batikos si Robin mula sa mga Muslim dahil Islam ang kanyang relihiyon at ipinagbabawal dito ang pagpapahid ng dugo ng baboy sa kanilang mukha.

Ipinagtanggol ng aktor ang sarili.Wala raw siyang nilabag sa Islam dahil hindi nakasulat sa Qur’an na bawal na magpahid ng dugo ng baboy sa mukha.

Dismayado si Jimmy dahil sa kuwento nito, tinanong niya si Robin kung tunay na kasal o shooting para sa isang pelikula ang seremonya na kanyang gagawin. “Kasal,” ang sagot ni Robin.

******

To the rescue ang mga kamag-anak ni Robin noong lumaki ang isyu. Sinabi nila na isa lamang engagement ceremony ang naganap sa Baguio City noong September 13.

May conflict sa pagtatanggol kay Robin ng kanyang mga kamag-anak dahil kung talagang ikinasal na sila ni Mariel sa India noong nakaraang buwan, hindi na kailangan ng engagement ceremony?

Iba rin ang pahayag ni Mariel sa The World Tonight kagabi. Ayon kay Mariel, ipinakilala lamang sa kanya ni Robin ang mga kamag-anak nito sa Baguio City at ang kultura ng Ibaloi.

“To begin with, we did not come out with the information…with those photos so we never lied. We never denied…ahhh…walang paikot-ikot. Hindi sa amin galing yung…What happened in Baguio was actually…Robin just wanted to introduce me to his relatives, the Cariño side.

“They want to show me a little of their culture. Yung talaga ‘yon. May war dance na naganap…Meron po bang kasal na may war dance? May nag-iitakan? Hindi naman po siguro…”

Ang pagsayaw nila ni Robin ng Tayaw ang war dance na tinutukoy ni Mariel.

But for her information, isang courtship dance at hindi war dance ang Tayaw.

Very transparent ang karakter ni Mariel. Mababaw ang kanyang luha at hindi niya naitatago sa harap ng mga TV camera ang tunay na nararamdaman.

Kung matalas ang paningin at pakiramdam ng mga nakapanood sa live interview kay Mariel, mapapansin na hindi siya kumportable habang ipinapaliwanag niya ang posisyon tungkol sa kontrobersiya ng pagpapakasal nila ni Robin.

*******

Naiipit ngayon sina Mariel at Robin sa pagitan ng mga Muslim at ng tribu ng Ibaloi. Nagtatampo ang mga kapatid na Muslim kay Robin dahil sa balita na nagpakasal sila ni Mariel sa pamamagitan ng traditional wedding ceremony ng Ibaloi.

Masama ang loob ng Ibaloi tribe dahil legal ang pagkakasal ni Jimmy kina Mariel at Robin pero hindi ito maamin ng dalawa.

Ang paraan ng pagpapakasal nina Robin at Mariel sa Ibaloi at hindi ang pagpapakasal nila ang nagpalaki sa kontrobersiya.

Para makumbinsi ang mga Muslim na nagpakasal sina Robin at Mariel sa India at para mawala ang sama ng kanilang loob, kailangang maglabas ng mga litrato ang dalawa bilang patunay na nananatiling tapat si Robin sa Islam.

*******

Nagsimula ang Ramadan, ang greatest religious observance sa Islam, noong August 11, at natapos noong September 10, 2010.

Sakop at panahon ng Ramadan ang petsa ng pagpapakasal (August 19) nina Robin at Mariel.

Kaya, may mga nagtatanong kung pinapayagan ba ang mga Muslim na magpakasal sa panahon ng Ramadan?

Ayon sa Islamonline.net, wala namang nakasaad sa Islam na hindi puwedeng magpakasal sa panahon ng Ramadan pero pinapayuhan ang mga miyembro na ipagpaliban ang kanilang plano hanggang hindi natatapos ang isang buwan na religious observance ng mga Muslim:

“There is nothing in Islam to suggest that it is not allowed to get married during the month of Ramadan because it is Ramadan, or in any other month.Rather marriage is permitted on any day of the year.

“However, the one who is fasting in Ramadan must refrain from eating, drinking, and having intercourse from dawn until sunset. So if he can control himself and there is no fear of him doing something that will break his fast, there is nothing wrong with him getting married in Ramadan.

“It seems that those who want to start their married lives in Ramadan usually can’t be patient and keep away from their new wives or husbands during the days, and there is the fear that they may do something that is forbidden by breaking their fast and violating the sanctity of the blessed month.

“It is for this that we say that it is advisable that if there is the fear that someone may not be able to control himself during the daytime of Ramadan, he should delay his marriage until just after Ramadan, and he should keep himself busy during Ramadan with worship: reciting the Qur’an, observing the night vigil, and performing other acts of worship.”

*******
Marami ang mga naniniwala na totoo ang pagpapakasal nina Robin at Mariel sa Ibaloi traditional wedding ceremony dahil sa kagustuhan ng sikat na aktor na mapatunayan ang pagmamahal niya sa kanyang girlfriend.

At dahil sa sobrang pagmamahal sa isa’t-isa, nalimutan nila na hindi simpleng seremonyas ang naganap dahil may mga obligasyon sila sa kanilang mga relihiyon.

One wise advise for Mariel and Robin: Look before you leap.

Next Page »