Biktima ng piracy sina Regine Velasquez at Ogie Alcasid dahil ilang oras pagkatapos ng Mr. & Mrs. A concert nila sa Smart Araneta Coliseum, uploaded kaagad sa YouTube ang mga video ng kanilang Valentine show dahil sa audience na gumamit ng mga cellphone camera para makunan ang mga eksena sa stage.

Co-producer ng concert ang mag-asawa at media partner ang GMA 7.

Ipalalabas sa Kapuso network ang Mr.& Mrs. A bilang television special pero preempted ito ng mga video na mapapanood sa YouTube.

Special guests sa concert nina Regine at Ogie sina Vice Ganda, Angeline Quinto, Eric Santos, at David Archuleta.

CLICK HERE to view gallery

May mga exclusive contract sa ibang mga TV network ang mga nabanggit na performer kaya hindi kasali sa telecast ng GMA 7 ang participation nila sa Mr. & Mrs. A.

But then, unedited na mapapanood sa YouTube ang mga production number nina Vice Ganda, Angeline, Eric, at David kaya walang mami-miss ang televiewers.

*******

Biktima ng puyat ang mga nag-abang sa live coverage ng funeral service para kay Whitney Houston na mapanood sa CNN at ibang mga cable chanel.

Kasama kami sa mga tumutok sa halos limang oras na live telecast ng funeral service na tinawag na “home going” para sa sikat na American singer na sumakabilang buhay noong February 11, 2012.

Si Pastor Marvin Winans ang nag-deliver ng eulogy dahil kaibigan siya ni Whitney.

Nasira ang funeral service dahil ginamit ito ni Pastor Marvin para i-showcase ang singing talent ng mga miyembro ng kanyang pamilya na isa-isa niyang tinawag at pinaakyat sa stage para kumanta.

Kabilang kami sa libo-libong tao sa buong mundo na nairita sa ginawa ng pastor dahil “showbiz na showbiz” siya.

Ginamit ni Pastor Marvin  ang sitwasyon sa promotion ng sarili at singing talent ng kanyang pamilya dahil alam niya na pinanonood sa buong mundo ang live coverage ng funeral service para kay Whitney.

*******

Biktima ng sobrang obsession kay David Archuleta ang kanyang Filipino  fans na nagpunta sa activitiy center ng TriNoma nang i-launch siya bilang endorser at image model ng Bench Fix Professionals, ang hair products ng Bench.

Mula sa aming kinauupuan, kitang-kita namin ang isang babae na humahagulgol ng iyak habang pinapanood ang pagkanta ni David.

Nang lumabas sa stage si David, napansin namin agad ang babae dahil halos mapatid ang vocal chords niya sa pagtili pero nang tumagal, napalitan ng paghagulgol ng iyak ang kanyang paghiyaw.

Kung naging teenager ang babae, baka sakaling naintindihan namin ang kanyang drama pero walang age na pinipili ang pagiging obsessed fan. Sana lang, umarte ang babae nang naaayon sa edad nito dahil daig pa niya ang namatayan habang pinagmamasdan namin ang kanyang hindi nakontrol na pag-iyak.

CLICK HERE to view gallery

*******

Courtesy of Hayden Kho Jr., biktima ng malicious gossip ang yoga instructor na si Al Galang.

Biktima si Al dahil nasangkot siya sa controversial breakup nina Hayden at Dra. Vicki Belo.

Pero sa lahat ng biktima, si Al ang nakinabang dahil natikman niya ang 15-minute fame.

Nagkaroon ng interes ang mga tao na malaman ang itsura at background ni Al dahil sa pagkakaugnay ng kanyang pangalan sa paghihiwalay nina Hayden at Dra. Belo.

CLICK HERE to view article

Binawi ni Hayden ang mga paratang at nagpahayag ng pagsisisi sa ginawa dahil walang katotohanan ang kanyang mga paratang na inilabas niya sa Twitter.

May dahilan para magsisi si Hayden dahil bukod sa free publicity na ibinigay nito kay Al, binigyan niya ng pagkakataon ang publiko na ikumpara siya sa isang totally unknown personality sa showbiz.

Kinontra ni Grace Lee ang sarili nang hilingin nito sa media na bigyan siya ng privacy tungkol sa namumuong relasyon nila ni President Noynoy Aquino.

Ang sarili ang dapat awatin ni Grace dahil mula nang aminin ni PNoy ang kanilang pagde-date, kaliwa’t-kanan ang pagpapa-interbyu niya sa mga news program at showbiz talk show.

Inconsistent ang Korean TV host sa pagbibigay ng mga statement dahil siya ang hindi nagbibigay ng privacy sa kung anuman ang namamagitan sa kanila ng pangulo ng Pilipinos.

Napailing si ang dating Philippine Vice President at TV Patrol anchor Noli De Castro nang mapanood nito kahapon, February 6, sa TV ang apela na privacy ni Grace.

Hindi napigilan ni Noli ang sarili na magkomento na paano magkakaroon ng privacy si Grace kung ito ang pa-interbyu nang painterbyu.

Unlike Shalani Soledad (Noynoy’s ex-girlfriend), walang karisma si Grace sa masa at marami ang intimidated sa pagiging Inglesera niya.

Kaya, hindi pabor sa kanya ang opinyon ng mga tao tungkol sa madalas na pagpapa-interbyu ng Korean TV host tungkol kay PNoy.

*******

Kinontra rin ni Atty. Lorna Kapunan ang statement niya na lumabas kahapon, February 6, sa Philippine Daily Inquirer.

Nabigo si Atty. Kapunan at ang kanyang kliyente na si Mrs. Aleli Arroyo na iuwi mula sa London ang bangkay ni Congressman Iggy Arroyo dahil ang “common law wife ” na si Grace Ibuna ang pinaboran ng korte sa United Kingdom.

Sinabi ni Atty. Kapunan na nakakuha si Grace ng court order na nagdedeklara na siya ang next of kin ni Congressman Arroyo kaya siya ang may karapatan sa labi ng namayapa na kongresista.

May paghuhusga kay Grace ang statement ni Atty. Kapunan sa Inquirer. Aniya, ” “We don’t know if they [Mike and Bianca] know that there is a court order unless they are working together with Ibuna. They should just say it straight out. I don’t think Grace Ibuna is intelligent enough to make these maneuvers.”

Si Bianca ang anak ni Congressman Arroyo sa unang asawa nito na si Marilyn Jacinto at si Mike ay si former First Gentleman Mike Arroyo.

Nabigo si Atty. Kapunan at ang legal wife ni Congressman Arroyo na iuwi sa Pilipinas ang labi ng yumao at ito ang malinaw na ebidensya na na-under estimate niya ang kakayahan at talino ni Grace.

Isang tao na nagkaroon ng pagkakataon na makausap si Grace ang nagsabi sa amin tungkol sa salita na diumano’y binitiwan ng grieving common law wife:  “Sa akin ang huling halakhak!”
*******

Kinontra ni Ai-Ai Delas Alas ang paniniwala ni Mommy Elvie Villasanta nang magkita sila.

Big fan ni Ai-Ai ang ina ni Ariel (ng Ariel & Maverick tandem) at ang makilala nang personal ang sikat na comedienne ang isa sa kanyang mga bucket list.

Ipinagpaliban ni Ariel ang breast operation ni Mommy Elvie nang malaman niya na pumayag si Ai-Ai na tuparin ang wish ng kanyang ina.

Natulala si Mommy Elvie nang makaharap si Ai-Ai pero nang mahimasmasan, sinabi niya na naging fan siya ni Ai-Ai nang mapanood ito sa pelikulang Starzan.

Kasama sa cast ng Starzan si Ariel at ayon kay Mommy Elvie, paulit-ulit ang panonood niya noon sa nabanggit na pelikula dahil kay Ai-Ai.

Natawa si Ai-Ai sa kuwento ni Mommy Elvie at sa kanyang malambing na boses, kinontra niya ang sinabi ng karakter na ina ni Ariel: “Mommy, hindi po ako kasali sa Starzan. Sa Romeo Loves Juliet po kami nagkasama ng anak n’yo…”

Nakatutok kina Valenzuela City Councilor Shalani Soledad at Pasig House Representative Roman Romulo ang atensiyon ng lahat ng mga dumalo sa kasal nila sa St. Benedict Church, Ayala Westgrove, Sta. Rosa, Laguna, noong Linggo, January 22.

Itinutok naman namin ang atensiyon sa mga bisita at sa mga kaganapan sa wedding ceremony na tumagal lamang ng halos isang oras.

Apple green at lavender ang color motiff ng well-publicized wedding nina Shalani at Roman kaya literal na green apples ang ginamit sa offertory.

Umiral ang pagiging fan ng ilan sa mga bisita dahil nilapitan nila si Richard Gomez, na present din sa wedding, para sa photo op.

Tahimik na nakatayo sa isang sulok ng simbahan si former House Representative Ronald Singson pero dahil siya ay kontrobersiyal na personalidad, napansin pa rin ng mga tao ang kanyang presence.

Classic ang kuwento tungkol sa wedding organizer staff member na lumapit kay Adolfo Aguirre, ang biological father ni Shalani.

“Are you part of the entourage?” ang tanong ng staff member na ikinainsulto ng ama ni Shalani.

May report na nakunan ng isang TV network ang eksena sa simbahan ni Mrs. Evelyn Yumul, ang ina ni Shalani, pero bilang respeto, hindi inilabas ng TV station ang controversial scene na may koneksiyon sa naging trato ng tauhan ng wedding organizer sa ama ng bride.
*******

Magkakasama kami nina Karen Pagsolingan ( PEP managing editor ),
Anna Pingol ( YES! managing editor ) at ang photographer na si Melo Balingit na nagpunta sa St. Benedict Church para sa coverage ng kasal nina Shalani at Roman.

CLICK HERE TO VIEW GALLERY

Five p.m. ang oras ng kasal pero dumating kami sa simbahan nang maaga (before four p.m. ) para makakuha ng magandang puwesto ng upuan.

Naabutan namin sa simbahan ang mga crew ng ABS-CBN, GMA-7 at TV5 na maagang nag-set up ng kanilang mga kamera.

Ang upuan sa right side at malapit sa church entrance ang pinili namin ni Karen.

Bakante pa ang silya nang dumating kami ni Karen kaya malinaw na kami ang naunang naupo.

Dalawang lalake ang tumabi sa amin pero umalis din dahil nagmagandang-loob sila na paupuin ang isang babae na nakasuot ng powder blue gown.  Maya-maya, tumabi sa hindi kilalang babae ang kanyang dalawang kasama.

Nang magsimula ang wedding march, nagtayuan ang lahat ng mga bisita para makita ang pagpasok ng entourage.

Kabilang kami ni Karen sa mga tumayo at sandaling umalis ng upuan para makunan ng litrato ang pagpasok ni Shalani sa loob ng simbahan.

Nang bumalik kami sa aming upuan, sinita kami ng babae na nakasuot ng powder blue gown na buong ningning na nagsabi na, ” Somebody’s sitting there…”

Kahit nasa loob ng simbahan, medyo nawala ang aming pasensiya sa paninita ng babae na sinagot namin na una kaming dumating at naupo sa silya na kanyang inaangkin.

Sigurado kami na naramdaman ng babae ang aming pagkairita pero siya pa ang may gana na magsalita ng, ” Ok, relax. Chill…there’s no problem.”

At sa lagay, kami pa ang may problema?

Action speaks louder than words. Hindi na namin sinagot ang babae pero tiniyak namin na titigan siya nang matalim, isang tingin na parang nakamamatay at sapat para mapahiya siya sa kanyang ginawa.

Bigla itong nawala at lumipat ng upuan.

*******

Dahil sa dami ng mga tao sa loob ng St. Benedict Church, kinulang ang mga silya kaya nagdagdag ng plastic stools ang wedding organizer.

Nakapuwesto sa left side namin nina Anna at Karen ang apat na babae na well-dressed pero hindi iginalang ang misa at ang wedding ceremony dahil habang ongoing ito, panay ang kuwentuhan nila.

Tinandaan namin ang mga mukha ng apat na babae na hindi nagbigay ng respeto sa exchange of vows nina Shalani at Roman.

Muli naming nakita ang apat na babae sa wedding reception.

Panay ang pa-picture nila sa bagong kasal at very polite naman sa kanila sina Roman at Shalani.

Really, you can’t buy breeding and class.

*******

Malinaw ang instruction ng isa sa mga wedding coordinator na sumalubong sa mga bisita sa wedding reception venue.

Kung bisita ng Soledad family, pumunta sa left table para makuha nila ang kanilang mga seat assignment, at kapag mga guest ng Romulo family, mag-register sila sa coordinator na nakapuwesto sa right table.

May mga bisita na pinili na umuwi na lamang dahil wala ang kanilang pangalan sa listahan ng invited guests ng mga Romulo.

Itinuro sila ng coordinator na i-check ang kanilang pangalan sa listahan ng mga bisita ng Soledad family pero hindi rin sila nakalista.

To avoid further embarrassments, umuwi na lamang ang mga bisita.

*******

Imbitado kami ni Shalani sa kasal nila ni Roman.

Nagpadala siya sa amin ng text message at nakatanggap din kami ng text message mula sa kanyang tauhan na nagtanong ng aming address para sa imbitasyon na ipadadala nila.

Wala kaming natanggap na wedding invite pero nagpunta pa rin kami dahil sa pagmamahal namin kay Shalani.

Luckily for us, nakapasok kami sa wedding reception at ang aming mga kasama na imbitado kahit na hindi nakalagay ang mga pangalan namin sa guest list. Ito ay dahil na rin sa tulong ng competent staff ni Shalani.

Hindi namin masasabi na competent ang ilang tauhan ng wedding organizer tulad ng nagtanong sa tunay na ama ni Shalani kung part ito ng wedding entourage at ang babae sa St. Benedict Church na in charge sa media registration na nagtanong kay Anna Pingol ng, “Are you invited?”

Ang sagot ni Anna: ” Ang layo-layo nito. Hindi kami pupunta rito nang nakabihis kung hindi kami invited!”

Homeless ang dating aktres na si Bobbie Mercado at ang kanyang dalawang anak na lalake na parehong menor de edad.

Homeless dahil sa gabi, natutulog sila sa harap ng building sa isang busy street sa Maynila at sa umaga, paikot-ikot ang mag-iina sa nasabing lugar.

Kahit papaano, kumikita ng pera si Bobbie at ang kanyang mga anak.

Sa gabi, pumapasok si Bobbie sa mga casino at naghihintay na mabigyan ng balato ng mga nananalo sa sugal.

Watch-your-car boy naman ang kanyang panganay at pedicab driver ang bunsong anak.

Dala ng sobrang kahirapan, hindi makapag-aral ang mga anak ni Bobbie. Nakaabot lamang sa Grade 3 ang panganay at Grade 1 ang bunso.

*******

Artista si Bobbie noong dekada ‘80 at naging madali sa kanya ang pagpasok sa showbiz dahil anak siya ng sikat at namayapang TV host na si Eddie Mercado.

First cousin ni Bobbie si Snooky Serna dahil magkapatid ang kanilang mga ina.

Ang Experience, To Mama With Love at Santa Claus Is Coming To Town ang ilan sa mga pelikula na ginawa noon ni Bobbie sa Regal Films.

Napangasawa noon ni Bobbie ang aktor na si Lito Pimentel pero hindi nagtagal ang kanilang pagsasama. Hindi man sila nagkaroon ng anak, nag-adopt ng baby boy ang dating mag-asawa.

Eventually, ibinigay ni Bobbie ang adopted son nila ni Lito kay Mila Ocampo, ang ina ni Snooky. Si Mila ang nagpalaki sa bata at siya rin ang nakagisnang ina.

*******

Nag-aral si Bobbie sa mga exclusive school at nakatapos siya ng college sa University of San Francisco sa Amerika kaya pinanghihinayangan ang nangyari sa kanyang buhay.

Nagkaroon kami ng pagkakataon na makausap si Bobbie sa isang restaurant sa Maynila noong Huwebes, November 24, ng gabi.

Contrary to some reports, hindi totoo na parang taong grasa na si Bobbie. Maayos ang kanyang pananamit, naka-make up siya, at may well-manicured nails.

Forty-five years old na ngayon si Bobbie at kahit naghihirap ito, hindi maitatanggi na kolehiyala siya at nagkaroon ng magandang buhay noong kabataan niya.

Inglisera at mahusay magsalita si Bobbie kaya nakapagtataka na naging homeless siya at nabubuhay sa panghihingi ng pera mula sa mga taong hindi niya kilala.

“My life is miserable. I am pathetic. I am lower than rock bottom, ” ang paulit-ulit na sabi ni Bobbie habang nag-uusap kami.

Kahit walang pera, kailangan daw niya na maging presentable sa paningin ng mga tao para makapasok siya sa mga hotel. Otherwise, ipagtatabuyan siya ng mga security guard.

*******

June 2011 nang maging homeless si Bobbie at ang kanyang mga anak.

Sa kuwento ni Bobbie, nagdesisyon ang hotel management na kumpiskahin ang personal belongings niya at ng mga bata nang hindi sila makabayad sa upa. Mula noon, naging homeless ang mag-iina.

Natutulog sila sa isang busy street sa Maynila tuwing alas-dose ng gabi at gumigising ng 4:30 a.m. para hindi makasuhan ng bagansiya ng mga pulis na nagroronda.

*******

Sa tuwing tumutulo ang luha ni Bobbie habang nagkukuwento tungkol sa hirap ng kanilang buhay, iniiba namin ang topic para hindi maapektuhan ang dalawang anak na kasama.

Tatlo at hindi lamang dalawa ang anak ni Bobbie. Babae ang anak niya sa isang lalake na mula sa isang mayamang angkan at pamilya ng pulitiko. Wala nang communication si Bobbie sa anak na nag-aaral sa De La Salle University.

May staff ng isang TV show na kumausap kay Bobbie at gustong i-feature sa TV ang kanilang buhay pero tumanggi siya.

Aniya, ayaw niyang makita sa TV ang kanilang miserableng pamumuhay bilang proteksiyon sa mga anak at sa mga tao sa busy street ng Maynila na naging mga kaibigan nila.

“May mangyayari ba kung sakaling ma-feature ang buhay namin sa TV? May mga tutulong ba sa amin?” ang tanong ni Bobbie sa staff member ng TV show na nakipag-usap sa kanya.

Nang sumagot ang staff member na posibleng may mga tumulong kapag napanood sa TV ang current situation ni Bobbie, tumanggi pa rin ito na magpa-interbyu.

*******

Ipinaalaala namin kay Bobbie na may mga government agency tulad ng DSWD (Department of Social Welfare and Development) na puwedeng tumulong sa kanyang mga menor de edad na anak.

Sinabi namin kay Bobbie na may pagkakataon pa para makaahon sila ng mga bata sa hirap.

At puwede namin siyang ilapit sa mga kaibigan niya sa showbiz at na puwedeng siyang matulungan.

Hindi na kami nag-attempt na kunan siya ng litrato dahil naghihirap man ang isang tao, karapatan niya na igalang siya at bigyan ng dignidad.

Pero wala na nga ba siyang choice para makaalpas mula sa sinasabi niyang “pathetic at miserable” na buhay.

*******

Kinabukasan, isang malapit na kaibigan ang aming tinawagan sa telepono at kinuwentuhan tungkol sa kalagayan ni Bobbie at ng mga anak nito.

Kilala ng aming kaibigan si Bobbie dahil taga-showbiz din siya.

Nang malaman niya ang miserableng kalagayan ng dating aktres, nangako ang aming kaibigan na tatawagan ang mga kakilala niya sa Manila City Hall para matulungan si Bobbie.

Makalipas ang isang oras, binalikan kami ng aming kaibigan dahil nakausap na niya ang kakilala na nagtatrabaho sa Manila City Hall na hindi nagulat sa kanyang kuwento tungkol kay Bobbie.

Sinabi rin nitong permanent fixture noon si Bobbie sa Manila City Hall at nakatanggap na siya ng mga financial help mula sa mga konsehal, vice-mayor, at mayor ng Maynila.

Fifty thousand pesos daw ang ibinigay kay Bobbie ng alkalde para makahanap sila ng kanyang anak ng bahay na mauupahan. Nangako rin ang alkalde na pag-aaralin ang mga anak ni Bobbie pero tinanggihan daw nito ang magandang alok.

Ang kuwento pa ng aming kaibigan, hindi lamang ang mga officials ng Maynila ang tumulong kay Bobbie. Nagbigay na rin daw ng financial help ang mga senador na pinuntahan niya sa senado.

Pero hanggang ngayon, ayon na rin kay Bobbie, isa pa rin siyang homeless at tila hopeless.

Kasama ni Miss World First Princess Gwendoline Ruais ang mga runner up niya sa Miss World Philippines noong naganap ang welcome press con para sa kanya  sa Midas Hotel, ang official hotel ng nasabing local pageant.

Isa-isang tinanong ng mga miyembro ng media ang mga runner up ni Gwendoline tungkol sa tagumpay ng huli sa international beauty pageant na sinalihan.

Ipinaalaala ni Miss World Philippines 2nd Princess Martha Chloe McCulley kay Gwen ang pangako nito na blow out sa buffet ng Spiral Cafe ng Hotel Sofitel.

Nag-react ang mga tauhan ng Midas Hotel na present sa press con sa sinabi ni Martha pero hindi nito binawi ang kanyang sinabi.

Walang pagsisisi si Martha nang makausap namin dahil hindi naman daw siya binibigyan ng libreng buffet ng mga tauhan ng Midas Hotel.

*******

Hindi lamang financial help ang kailangan ng dating aktres na si Susan Henson, kailangan din niya ng professional help, base sa panggugulo na ginawa niya sa GMA-7 compound noong Linggo, November 19.

Sumugod si Susan sa GMA- 7 dahil gusto niyang maging host ng Showbiz Central.

Hindi pinapasok si Susan ng mga alert na security guard ng network dahil nagduda sila sa mga kilos at pananalita ng former actress.

Hindi lamang ang mga security guard ang inaway ni Susan. Napagbuntunan din ng kanyang galit ang mga tao na naki-usyoso sa kanyang pagwawala.

Sa sobrang galit, natanggal ang plaster na nakatakip sa mata ni Susan kaya nabuko na walang diprensya ang kanyang paningin.

Marami ang naawa kay Susan dahil wala ito sa sarili. Malayong-malayo sa Susan na naging leading lady noon sa mga pelikula ng mga sikat na action star.

Ang Showbiz Central ang nakaalam sa current plight ni Susan sa Baguio City. Natagpuan siya na nagtitinda ng mga prutas sa Baguio at sa interbyu sa kanya, ipinahayag niya ang kagustuhan na magbalik sa showbiz.

Naaawa kay Susan ang mga kaibigan niya sa Baguio City dahil hindi na maayos ang kanyang pag-iisip at walang direksyon ang mga sinasabi niya.

Dahil sa feature sa kanya ng Showbiz Central, marami ang naghahanap kay Susan para tulungan ito.

Pero imbes na magpasalamat, inaakusahan niya ang program staff na kumita ng isang milyong piso sa interview sa kanya na ipinalabas sa TV.

*******

Milyong piso ang utang kay Nina ng kanyang ex-boyfriend na si Nyoy Volante.

Nagkausap na ang magkabilang panig, nagkaroon ng amicable settlement, unti-unti nang binabayaran ni Nyoy ang pagkakautang pero may kasunduan na hindi sila magsasalita tungkol sa isyu.

Pero sa presscon para sa bago niyang album na Stay Alive sa Universal Records, pahapyaw na ikinuwento ni Nina sa entertainment press ang naging solusyon sa paniningil niya sa utang sa kanya ni Nyoy.

Ni-reinvent ni Nina ang sarili para sa bago niyang album dahil ito raw ang magpapatunay na walang katotohanan na out na siya sa music scene.

Seksing-seksi si Nina sa kanyang publicity photos. Ipinagmalaki niya na resulta ng matinding work out sa gym ang magandang pangangatawan kaya wala siyang dapat ipagpasalamat sa doktor.

*******

Mula nang umalis ng bansa si BB Gandanghari, marami ang curious na makita ang kanyang itsura ngayon.

Nakahanap kami ng very recent photos ni BB, na hanggang ngayon ay New York-based pa rin. Mahaba pa rin ang buhok ni BB pero medyo ahit na ang kanyang mga kilay.

Ayon sa isang kaibigan, komportable ang pamumuhay ni BB sa New York at wala pa itong plano na bumalik sa Pilipinas.

*******

Naghahanap pa rin ng wedding venue sina Congressman Roman Romulo at Valenzuela City Councilor Shalani Soledad pero tiyak na ang pagpapakasal nila sa January 22, 2012.

Ayaw ni Shalani na magsalita tungkol sa kanyang kasal hangga’t hindi pa kumpleto ang detalye.

May mga balita na magaganap ito sa Tagaytay City ang pero sa pagkakaalam namin, mangyayari ito sa isang bayan na malapit sa nabanggit na lugar.

Marami ang nagulat sa announcement na ikakasal na sina Roman at Shalani dahil walang balita noon na nagliligawan sila.

Kami man ay nagulat sa ” whirlwind romance ” ng dalawa pero nakikita namin sa mukha ni Shalani na maligaya siya sa piling ni Roman.

Nang ipakilala sa amin ni Shalani si Roman, binigyan namin siya ng dalawang libro na puwede niyang basahin habang naghihintay sa kanilang altar date, ang Girl, Get Your Mind Right at We All Married The Wrong Person.

Mula nang patayIn si Ramgen Revilla noong October 28, nakatutok na kami sa lahat ng mga news program para sa mga update sa kaso.

Nakita namin ang madalas na pagkakamali ng mga newscaster sa paggamit ng wikang Filipino.

Imbes na pinatay, napatay ang palaging sinasabi ng mga tagapag-balita. Hindi yata nila alam ang pagkakaiba ng salitang pinatay sa napatay. Kapag sinabing napatay, hindi sinasadya ang pagpatay sa biktima, at ang pinatay ang tumpak na salita sa isang biktima na sinadyang paslangin.

Binaril ang basketball player na si Ali Peek noong Lunes ng gabi at “nabaril” ang mga headline ng mga news program noong isang araw. Sinadya ang pagbaril kay Ali kaya binaril ang salita na dapat na sinabi ng mga newscaster. Ginagamit ang salitang nabaril kapag hindi sinasadya ang pananakit sa biktima.

*******

Hindi rin wasto ang paggamit ni Rose Eclarinal ng ABS-CBN sa ating sariling wika.

Sa kanyang TV report tungkol kay Gwendoline Ruais, sinabi ni Rose na, “Pagkatapos ng bakasyon sa Paris, sasabakin ni Gwen ang mga obligasyon niya bilang Miss World runner up.”

Havingstead of “sasabakin,” ang dapat na ginamit ay “sasabak.”

*******

Ipinakita kagabi sa TV Patrol ng ABS-CBN ang exclusive photo ni Ali Peek habang naka-confine sa Medical City.

May exclusive photo rin ang 24 Oras ng GMA-7—ang litrato ni Janelle Manahan na naka-confine naman sa Asian Hospital and Medical Center.

Si Janelle ang girlfriend ni Ramgen na itinuturing na star witness sa murder case ng aktor.

Napaluha si Janelle nang malaman nito na suspect sa pagpatay sa kanyang boyfriend ang mga kapatid nito na sina Ramona “Mara” at Ramon Joseph “RJ” Bautista.

Magkakaiba ang tatlong bersiyon ng kuwento ni Ramona tungkol sa tragic incident kaya lalong pinagdudahan na may kinalaman siya sa krimen.

Gaya ng iba nating mga kababayan, nakatutok kami sa imbestigasyon sa pagpatay kay Ramgen. May mga pagkakataon na halos maduling na kami sa maghapon na panonood sa mga news program at pagtutok sa mga online news para malaman ang mga bagong update sa kaso.

Hindi rin namin pinatawad ang mga video na napapanood sa iba’t-ibang websites kaya malinaw na malinaw sa amin ang mga loophole sa mga statement ni Ramona.

Nakakabahala ang magkaibang pahayag ni Ramona sa mga naganap na eksena, ilang minuto matapos barilin at saksakin sina Ramgen at Janelle.

Sa recorded statement nito sa video na ipinadala niya sa ABS-CBN, klaro ang kanyang kuwento tungkol sa pag-uusap nila ni Janelle: “Janelle you’re bleeding. Tatakluban kita. Tinakluban ko po siya ‘tapos sabi niya sa akin, ‘Mara, Mara huwag huwag hindi ako makahinga.’”

Iba ang earlier statement ni Ramona sa phone patch interview sa kanya ng ANC.

Aniya, “Iniwan ko lang po sila doon na namatay. Hindi ko naman alam po na buhay pa sila. Ang alam ko po, wala na po sila. Ang gusto ko lang po, iligtas ang sarili ko.”

Nagkamali ng desisyon si Ramona na magsalita dahil magkakaiba ang kanyang mga pahayag at parang siya na rin ang nag-implicate sa sarili sa krimen. Nagkaroon tuloy ng pagdududa na sinadya niya na “takluban” si Janelle para hindi ito makahinga dahil klaro ang kanyang sinabi sa ANC interview na, “Ang alam ko po, wala na sila. Ang gusto ko lang po, iligtas ang sarili ko.”

Isang high-profile case ang pagpaslang kay Ramgen Revilla dahil anak at kapatid siya ng mga sikat na personalidad sa showbiz at pulitika.

Mula nang patayin si Ram sa sariling bahay sa Parañaque City noong Biyernes, October 28, parang teleserye na sinubaybayan ng taumbayan ang mga development sa kaso.

Nag-unahan din ang mga miyembro ng media sa paghahanap ng scoop na kadalasan ay nagiging sanhi ng mga pagkakamali na hindi maiiwasan.

Ang unang faux pas ay ang paggamit ng Yahoo Philippines sa litrato ni Luigi Revilla sa kanilang report tungkol sa pagpaslang kay Ram.

Anak ni Senator Bong Revilla, Jr. si Luigi kaya gulat na gulat ang young actor dahil maliban sa Yahoo Philippines, ang litrato rin niya ang ginamit sa report ng Manila Bulletin.

Mabilis na pinalitan ng totoong litrato ni Ram ang larawan ni Luigi dahil sa violent reactions ng Netizens.

*******

Iba’t-iba rin ang spelling ng pangalan ni Genelyn Magsaysay na lumabas sa mga newspaper at Internet website.

May mga nagsulat ng Genalyn at Jennylyn pero Genelyn ang correct spelling ng dating aktres na may siyam na anak kay former Senator Ramon Revilla, Sr.

Hindi kami exempted sa pagkakamali dahil imbes na Sr., Jr. ang nailagay namin sa PEP report namin tungkol kay Senator Ramon Sr.

*******

Si Genelyn Magsaysay ang 41-year-old mom ng mga involved sa kontrobersiya,

Pinagkamalan siyang si Jenny Lyn na taga-That’s Entertainment at nakilala sa role ni Galema, ang anak ni Zuma sa  Zuma (1987), pero hindi siya iyon.

Ang tanging nakatala sa IMDB o Internet Movie Database na ginawa niya ay ang Anak Ka ng Tatay Mo, kung saan naging isa siyang “producer.”

Inilabas ang pelikulang ito noong 2004 na pinagbidahan nina Albert Martinez at Snooky Serna. Kasama rin dito ang kanyang anak na si Ram Revilla.

*******

Sa mga diyaryo, Ruel at Roel Puzon ang mga pangalan ng self-confessed hired killer na nagbigay ng testimony sa Parañaque Police at nag-implicate kay Ramon Joseph “RJ” Bautista sa krimen.

Sa live report ni Zyann Ambrosio sa TV Patrol kagabi, Noel Puzon ang binanggit niyang pangalan.

May nagsabi sa amin na sa kabila ng pag-amin at testimony ni “Roel,” hindi ibibigay sa kanya ang five-million-peso reward mula sa Revilla family.

Ang limang milyong piso ang pabuya para sa makapagtuturo sa pumaslang kay Ram.

Hindi namin nakuha ang pangalan ng radio announcer ng DZIQ na nag-react sa report na ang kapatid ni Ram na si Ramon Joseph Bautista ang itinuturo na mastermind sa pagpatay sa aktor.

Buong ningning na nagkomento ang radio announcer na hindi kapatid ni Ram si  Ramon Joseph dahil Revilla ang apelyido ng una at Bautista ang family name ng huli.

Ipinaliwanag ng radio reporter na screen name lamang ang Revilla at naintindihan naman ito ng clueless na radio announcer.

Isinasangkot sa pagpaplano ng pagpatay kay Ram ang kanyang kapatid na si Ramona
“Mara” Bautista.

Bago pa malito ang ilan sa mga clueless, lilinawin na namin na ibang personalidad si Ramona “Mara” sa dating sexy star na si Ramona Rivilla.

Iniwasan namin na dumaan kahapon, Biyernes, sa Roces Avenue dahil sa radio report na trapik sa nabanggit na lugar.

Ayon sa balita, halos sarado ang kahabaan ng Roces Avenue dahil sa dami ng mga tao na nagpunta sa Amoranto Stadium para sa anniversary show tickets ng Wil Time Bigtime na gaganapin sa Smart Araneta Coliseum sa susunod na Sabado, October 22.

Pero umiral ang aming curiosity kaya dalawang beses kami na sumaglit sa Amoranto Stadium—kagabi, 9:30 pm at kaninang madaling-araw, 12:30 am.

Hindi na kami nagulat sa mga eksena na nasaksihan namin sa Roces Avenue.

Ang mga kababayan natin na natutulog sa center island, ang makalat na kalsada, ang mga ambulansiya at police cars na nakapaligid sa Amoranto Stadium, ang mga medics, ang mga tao na may mga bitbit na kaldero, at ang mga ina na may mga bitbit na sanggol na matitigas ang ulo dahil pauli-ulit ang advise ng Wil Time Big Time staff na huwag nang magsama ng mga bata sa pagpila.

Sa estimate ng mga pulis, mga 20,000 ang bilang ng mga tao na pumunta at pumila sa Amoranto Stadium.

May mga nagsabi naman na mahigit sa 20,000 ang bilang dahil umapaw ang mga tao hanggang sa kanto ng Roces Avenue at Quezon Avenue.

Hindi nagpabaya sa kanilang mga tungkulin ang Quezon City Police at ang paramedics pero kulang na kulang sila kung ikukumpara sa mga kababayan natin na nanggaling mula sa malalayong probinsya at nangangarap na makapasok sa Araneta Coliseum sa October 22 at mapanood ang 1st anniversary presentation ng game show ni Willie Revillame sa TV5.

*******

Nang bumalik kami kaninang madaling-araw sa Roces Avenue, halos hindi nagbago ang sitwasyon.

Natutulog pa rin sa center island ng Roces Avenue ang mga tao habang nagkukuwentuhan ang iba.

Na-tempt kami na kunan sila ng litrato pero inawat namin ang sarili bilang respeto sa kanila.

Hindi namin sila nakitaan ng pagkainip dahil tila nakakundisyon na ang kanilang mga isip na nakareserba ang buong araw nila sa pagkuha ng tickets para sa anniversary show ng programa na nagbibigay sa kanila ng pag-asa.

Sa unang tingin, nakakaawa ang mga tao na nagpupuyat at naghihintay sa isang bagay na walang katiyakan, pero sila mismo ang nagsasabi na masaya sila sa kanilang mga ginagawa.

*******

May nagpadala sa Cabinet Files ng leaked video ng dalawang teen-age boy na sangkot sa shooting incident sa Pampanga branch ng SM Mall.

Hindi kami nag-abala na panoorin ang video.dahil sa awa sa mga biktima. Napanood na lang namin sa mga news program ang impormasyon na buhay pa ang isa sa mga biktima sa video na kumalat sa Internet at naka-post sa YouTube.

Nakakakalungkot ang pangyayari.

Nakakaawa ang 13-year old boy at ang 16-year old friend na pinatay niya sa loob ng SM Mall, pero mas nakakaawa ang tao na naglabas sa isang website ng tunay na pangalan at mga litrato ng mga menor de edad na biktima.

Nakakaawa dahil tumanda siya ng walang konsyensya. Hindi niya iginalang ang alaala ng mga biktima na pilit na pinrotektahan ng kanilang respective families.

Hindi inilabas ng mga naulilang pamilya ang pangalan at litrato ng mga biktima. Iginalang din ng media ang kanilang pakiusap na magkaroon sila ng pribadong pagluluksa.

*******

Nakakaawa rin ang dating aktres na si Susan Henson dahil kailangan nito ng professional help.

Sikat na artista si Susan noong kapanahunan niya at isa siya sa mga aktres na may magandang mukha sa showbiz noong dekada ‘70 at ‘80.

Nagtitinda si Susan ng prutas sa Baguio City. Normal na normal ang kanyang physical appearance pero hindi maipagkakaila na may karamdaman siya dahil sa mga salita na walang direksyon na lumalabas mula sa bibig niya.

Naaawa kay Susan ang mga tao na nakakausap at nakakahalubilo niya pero walang kumikilos para matulungan o magamot ang kanyang sakit.

Ikinasal kay Eric Scot Mills sa isang civil rites sa New York City Hall noong September 7 ang former beauty queen-turned-actress na si Dindi Gallardo.

Vintage ang wedding theme dahil ayon kay Dindi, “old soul” siya.

Ipinagmalaki niya na hindi pa umabot sa US$1,000 ang wedding expenses nila ni Eric at nagkakahalaga lamang ng US$45 ang kanyang wedding dress na binili niya sa isang online shopping site.

Alam ng mga magulang nina Eric at Dindi ang plano nila na magpakasal.

Eighty-two years old na ang ina ng groom kaya hindi ito nakalipad sa New York para saksihan ang kasal ng anak.

At para maging parehas, hindi na rin pumunta sa New York ang mga magulang ni Dindi. After all, nasa legal age na sina Eric at Dindi.

Bukod sa kanilang pagpapakasal, memorable kay Dindi ang mga tao na hindi nila kilala at nakasalubong sa daan pero nag-request ng photo op dahil natuwa sa kanila habang naglalakad sila papunta sa City Hall.

Hindi rin makalimutan ni Dindi ang staff member ng isang American magazine na lumapit at nagtanong kung puwedeng ma-feature ang kanilang pagpapakasal.

Si Dindi ang winner ng 1993 Bb.Pilipinas-Universe title at naging kontrobersyal ang kanyang pagpasok sa showbiz dahil sa relasyon niya noon kay Gabby Concepcion.

Lalong naging maingay ang showbiz career ni Dindi nang i-manage siya ni Lolit Solis na dating manager din ni Gabby.

Tinapos ni Dindi ang kanyang showbiz career nang bumalik siya sa New York para dito manirahan nang permanente.

Aminado si Dindi na nami-miss ang local showbiz at kung sakaling babalik siya, gusto niya na magtrabaho sa likod ng kamera.

Right now, executive assistant si Dindi ng isang Hollywood movie director kaya may koneksyon pa rin sa entertainment field ang kanyang current job.

Naririto ang ilan sa mga litrato ng wedding day nina Mr. And Mrs. Eric Mills. CLICK HERE to view the gallery.

Ang “confrontation scene” nina Mario Bautista, isang respected veteran columnist, at Carla Abellana ang nagging highlight ng presscon kagabi, August 22, ng My Neighbor’s Wife ng Regal Entertainment Inc.

Ginanap ang presscon sa Imperial Palace Suites at si Mario ang pangalawa sa huli na nilapitan ng presscon moderator na si Jun Nardo para magtanong.

Imbes na magtanong, sinabi ni Mario kay Carla ang nararamdaman tungkol sa email na ipinadala ng huli, na hindi nagustuhan ang isinulat ng clumnista sa People’s Journal noong August 21.

Ipinaaala ni Mario kay Carla ang suporta niya sa aktres simula noong mag-umpisa ito sa showbiz at sa mga TV series niya sa GMA 7, and yet, hindi siya nakatikim ng pasasalamat mula sa anak ni Rey Abellana.

Pero dahil sa kanyang column item na isinulat noong August 21, nakatanggap siya ng email mula kay Carla.

May sagot si Carla sa lahat ng mga sinasabi ni Mario dahil hindi niya nagustuhan na naka-qoute siya sa article na lumabas, kahit hindi siya personal na nainterbyu ng entertainment columnist.

Kahit sinabi ni Mario na galing mula sa publicity guide ng Regal Entertainment Inc. ang kanyang isinulat, paulit-ulit na sinabi ni Carla na hindi siya nainterbyu ng una.

Nagtataka si Mario dahil hindi lamang ito ang naglabas ng publicity guide para sa My Neighbor’s Wife pero bukod-tangi na siya ang pinadalhan ni Carla ng email.

Halata ang pagkalito ni Carla dahil pabago-bago ang kanyang mga pahayag pero pinilit niya na magpakita ng strong front.

Kung ibang artista ang nasa lugar ni Carla, tiyak na napaiyak na. But not Carla.

Natahimik ang lahat habang nagpapalitan ng sagot sina Carla at Mario.

Katabi ni Carla sa presidential table sina Jake Cuenca, Lovi Poe, Dennis Trillo at ang My Neighbor’s Wife director na si Jun Lana.

Nang tingnan namin sila, halata sa mga mukha ng apat ang magkahalo na gulat at confusion sa nagaganap na eksena.

Para higit na maintindihan ang isyu, naghanap kami ng kopya ng short article na isinulat ni Mario tungkol kay Carla at ito ang aming nabasa (published as is):

“WE were there when Carla Abellana was first introduced to the press three years ago and she said then she’ll not go sexy. But now, she plays a very daring role as an unfaithful wife in My Neighbor’s Wife.

“‘It’s true, when I joined showbiz, I said I won’t do torrid kissing scenes at hindi ako magbibikini,’ she says.

“‘Pero heto, ngayon, ginawa ko. When the shooting started, wala naman sinabi sa’kin si Direk Jun Lana that I’ll be made to do such scenes. But in the course of the shooting, I was pushed to the limits.’

“The biggest challenge here for me is Lovi Poe. Kasi all out siya sa sexy scenes niya so I felt obligated na pantayan yung ginagawa niya kasi kung hindi, ano na lang ang mangyayari sa ‘kin sa movie? Mapag-iiwanan ako.’

“‘The first time I did a love scene with Dennis Trillo, grabe ang kaba ko. But I have to thank Dennis kasi magaling siya magdala ng eksena. He can make the scene appear really sensual. Ganun din si Jake Cuenca, mahusay in doing bed scenes.’”

“Will she make real life BF Geoff Eigenmann watch these daring scenes?

“‘Kinuwento ko sa kanya ang mga eksenang ginawa ko and he understands this is part of my job naman, but he’s the one who decided na hindi na lang niya panonoorin. He gave me naman the liberty to do such scenes, in the same way na I allow him din naman to also do such scenes dahil actor din siya.’”

*******

Naintindihan namin ang pinanggagalingan ni Mario nang makakuha kami ng kopya ng email na natanggap niya mula kay Carla, Nagmistulang teacher si Carla dahil sa “lecture” at unsolicited advise na ibinigay niya kay Mario.

Ito ang unedited copy ng controversial email ni Carla:

“HI Mario! This is Carla Abellana. I just read your Journal August 21 article entitled ‘Geoff Won’t Watch Carla’s Daring Movie’ and was shocked.

“First off, I don’t remember being interviewed by you recently.

“Second, not a single word you supposedly ‘quoted’ from me is true. Those words never came out of my mouth.

“Third, I was never challenged by Ms. Lovi Poe in our movie because it was never a goal for me to equal her in this movie. My character’s goal is different from hers and she’s a completely different actress with a completely different role from mine.
“It was never an intention for me to equal her in this movie because whatever I do, I never will!

“For you to use such words as ‘… biggest challenge here for me is Lovi Poe…’ and ‘… I feel obligated na pantayan yung ginagawa niya…’ are words that never even crossed my mind, all the more come out of my mouth.

“Fourth, the supposed quotation in the last line of your first paragraph says, ‘Ganu’n din si Jake Cuenca, mahusay in doing bed scenes.’

“How can I possibly say that when Jake and I haven’t even done a love scene?

“Lastly, I never said that Mr. Geoff Eigenmann decided not to watch the movie. I never said that because presently he is not even sure if he’s going to be in the country when the movie comes out.

“It makes me wonder where you got all your information. Obviously this article is based on second-hand information, therefore unreliable.

“This is an opportunity for you to receive straight feedback from me, as I hope that it is important since I am the subject of this article.

“Please double check on your information and ‘facts’ first before publishing anything. A basic rule that I’m sure a respected writer such as you already know and consider common sense.

“Thank you very much and I can only hope that you publish an erratum article following this.

“If not, I can always clarify this to other press members during our succeeding press cons for ‘My Neighbor’s Wife.’”

*******

Walang closure ang confrontation scene nina Carla at Mario, kahit napilitan na magpasalamat at mag-apologize ang aktres sa presscon ng My Neighbor’s Wife.

Nang matapos ang question and answer portion, umalis na si Mario habang nilapitan na si Carla ng mga TV reporter.

May bonus ang confrontation scene dahil nagsalita rin si Mrs. Lily Monteverde, ang producer ng Regal Entertainment Inc.

Sinabi ni Mother Lily na mahal niya si Carla dahil mabait ito pero kung may problema man, ito ay si Arnold Vegafria, ang manager ng aktres.
Ayon kay Mother Lily, mahirap kausap si Arnold at hindi ito cooperative sa kanila. May exclusive contract si Carla sa Regal Entertainment Inc. pero may ginawa raw na breach of contract ang kanyang manager.