Jojo Gabinete: Cabinet Files

Pareho: Alma Concepcion and Anjanette Abayari

Filed under: Uncategorized — admin at 2:02 pm on Sunday, February 22, 2015
Parehong maingay ngayon ang mga pangalan nina Alma Concepcion at Anjanette Abayari dahil sa pagsasalita nila laban sa kanilang mga dating karelasyon.
 
Parehong produkto ng Bb. Pilipinas sina Anjanette at Alma.
 
Si Anjanette ang nanalong Bb. Pilipinas-Universe noong 1991 pero agad na binawi sa kanya ang karangalan dahil sa isyu ng residency.
 
Si Alma naman ang nagwagi ng Bb.Pilipinas-International title noong 1994.
 
Pareho silang sumabak sa showbiz.
   
Naging contract star si Anjanette ng Viva Films at contract star si Alma ng Regal Films.
   
Gumanap na Darna si Anjanette sa pelikula ng kanyang mother studio, at karakter ni Darna ang ginampanan ni Alma sa isang television commercial.
   
Parehong nasangkot  sa drug case at parehong nakulong sa Guam sina Alma at Anjanette.
   
July 24, 1998 nang arestuhin si Alma sa Agana International Airport dahil nahuli sa kanyang pag-iingat ang shabu.
  
Halos isang buwang nakulong si Alma sa Guam at ito ang itinuturing niya na isa sa pinakamalungkot na bahagi ng kanyang buhay pero napawalang-sala siya.
 
Nang mangyari noon ang insidente, si Dody Puno na kapatid ni former DILG Secretary Ronaldo Puno ang napapabalitang boyfriend ni Alma.
 
Interior undersecretary si Ronaldo Puno ni former President Joseph Estrada nang madakip si Alma sa Guam, at sa isang interbyu noong July 31, 1998, sinabi ni Puno na ibibigay  ng pamahalaan ang lahat ng possible assistance sa beauty queen-turned-actress.
    
May mga nagsasabi na malaki ang naitulong at kinalaman ng mga Puno kaya nalampasan ni Alma  ang malaking problema.
 
*******
 
Hindi na natuto sa nangyari kay Alma ang reaksiyon ng publiko nang madakip si Anjanette sa international airport ng Guam noong October 1999 dahil  sa shabu na nakita rin sa kanyang pag-iingat.
   
Itinanggi ni Anjanette na siya ang may-ari ng plastic pipe o tooter na may traces ng shabu na nakuha sa make-up  kit niya dahil pag-aari raw ‘yon ng kanyang kapatid na babae na sumasailalim sa drug rehabilitation.
    
Teritoryo ng U.S. ang Guam at isang American citizen si Anjanette pero hindi pinaniwalaan ang kanyang alibi.
   
Si Erap ang Pangulo ng Pilipinas nang mahuli sa Guam si Anjanette pero hindi ito pinalad na makabalik ng bansa dahil idineklara siya na persona non grata ni Estrada.
   
Mula sa Guam, bumalik si Anjanette sa U.S. mainland  at tuluyan nang tinalikuran ang showbiz career niya sa Pilipinas.
 
*******
        
Parehong US$50,000 ang bail para sa magkahiwalay na drug case noon nina Alma at Anjanette.
      
Pumayag si Guam Superior Court Judge Alberto Lamorena III na ibaba sa US$10,000 ang piyansa para sa temporary liberty ni Anjanette dahil nangako ang legal counsel ng aktres na hindi ito tatakas sa U.S. territory.
   
Si David Bunevacz ang boyfriend noon ni Anjanette.
 
Agad na lumipad si David sa Guam nang malaman niya ang nangyari sa kanyang girlfriend para bigyan ito ng moral at emotional support.
 
*******
   
Fast forward to 2015. Parehong buwan ng February nang maglabas ng mga sama ng loob sina Alma at Anjanette laban sa kanilang mga dating karelasyon.
    
Ang social media ang ginamit ni Alma para singilin si Dody Puno dahil sa hindi nito pagbibigay ng sustento sa kanilang anak na lalake.
 
   
Ayon kay Alma, pitong buwan nang nagpapabaya sa obligasyon si Dody na ikinasal noong October 2014 sa isang Char Galang.
   
Mapapanood sa YouTube ang video ng engrandeng kasalan nina Dody at Char.
 
*******
     
Parehong mga lalake ang mga anak nina Alma at Anjanette.
     
Dalawa ang anak ni Anjanette sa dalawang magkaibang lalake na hindi niya binanggit ang mga pangalan sa kanyang live guesting kahapon sa Startalk.
    
Sinabi ni Anjanette na hindi siya kasal dahil gusto lang niya na magkaroon ng mga anak at hindi sila magkasundo ng isa sa ama ng mga bata.
     
Hindi nawala sa agenda ni Anjanette ang ex-boyfriend na si David na pinaratangan niyang nagbenta ng kanyang mga ari-arian habang nakakulong siya sa Guam noong 1999.
 
   
Ang kanyang expensive watch na Rolex ang isa raw sa mga ipinagbili ni David na hindi nito itinanggi nang makausap siya ng PEP.ph (Philippine Entertainment Portal).
   
Sinabi ni David na totoong ipinagbili niya ang Rolex dahil ito ang utos sa kanya ni Anjanette. Ginamit daw ang pera na napagbilhan sa Rolex sa drug rehabilitation ni Anjanette sa Guam at sa iba pang mga gastusin dahil kapos na kapos sila noon sa pera.
    
Ayon kay David, awa at hindi galit ang nararamdaman niya ngayon para kay Anjanette dahil sa mga walang katotohanan na akusasyon nito.

The aftermath of DongYan wedding

Filed under: Uncategorized — admin at 5:32 pm on Sunday, January 4, 2015

“Biktima” ng piracy ang mag-asawang Dingdong Dantes at Marian Rivera.

Sa January 17 pa ang airing ng kanilang wedding special sa GMA pero kalat na sa social media ang mga mahahalagang eksena ng pag-iisang dibdib nila sa Immaculate Conception Cathedral at sa wedding reception sa Mall of Asia Arena noong December 30, 2014.

Ang mga invited guest ang “culprits” sa piracy na nangyari dahil hindi nila napigilan na kunan ng video at i-post sa kanilang mga social media account ang mga romantic at unforgettable scene sa simbahan at wedding reception.

*******

Hindi dapat pansinin at pag-aksayahan ng panahon ang mga tao na bumabatikos sa grand wedding nina Marian at Dingdong.

Sa pananaw ko, naghahanap lamang ng atensiyon ang mga kritiko na kaligayahan na ang manira ng kapwa.

Ginagamit nila ang okasyon at sitwasyon para mapansin at madagdagan ang hits ng kanilang mga blog, at the expense of Dingdong and Marian.

Sariling pera ni Dingdong ang ginastos nito sa kasal nila ni Marian, hindi sila nanghingi sa ibang tao.

Hindi tamang akusahan ang mag-asawa na naging insensitive sa plight ng mga mahihirap na kababayan dahil hiniling nila sa kanilang mga ninong at ninang sa kasal na imbes na bigyan sila ng regalo, magbigay na lamang ng donasyon sa YesPinoy Foundation.

Si Dingdong ang founding chairman ng foundation na pangunahing misyon ang empowerment ng mga kabataan.

Wala ring dapat ipaliwanag o linawin sina Dingdong at Marian sa mga kritiko na nagmamarunong dahil karapatan nila na gastusan ang isang importante na bahagi ng kanilang pagmamahalan.

Si Teena Barretto ang wedding coordinator nina Marian at Dingdong.

In defense of the couple, naglabas ng statement si Teena.

Pero kung ako ang tatanungin, hindi ito dapat ginawa dahil binigyan lang ng atensiyon na pinakamimithi at pinakahihintay ng mga basher nina Marian at Dingdong.

*******

Nakisawsaw at nakisakay rin sa naganap na pag-iisang-dibdib nina Marian at Dingdong ang isang manghuhula na inikot ang lahat ng mga TV network para sa kanyang annual predictions.

Kung pakikinggang mabuti, sagana lang sa palabok pero walang sustansiya ang prediksiyon ng manghuhula na nagsabi na “posibleng” magbuntis si Marian ngayong 2015.

Paliguy-ligoy at walang katiyakan ang hula ng pasikat na manghuhula.

Kahit sino, puwedeng magsabi na posible talagang mabuntis at magbuntis si Marian dahil may asawa na siya.

Magiging kapani-paniwala ang hula kung nasabi ng manghuhula ang eksaktong petsa ng pagbubuntis at pagsisilang ni Marian, pati na ang gender ng magiging panganay nila ni Dingdong.

Tuloy, parang naki-ride on lang ang manghuhula sa pagpapakasal nina Marian at Dingdong para magkaroon ito ng TV exposure at madagdagan ang kanyang premium, kung meron man.

Do movies with sex scenes deserve PG rating?

Filed under: Uncategorized — admin at 2:02 pm on Wednesday, August 13, 2014

Nakakatanggap ng reklamo ang MTRCB tungkol sa classification ng mga pelikula na official entry sa 10th Cinemalaya Philippine Independent Film Festival.

Ipinarating sa MTRCB ng concerned citizens ang kanilang pagkabahala sa mga classification ng pelikula na hindi tugma sa mga violent action at sex scenes na napanood nila.

Naiintindihan namin ang pinanggagalingan ng concerned citizens dahil nabahala rin kami nang aming mapanood ang S6parados, isa sa mga official entry sa New Breed Full Length Category ng Cinemalaya X.

PG ang classification sa S6parados pero may mga nudity at masturbation scene ang pelikula.

Maselan ang tema ng pelikula dahil tungkol ito sa kuwento ng pakikipaghiwalay ng anim na lalake sa kanilang mga karelasyon.

Isang MTRCB employee ang nagparating sa amin na walang kinalaman ang opisina ni MTRCB Chairman Toto Villareal sa maling classification sa S6parados at sa ibang  Cinemalaya movies dahil sa Memorandum of Agreement sa pagitan ng Cultural Center of the Philippines (CCP) at MTRCB.

Naka-post sa website ng Film Academy of the Philippines ang report nila noong August 2013  tungkol sa kasunduan ng MTRCB at CCP, ang organizer ng Cinemalaya:

“In a gesture of trust and recognition that the Cinemalaya Indie Filmfest has carved an enviable record in fostering local cinema, the Movie and Television Review and Classification Board had actually allowed Cinemalaya to exercise self-regulation during the 2013 edition held last July 26 to August 4.

“The Cultural Center of the Philippines (CCP), which organized the filmfest, and the MTRCB signed a Memorandum of Agreement (MOA) allowing Cinemalaya producers to self-regulate their respective entries.

“MTRCB Chairman Atty. Toto Villareal clarified that under the memo of agreement, his office didn’t review CCP-Cinemalaya entries anymore since they did practice self-regulation in the classification of their films in three major categories.

“Even Cinemalaya films shown outside the Cultural Center—in commercial establishments like Trinoma, Greenbelt and Alabang Center—did not go through MTRCB review and self-regulation was practiced instead.

“‘Any venue, or even commercial establishments used for government purposes [CCP is a government office] becomes a government facility,’ said Villareal.

“‘Self-regulation however ends once any Cinemalaya 2013 film is shown on commercial run,’ Villareal explained.

“‘Then each film will have to undergo MTRCB review,’ he added.”

*******

Umiral pa rin ang MOA ng CCP at MTRCB sa Cinemalaya X pero marami ang nagsasabi na tila lumampas sa guhit o inabuso ng mga filmmaker ang kalayaan na ipinagkaloob sa kanila sa paggawa ng indie movie.

Napanood din ng MTRCB employee na nakausap namin ang S6parados at nakiayon siya sa aming obserbasyon dahil hindi tama na PG lamang ang classification ng pelikula, base sa mga maseselan na eksena na kanyang napanood.

Hindi nag-iisa ang S6parados dahil may ibang mga pelikula na matitindi ang mga eksena pero mali ang mga classification, at ang organizer ng Cinemalaya ang sinisisi.

*******

Ang entertainment columnist at radio anchor na si Ambet Nabus ang isa sa mga nakipag-ugnayan kay MTRCB Chair Villareal dahil nabahala siya sa mga eksena ng mga Cinemalaya film na pinanood niya.

Bothered na bothered si Ambet nang mapanood nito ang Kasal ng direktor na si Jay Altajeros dahil sa extended at makatotohanan na gay sex scene nina Arnold Reyes at Oliver Aquino.

Sinabi ni Ambet na bakla na siya pero hindi niya nagustuhan ang sex scene nina Reyes at Aquino dahil sa kanyang sariling salita, “pornong-porno” na ang eksena na hindi naman kailangan na habaan.

Sa paningin ni Ambet, exploited nang todo sina Reyes at Aquino sa gay sex scene ng Kasal na ironically, tinanghal na best picture sa Director’s Showcase Category ng Cinemalaya X.

*******

Walang bakante na silya nang panoorin namin ang Dagitab, at mga estudyante ang karamihan sa aming mga kasabay.

   Nagustuhan namin ang Dagitab at ang mahuhusay na pagganap nina Eula at Nonie Buencamino pero nag-isip kami nang ipakita ang sex scene nina Nonie at Maxine Eigenmann.

Tahimik ang audience habang ipinapakita ang mahaba na pumping scene ng mga totally naked na sina Maxine at Nonie.

Tulad namin, baka nag-iisip din sila kung bakit may ganoong eksena na hindi naman kailangan.

Dahil sa mga reklamo na natanggap ng MTRCB, inaasahan na magkakaroon sila ng imbestigasyon sa pang-aabuso sa self-regulation o temporary freedom to classify na ipinagkaloob nila nang pansamantala sa sampung araw na pamamayagpag ng Cinemalaya X.

*******

Ang pagkakapare-pareho ng mga eksena ang aming napansin sa mga Cinemalaya film (New Breed at Director’s Showcase) na pinanood namin.

Nagsuka ang karakter ni Allen Dizon sa Children’s Show dahil sa sobrang kalasingan at ganito rin ang eksena ni Eula Valdes sa Dagitab.

Parang wala sa sarili ang pakikipagkuwentuhan ni Ai-Ai Delas Alas kay Carlos Morales sa loob ng sasakyan sa eksena ng Rondo, at kapareha ito ng eksena nina Eula Valdes at Nonie Buencamino sa Dagitab.

Kung nagpakamatay si Elmo Magalona sa #Y sa pamamagitan ng pagtalon mula sa mataas na building, tumalon din mula sa mataas na bangin si RK Bagatsing sa suicide scene nito sa K’Na, The Dreamweaver.

Nakakita ng sisiw si Divine Aucina sa eksena niya sa Children’s Show at sisiw rin ang nakita at ginamitan ni Miggs Cuaderno ng tirador sa Asintado.

Infectious ang paghalakhak ni Eula Valdes sa Dagitab at wala itong ipinagkaiba sa halakhak  ni Nora Aunor sa huling eksena ng Hustisya.

Higit sa lahat, gamit na gamit ang mura na “p*tang-ina” sa karamihan ng Cinemalaya X films na parang hindi mabibigyan ng justice ang galit ng mga karakter kung hindi nila sasabihin ang nabanggit na salita.

Gamit na gamit ang “p*tang-ina” sa mga eksena ng Sundalong Kanin, Children’s Show, The Janitor, S6parados, #Y, Ronda etc.

Marami pa ang mga eksena sa Cinemalaya films ang magkakatulad pero nalito na kami dahil sa dami at magkakasunod na pelikula na pinanood namin.

Warning before you watch and share Paolo Bediones sex video

Filed under: Uncategorized — admin at 12:22 am on Monday, July 28, 2014

Luma na ang alleged sex videos ni Paolo Bediones na kumakalat sa Internet at pinagpipistahan ng mga tao na mahihilig sa mga iskandalo.

Walang bago sa alleged sex videos ni Paolo dahil normal na ginagawa ito ng mga  babae at lalake na may relasyon, ng mga mag-asawa, at maging ng mga prostitute.

Maingay ang alleged sex videos ni Paolo dahil celebrity siya na nagkamali na i-record ang intimate moments nila ng kanyang mga partner.

Minalas lang siya dahil nag-leak o napasakamay ng ibang mga tao ang kanyang private video.

*******

Another Hayden Kho Jr. ang tawag kay Paolo dahil sa alleged sex videos na parang bomba na sumabog kahapon, July 26, sa social media.

Hindi tama na ikumpara si Paolo kay Hayden dahil may mga pagkakaiba sa sitwasyon nila.

Sa sex videos ni Hayden na kumalat noong 2009, hindi alam ng mga sex partner niya na may hidden camera na nakatutok sa kanila.

Sa alleged sex videos ni Paolo, may consent ang kanyang mga partner dahil alam nila na naka-on ang video camera.

*******

Bago pa lumitaw ang mga sex video ni Hayden Kho, nauna nang natsismis na may sex video scandal si Paolo pero walang kopya na kumalat.

Ang TV host na si Boy Abunda ang isa sa mga nakaalam tungkol sa balitang may sex video scandal si Paolo.

Kahit may mga materyal na puwedeng gamitin, hindi gumawa ng report si Boy tungkol sa sex video na ibinibintang kay Paolo bilang respeto sa kasamahan niya sa television industry.

*******

Naglabas ang TV5 ng official statement bilang suporta kay Paolo.

Hinihintay ng mga sumusubaybay sa kaso ang paliwanag o official statement mula kay Paolo.

Para sa amin, wala nang dahilan para magpaliwanag si Paolo.

Hindi naman niya ginusto na kumalat ang alleged sex videos dahil walang taong matino na ilalagay sa kahihiyan ang sarili.

At kung siya man talaga ang tao na mapapanood sa mahigit sa tatlo na sex videos, naging careless lang si Paolo at tiyak na pinagsisisihan na niya ang kanyang ginawa.

At the end of the day, mas mahalaga pa rin ang aral na kanyang natutunan.

*******

Naisakatuparan noong February 15, 2010 ang Republic Act 9995 o Anti-Photo and Video Voyeurism Act of 2009 dahil sa sex videos ni Hayden Kho.

Luma na ang mga alleged sex video ni Paolo na kumalat at patuloy na kumakalat pero protektado siya ng R.A. 9995.

Marami pa rin ang mangmang sa batas dahil pinaiiral nila ang curiosity na mapanood ang mga sex video scandal na kinasasangkutan ng mga popular personality.

Nakakalimutan nila na may mga pananagutan sila sa batas kaya ipinapaalaala namin sa kanila ang mga nakasaad sa R.A. 9995.

Section 4. Prohibited Acts. It is hereby prohibited and declared unlawful for any person:

(a) To take photo or video coverage of a person or group of persons performing sexual act or any similar activity or to capture an image of the private area of a person/s such as the naked or undergarment clad genitals, public area, buttocks or female breast without the consent of the person/s involved and under circumstances in which the person/s has/have a reasonable expectation of privacy;

(b) To copy or reproduce, or to cause to be copied or reproduced, such photo or video or recording of sexual act or any similar activity with or without consideration;

(c) To sell or distribute, or cause to be sold or distributed, such photo or video or recording of sexual act, whether it be the original copy or reproduction thereof; or

(d) To publish or broadcast, or cause to be published or broadcast, whether in print or broadcast media, or show or exhibit the photo or video coverage or recordings of such sexual act or any similar activity through VCD/DVD, internet, cellular phones and other similar means or device.

The prohibition under paragraphs (b), (c) and (d) shall apply notwithstanding that consent to record or take photo or video coverage of the same was given by such person/s. Any person who violates this provision shall be liable for photo or video voyeurism as defined herein.

Section 5. Penalties. The penalty of imprisonment of not less that three (3) years but not more than seven (7) years and a fine of not less than One hundred thousand pesos (P100,000.00) but not more than Five hundred thousand pesos (P500,000.00), or both, at the discretion of the court shall be imposed upon any person found guilty of violating Section 4 of this Act.

If the violator is a juridical person, its license or franchise shall be automatically be deemed revoked and the persons liable shall be the officers thereof including the editor and reporter in the case of print media, and the station manager, editor and broadcaster in the case of a broadcast media.

If the offender is a public officer or employee, or a professional, he/she shall be administratively liable.

If the offender is an alien, he/she shall be subject to deportation proceedings after serving his/her sentence and payment of fines.

Section 6. Exemption. Nothing contained in this Act, however, shall render it unlawful or punishable for any peace officer, who is authorized by a written order of the court, to use the record or any copy thereof as evidence in any civil, criminal investigation or trial of the crime of photo or video voyeurism: Provided, That such written order shall only be issued or granted upon written application and the examination under oath or affirmation of the applicant and the witnesses he/she may produce, and upon showing that there are reasonable grounds to believe that photo or video voyeurism has been committed or is about to be committed, and that the evidence to be obtained is essential to the conviction of any person for, or to the solution or prevention of such, crime.

One on one with Vhong Navarro

Filed under: Uncategorized — admin at 1:02 am on Friday, January 31, 2014

Mahigpit ang security sa ospital na kinaroroonan ni Vhong Navarro.

Kahit mga kilalang tao ang mga dumadalaw kay Vhong, tinitignan talaga ng security guards ang mga bag na dala nila.

Humihingi rin ng clearance mula kay Vhong ang mga bantay kung dapat papasukin ang mga nagnanais na bumisita sa kanya.

 *******

Maaari nang lumabas si Vhong ng ospital kapag natanggal na ang tahi sa kanyang ilong na resulta ng limang oras na reconstructive surgery noong Lunes, January 27.

Unti-unti nang nawawala ang pamamaga ng mukha ni Vhong pero maitim na maitim pa rin ang paligid ng kanyang mga mata.

Nagkaroon din ng pamumula ang right eye ni Vhong na hirap sa pagsasalita dahil humihinga siya sa pamamagitan ng kanyang bibig.

 

*******      

Napanood na ni Vhong ang CCTV footage ng mga pangyayari sa Forbeswood Heights Condominium noong January 22.

Nadagdagan daw ang lungkot ni Vhong sa footage ng pagpasok ni Deniece Cornejo sa elevator, ang pag-aayos ng dalaga ng buhok at pagngiti, isang minuto matapos umakyat ng TV host/comedian sa second floor ng condominium unit.

*******      

Hindi raw alam ni Vhong kung sino ang mga bumugbog sa kanya dahil piniringan ang mga mata niya.

Nang alisin ang piring sa mga mata ni Vhong, si Cedric Lee umano ang unang bumulaga sa kanya.

Nagpakilala raw si Cedric at nagsabi ng, “Sabihin mo kay Vina Morales ang ginawa ko sa ’yo pero huwag mong sabihin na ako ang nagsabi.”

Nabilang ni Vhong ang bilang ng mga kasama ni Cedric nang tanggalin ang piring sa kanyang mga mata at habang naglalakad sila patungo sa elevator.

*******      

Matinding takot ang naramdaman daw ni Vhong dahil sa mga banta na papatayin ang kanyang mga anak.

Hindi na naramdaman ni Vhong ang sakit ng mga suntok at sipa sa kanya dahil namanhid na ang buong katawan niya at mas umiral ang takot at pag-aalala para sa pamilya niya.

*******      

Mula sa police station, umuwi si Vhong sa bahay niya sa Quezon City, at sinabi sa kanyang girlfriend ang nangyari.

Tumanggi raw si Vhong na dalhin siya sa ospital dahil ayaw niya na malaman ng publiko ang nangyari sa kanya. Takot si Vhong na buweltahan  ng kanyang mga attacker dahil hindi niya tinupad ang usapan na mananahimik siya.

Hindi pumayag ang girlfriend ni Vhong na hindi ito madala sa ospital, kahit  iginiit ng TV host/comedian na mawawala ang pamamaga ng kanyang mukha kapag nilagyan ito ng yelo.

Hindi na nakasipot si Vhong sa shooting ng pelikula niya sa Star Cinema noong Huwebes, January 23, dahil sa nangyari.

*******       

Napilitan si Vhong na magsalita dahil sa pangungulit sa kanya ng pamilya at mga kaibigan niya.

Gabi ng Miyerkules, January 22, nang maganap ang pananakit kay Vhong at nagsalita lamang siya noong Linggo, January 26, kay Boy Abunda ng Buzz Ng Bayan.

Nakumbinsi si Vhong na sabihin sa publiko ang buong pangyayari para hindi na ito maulit sa kanya at sa ibang tao.

Ayaw rin daw ni Vhong na habampanahon siya na mabuhay na may takot na baka may mangyaring masama sa kanya at sa pamilya niya.       

*******     

Maliban sa pamamaga ng mukha at sinulid sa kanyang ilong, dahan-dahan nang bumabalik ang normal na itsura ni Vhong.

Hindi tumangos ang ilong ni Vhong na nabasag ang buto, resulta ng pambubugbog.

Hindi siya pumayag na baguhin ang hugis o patangusin ng mga doktor ang kanyang ilong dahil masisira ang continuity ng mga eksena sa pelikula na ginagawa niya sa Star Cinema.

Wala rin daw katotohanan ang tsismis na inoperahan din ang private part ni Vhong na ayon sa kanya ay binaboy ng grupo ni Cedric.

*******

ED’S NOTE: Sa pamamagitan ng text messaging kagabi, January 30, at 11:03 PM, kinontak ng PEP si Cedric Lee para tanungin ang reaksiyon nito sa dalawang bagay:

1) pahayag ng NBI tungkol sa CCTV

2) kuwento ni Vhong sa blogger na ito na binanggit ni Cedric ang pangalan ng ex-girlfriend na si Vina Morales nang tanggalin ang piring ng host/comedian.

Hindi sinagot ng businessman ang unang tanong, pero may maikling sagot ito tungkol sa pangalawang tanong.

Heto ang pahayag ni Cedric: “No. Never. Vina and I are not in good terms now. Why would I involve her?”

Samantala, kinontak din ng PEP si Deniece, subalit wala pa itong sagot.

Bukas ang website na ito sa mga pahayag ng taong sangkot sa isyu.

Megan Young: everybody loves a winner

Filed under: Uncategorized — admin at 8:28 pm on Sunday, September 29, 2013
Everbody loves a winner.
 
Ilang minuto pagkatapos kumalat sa social media ang tagumpay ni Megan Young sa Miss World 2013, nadagdagan ang followers niya sa Twitter at Instagram.
 
Bago siya nanalo kagabi, September 28, 260,000 ang followers ni Megan sa kanyang Instagram account.
 
At press time, 312,000 na ang subscribers ng Instagram account ni Megan at patuloy ito na nadaragdagan.
 
Suddenly, lumitaw sa Facebook ang mga litrato ni Megan, kasama ang mga tao na sumusumpa na karapat-dapat siya bilang Miss World.
 
Kuha ang mga litrato noong nagsisimula pa lamang si Megan sa showbiz, mula sa kanyang mga TV guesting, at nang mapanalunan niya ang Miss World Philippines 2013 crown and title.
 
Kung natalo si Megan, it would be an entirely different story.
 
*******
 
Hindi nagpahuli ang mga major television network.
 
Kapatid star Megan Young, nanalong Miss World ang headline ng breaking news ng TV5 at Aksyon TV5.
 
Kapamilya Star Wins Miss World ang balita  ng ABS-CBN, at Starstruck Alumna, Megan Young, Wagi sa Miss World ang claim ng GMA-7.
 
Everybody loves a winner.
 
*******
 
Lahat ng mga kakilala ni Megan, close man o simpleng acquaintance, may mga kuwento tungkol sa kanyang kagandahan at pagkakaroon ng ginintuang kalooban.
 
Hindi nagpahuli ang isang kandidata na nakilala lang ni Megan noong sumali ito sa Miss World Philippines.
 
Sa isang interbyu, ikinuwento niya ang closeness nila ni Megan na parang the best of friends sila.
 
Everybody loves a winner.
                                                  
******
      
Hindi lamang ang mga kababayan natin ang naniwala na si Megan ang dapat na manalo ng Miss World 2013 title and crown.
 
Naka-monitor kami sa timeline ng Twitter habang nagaganap sa Bali, Indonesia, ang finale night ng Miss World 2013.
 
Pati ang mga taga-ibang bansa, si Megan ang bet nila na manalo, hindi ang kanilang mga kababayan na delegate din sa nabanggit na beauty pageant.
 
*******
 
Naka-relate kay Megan ang Miss World 2013 host na si Myleene Klass, lalo na nang mapanood nito ang interview sa ina ng Filipina beauty queen.
 
English ang tatay ni Myleene pero Pilipina ang kanyang ina.
 
Onstage, habang iniinterbyu niya si Megan, hindi napigilan ni Mylene ang sarili.
 
Sa harap ng milyun-milyong televiewers sa buong mundo, sinabi ni Mylene na, “My mom’s a Filipina. I know she’s crazy right now.”
 
*******
 
Malaki ang naitulong ng pagiging artista ni Megan kaya triple ang pagbubunyi ng mga Pilipino sa kanyang tagumpay sa Miss World.
 
Dahil sa showbiz, sanay na si Megan na inuusisa ng media ang kanyang personal na buhay.
 
Ngayong may international beauty title na siya, hindi lamang ang local media ang magtatanong tungkol sa kanyang lovelife.
 
May ready answer na si Megan dahil sa interbyu sa isang news program, sinabi niya na wala siyang karelasyon at ang Miss World Organization ang kanyang boyfriend ngayon.

Claudia Zobel’s corpse remains almost the same 29 years after death

Filed under: Uncategorized — admin at 7:00 pm on Friday, August 30, 2013
Trending topic ngayon sa social media ang pagkakatuklas sa well-preserved corpse ni Claudia Zobel, ang sexy symbol na pumanaw noong February 10, 1984, dahil sa isang car accident na nangyari sa tapat ng Mantrade (near Pasong Tamo ), EDSA.
 
Nawalan ng kontrol ang Mitsubishi Colt (plate number PDS 119) na minamaneho ni Claudia at tumama sa island gutter na naging dahilan para tumaob at bumangga sa paparating na sasakyan, na papunta sa Pasay City mula sa Cubao.
 
Baguhan si Claudia sa pagmamaneho nang maganap ang aksidente na nadaanan ng aktor na si Al Tantay.
 
Kabilang si Al sa mga tumulong at nagsugod kay Claudia sa Makati Medical Center pero binawian pa rin ng buhay ang sexy star sa edad na 18.
 
Nalaman na lang ni Al na si Claudia ang babae na kanyang tinulungan habang nasa ospital sila.
 
Ibinurol ang labi ni Claudia sa Loyola Memorial Chapels sa Guadalupe, Makati City.
 
At dahil tubong Mambaling, Cebu, inilibing siya sa Queen City Memorial Garden sa Cebu City.
 
Nadiskubre ang hindi nabubulok na bangkay ni Claudia nang buksan ang  libingan niya dahil dito rin sana ilalagak kahapon, August 29, ang labi ng kanyang 75-year-old father na namatay, bunga ng atake sa puso.
 
Sa report ng Freeman Cebu, buong-buo pa ang mukha at katawan ni Claudia nang buksan ang kanyang kabaong, makalipas ang 29 years mula nang pumanaw siya.
 
Para sa mga naniniwala sa milagro, isang himala ang nangyari at ang pilit na inuugnay ito sa pamagat ng huling pelikula ni Claudia, ang Sinner or Saint.
 
Hiningi ng Freeman at Philippine Star reporters na sina Nina Sumacot at Ria Mae Booc ang opinyon ni Dr. Nestor Sator, ang medico-legal officer ng Region 7 police crime laboratory na nagpahayag na nagiging mummified ang bangkay ng isang tao dahil sa heat exposure, uri ng lupa na pinaglibingan, at sa klase ng kabaong na ginamit.
 
Ayon kay Sator, nagiging mummified ang bangkay kapag inilibing ito sa isang sandy oil dahil sa kawalan ng hamog na papasok sa ataol.
 
Malaki raw ang kinalaman ng hamog para magkaroon ng bacteria na nagreresulta sa pagkabulok.
 
Thelma Maloloy-on ang tunay na pangalan ni Claudia Zobel at Joy ang kanyang palayaw.
 
Si Lily Monteverde ng Regal Films ang nagbigay sa kanya ng malaking break, ang lead role sa Shame, isang blockbuster movie na tumalo noong 1983 sa To Love Again, ang pelikula ni Sharon Cuneta.
 
Ang kapwa sexy star na si Stella Strada ang karibal noon ni Claudia sa paggawa ng sexy films.
 
Nang mamatay si Claudia, kabilang si Stella sa mga nagpunta at nakiramay sa Loyola Memorial Chapels sa Guadalupe, Makati City.
 
Ten months later, si Stella naman ang nakaburol sa chapel na pinagburulan sa labi ni Claudia dahil nagpakamatay ito sa pamamagitan ng pagbibigti sa sarili noong December 28, 1984.

Cinemalaya 2013: hit and miss!

Filed under: Uncategorized — admin at 2:12 pm on Friday, August 2, 2013

At press time, labing-isa na ang bilang ng aming napanood na  independent movie na official entries sa Cinemalaya Philippine Independent Film Festival— ang Babagwa, Purok 7, Nuwebe, Rekorder, David F., Debosyon, Quick Change, Amor Y Muerte, Ekstra, Sana Dati, at Instant Mommy.

Movie marathon ang aming panonood, apat na pelikula noong Sabado, July 27, apat na pelikula noong Linggo, isa noong Lunes, at dalawa noong Martes, kaya napansin namin ang pagkakapareho ng mga eksena.

Naumpisahan sa masturbation scene ni Alex Medina sa Babagwa na sinundan ng masturbation scene ni Jake Cuenca sa Nuwebe, at ang pinakahuli, ang masturbation scene ng isang extra sa Rekorder.

Uso ang pangalan na Arlene at Daisy sa mga indie movie dahil ito ang pangalan ng ilan sa mga karakter.

Uso rin ang pagpatay ng mga hayop tulad ng baboy at manok sa mga indie na pinanood namin.

Kasali si Anita Linda sa cast ng Nuwebe at David F.

Pinakamarami ang participation ni Nico Antonio dahil may role ito sa Babagwa, Instant Mommy, at Ekstra na hindi nakapagtataka dahil ang nanay, si Atty. Joji Alonso, ang producer ng mga nasabing pelikula.

Kasama rin si Nico sa cast ng Sana Dati at dito siya binigyan ng mahabang exposure at challenging role.

*******     

Naging legal din sa mga Cinemalaya movie ang pagpapakita ng mga hubad na katawan.

May mga nudity at sex scenes sina Alex Medina at Chanel Latorre sa Babagwa, si Jake Cuenca sa Nuwebe, sina Jun-Jun Quintana, Mimi Juareza, at Francine Garcia sa Quick Change, sina Althea Vega, Markki Stroem, at Adrian Sebastian sa Amor Y Muerte, sina Mara Lopez at Paulo Avelino sa Debosyon,   at si Eugene Domingo na nagpakita ng kanyang right boob sa Instant Mommy.

*******    

Nanghinayang kami sa materyal ng Nuwebe, David F., at Rekorder

Hindi kami nakisimpatiya sa mga karakter nina Jake Cuenca, Nadine Samonte, at ng child actress na si Barbara Miguel sa Nuwebe.

Imbes na kaawaan, kinainisan ang karakter ni Barbara na hindi dapat, dahil biktima siya ng rape ng sariling ama at nagbuntis siya sa edad na nuwebe.

Pinagtawanan ng audience ang monologue ni Barbara dahil pinagamit siya ng mga salita na hindi akma o sinasabi ng isang bata.  

Maganda ang umpisa ng David F., mahusay si Mitch Valdes bilang ina ni David F., na ginampanan ni Dax Martin pero lumaylay sa kalagitnaan ng pelikula ang kuwento.

Hindi kami film critic, ordinary movie watcher lamang kami, pero alam namin kapag may problema sa mga eksena at paglalahad ng kuwento.

*******    

Inirekomenda namin sa aming mga kakilala at kabigan ang Purok 7 at ang Quick Change dahil maayos ang pagkakagawa nito.

Kung gusto ninyo na may matutunan habang nanonood, ang Quick Change ang inyong dapat panoorin.

Ipinakita ng direktor na si Eduardo Roy Jr. sa Quick Change ang buhay at mga ikinabubuhay ng mga transsexual at transgender.

Hindi kilala ang mga artista ng Quick Change pero mahihiya sa husay nila ang mga seasoned actor at ang mga artista na nanalo ng mga acting award dahil lamang sa kanilang popularidad.

Pinahanga kami ng child actor na si Miggs Cuaderno, isa sa mga bida sa Quick Change at Purok 7.

Heartwarming ang kuwento at endearing ang mga karakter ng Purok 7. Pinatunayan ng direktor na si Carlo Obispo na hindi kailangan ang mga eksena ng hubaran at bayolente para maging maganda ang isang pelikula.

Anjanette Abayari, Daiana Menezes, Mahal on social media!

Filed under: Uncategorized — admin at 1:37 am on Tuesday, June 25, 2013

Gusto ng dating sexy actress na si Anjanette Abayari na bumalik sa Pilipinas at i-resume ang kanyang showbiz career.

Nanggaling ang balita mula sa aming common friend na nakita at nakausap si Anjanette sa Glendale, California.

Dalawa na ang anak ni Anjanette pero walang masyadong impormasyon tungkol sa kanyang personal na buhay.

Matatandaang hindi pa uso ang social media nang masangkot si Anjanette sa isang malaking eskandalo sa Guam noong 1999.

Dahil American citizen, hindi na pinayagan si Anjanette na makabalik sa Pilipinas at idineklara siya na persona non grata ni dating Pangulo Joseph Estrada.

Marami ang interesado na makita ang itsura ni Anjanette, labing-apat na taon makalipas ang eskandalo na nagpabago sa takbo ng kanyang buhay.

Bukod sa recent picture ni Anjanette na kuha sa California at ibinigay ng aming kaibigan, nakatulong ang Facebook para malaman ng mga tao ang itsura ngayon ng former beauty queen/actress.

Inilagay ni Chris Ad Castillo sa kanyang Facebook account ang litrato nila ni Anjanette.

Si Chris ang dating aktor na sinusundan ang yapak bilang direktor ng kanyang namayapang ama, ang award-winning filmmaker na si Celso Ad Castillo.

*******

Ang social media at ang kanyang mga cryptic message tungkol sa rape at domestic violence ang ginamit ni Daiana Menezes para iparating sa publiko ang kanyang mga pinagdaraanan.

Marami ang nag-alok ng tulong kay Daiana pero nagbago ang kanilang isip dahil sa inconsistent statements ng Brazilian model tungkol sa relasyon nila ng kanyang asawa, si Congressman Benjo Benaldo.

Kahit ang mga netizens na sa una ay kumampi kay Daiana, sila rin ang unang bumawi sa kanilang suporta.

Mahirap tulungan at kampihan si Daiana dahil sa kanyang mga pabago-bagong pahayag.

*******

Malabo ang mga statement ni Daiana.

Daig pa siya ni Mahal na straight to the point at honest sa mga naging sagot niya sa aming mga tanong.

Ang Facebook ang ginamit namin para magkaroon kami ng communication kay Mahal na mabilis na nagpaunlak.

Unang itinanong namin kay Mahal ang kanyang cellphone number. Ibinigay niya ang contact number pero nagbilin siya na magpaalam muna kami sa kanyang manager.

Hindi na kami nakahingi ng permiso mula sa manager ni Mahal dahil sinagot din nito ang aming mga katanungan at ito ang naging takbo ng aming pag-uusap.

Jojo Gabinete (JG): Itatanong ko lang naman kung bakit sexy na ang image mo?

Mahal: Ganun po talaga, nag-iiba ng image para lalong mapansin.

JG: Effective nga e dahil napansin kita. Yung Gigolo ba, sexy movie? Ano ang role mo?

Mahal : What? K lang po. Coming soon, June.

JG: Ano nga ang papel mo sa Gigolo? Sexy ba ang movie? Nagpaseksi ka ba sa Gigolo?

Mahal: Opo. Basta nood ka na lang.

JG: May itatanong din pala ako tungkol kay Jed Salang. Nakita ko kasi na follower ka niya sa Facebook. Bakit mo naisip na i-follow siya? Nag-hi ka pa sa kanya. Gusto mo ba siya ma-meet sa personal?

Mahal: Hindi sa ganoon. Hindi ko sadya.

JG: May message ka ba para kina Jed at Ai-Ai delas Alas tungkol sa paghihiwalay nila?

Mahal : Wala po

JG: Teka, bakit ka nga pala nagpalagay ng tattoo?

Mahal: Hindi po, hina po yun.

JG: Ah, henna lang… Kumusta naman ang lovelife mo ngayon?

Mahal: Mabuti naman.

JG: Bakit nga pala inamin mo sa TV na 38 years old ka na?
Mahal : 38 po para malaman nila yun.

JG: May boyfriend ka na ba?

Mahal: Secret. Hindi puwedeng sabihin. Uunahin ko muna ang career.

Charice: OK ba o OA na?

Filed under: Uncategorized — admin at 4:26 pm on Monday, June 10, 2013

Nagpasasalamat si Charice dahil tinanggap ng publiko ang kanyang tunay na pagkatao.

Pero hindi pa dapat magsalita nang tapos si Charice dahil hindi pa siya nakakasiguro.

Malalaman niya ang tunay na kasagutan  at katotohanan kung sold out ang kanyang future concerts at albums.

Sa ngayon, mataas ang rating ng mga TV guesting ni Charice dahil curious pa ang mga tao sa kanyang bagong itsura, sa kuwento ng lovelife niya, at sa away nila ng kanyang nanay na si Raquel Pempengco.

Pero hindi pa dapat magsalita nang tapos si Charice dahil unti-unti nang napapalitan ng pagkainis ang paghanga sa katapangan niya, ilang araw pagkatapos ng kanyang pag-amin na tomboy siya.

Naging negative ang positive comments dahil sa pag-iikot ni Charice sa lahat ng mga TV show (Celebrity Bluff, Gandang Gabi Vice, It’s Showtime, Unang Hirit, Headstart, Startalk, Follow That Stars, mga news program, etc.).

Obviously, na-inspire nang husto si Charice sa mga papuri na narinig niya mula nang magladlad siya sa national television sa exclusive interview  ni Boy Abunda sa The Buzz  kaya naging busy siya sa pagpo-promote sa media ng kanyang bagong katauhan.

Napalitan ng pagkainis kay Charice ang paghanga ng mga tao sa kanyang pagpapakatotoo. Siya rin ang dapat sisihin dahil sinagad niya ang sarili.

Suddenly, kinukuwestyon na  ang kanyang mga inconsistent statement.

Nagsalita si Charice na hindi nito inilalantad sa publiko si Alyssa Quijano bilang proteksiyon sa kanyang girlfriend.
    

And yet, panay ang declaration ni Charice  sa national TV na mahal na mahal niya si Alyssa at ito ang kanyang inspirasyon.
  

Tila naalibadbaran na rin ang mga tao sa trying hard na pagpapakalalake ni Charice sa kilos at salita na nagiging poor impersonation niya sa mag-tiyo na Robin at Daniel Padilla.

Nakadagdag sa nagiging negative image ni Charice ang mga kuwento ng kanyang  ina na tanggap ang pagkatomboy ng anak pero hindi ang girlfriend nito.

Sinabi ni Raquel sa exclusive interview sa kanya ni Korina Sanchez sa Rated K na inawat niya si Charice na huwag muna nitong aminin sa publiko ang pagiging tomboy dahil makakaapekto ito sa career ng anak.

“Sa aking palagay din, marami [ang deals na hindi matutuloy]. Marami din ang uurong dahil iba yung nakita nila noon, iba yung hahanapin nila ngayon. Sa Amerika kasi, marami silang ganyang image, bakit pa sila kukuha ng tomboy kung puwede naman silang kumuha ng lalake?”

*******

May mga bumabatikos naman kay Raquel dahil sa pahayag nito na dati siyang tomboy pero pinilit niya na magpakababae bilang pagsunod sa kagustuhan ng kanyang ina. Pinagtawanan ng detractors ang statement ng ina ni Charice dahil sa kanilang paniniwala na “once a tomboy, always a tomboy.”

Dating bakla ang former TV host na si Anselle Beluso na aminado na naranasan niya ang lahat ng klase ng gay activities.

Ngayon, happily-married si Anselle sa piling ng kanyang misis at dalawang anak dahil pinili niya na talikuran ang dating sexual orientation, mula nang magbalik-loob siya sa Diyos.

Sa kasalukuyan, aktibo si Anselle sa pagpapalaganap sa mga salita ng Diyos at hindi niya ikinahihiya na ibahagi sa mga tao ang kanyang nakaraan.  

Next Page »